ꤊꤢ꤬ꤜꤢ꤬ꤒꤤ 6:13 - ลีเทส่อพ๊าอาเซ เร๊อ เห่ขุทวาลู๊

¹³ เหย่ซี เด๊อ อา ดื๊อตีลี๊ เจ๊อพ๊า เนอเต๊เห่ เจ๊อ เร๊อ อา จูเอ่ เกออู เตซว๊าเตแส่ โต่. หม่าแน๊เรอ แซ่ฮู๊ เหย่ซี เก่ แด่แถ่โล แลแค อาซิปล่อ เร๊อ ซี ครวา ดื๊อตีลี๊ เป่ เกอ ลู พ๊า เออ อาคยา เนอเรอ, เหย่ซี ซิหยื่อ นอดื๊อตีลี๊ เกอ ซีพ๊า แพ๊.

Eastern Kayah Shadaw Dialect

¹³ ꤛꤢꤩ꤬ꤞꤤ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤡꤣꤧꤖꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ ꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ꤜꤥ꤭ ꤜꤢ꤭ꤋꤢꤧ꤭ ꤢ꤬ꤞꤤꤕꤜꤢꤪ꤬ ꤔꤢꤧ ꤞꤤ꤭ ꤋꤚꤝꤢ꤭ ꤘꤢꤦꤒꤣꤧ꤬ꤜꤤ ꤕ꤫ꤢꤩ꤬ ꤊꤣꤧ꤭ ꤜꤢꤨ꤭ ꤖꤢ ꤣꤧ꤭ ꤢ꤬ꤋꤛꤢ꤭ ꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤔꤢꤪ꤭ꤘꤢꤦꤒꤣꤧ꤬ꤜꤤ ꤊꤣꤧ꤭ ꤞꤤ꤭ꤖꤢ ꤖꤢꤧ꤯

ꤊꤢ꤬ꤜꤢ꤬ꤒꤤ 6:13 ပူးပေါင်းရင်းမြစ်များ

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

โครินธ์ อาเหร่อเล๊อ ต๊าบ่า 5:6

ซี จว๊า เฮ๊เบ่ แถ่โล โต่ ซีโหง่ ฮู๊เนอหม่า อาหม่า โต่. ซิเหน่แถ่ แลแค โหง่ ตือมือ เด๊อ อา เฮ๊ เน๊อ, “โฮหมื่อ ตีกี๊ฮู๊ แพ๊ เร๊อ อา เมโต๊โผ่ลอ ค๊อมู ต๊อกล่อ,” อู เฮ๊ เนอหม่า ซี ซิเง แวเฮ๊. ฮู๊เนอเรอ แกแย เออเตเพร อา เตซื๊อเนอ, อา เด๊อะทวาแถ่ เต่อเกอ ลอ เฮ๊อ ซี ตู๊หมู่ลอ อาเตซื๊อ เฮ๊อ.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

โครินธ์ เนอบ่า ต๊าบ่า 11:18

อู ย๋อ เฮ๊เบ่ถู่เซ๊ เอ๊ลู แลแค อูเหน่ ฮู๊ แกแย เห่ขุพู๊ เหล่โกล เฮ๊เบ่ถู่เซ๊ หนิ เนอเต๊เห่ อาขว่าอาคยา, แว เก่ เฮ๊เบ่ถู่เซ๊ เกอเร๊อ เกอ แวเหน่ แพ๊.

มัทธิว 23:15

“เพรอิซว๊า เตซว๊าเตแส่ อาซ๊าร๊า เน๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. แซ่ฮู๊ ซี เก่ อี๊หล่า กาโนหนิเกอ แกแย เตเพรเนอ, ซี จว๊าเล เด๊อโคขุขุ เด๊อ เทอกูกู เจ๊อ. เร๊อ แม๊ปู แกแยเตเพรเพร ซิหยื่อ เอ่ ครวาเม เกอ เฮ๊อ ซี เนอ, ซี อิซว๊าอี๊แส่ ลู เด๊อ อาเก่ ทวาแถ่ ซีโคเจ่ ตา เด๊อ หง่าหร่าปอรากยากู เร๊อ อาจา อาจือ เล๊อ เร๊อ ซี เนอโผะ เจ๊อ.

มัทธิว 23:3

เมฮู๊เนอเรอ ซี เบ่ หนิดา เหย่ซีโหง่, ซี เบ่ ครวา เม ลอ ฮู๊ อา แด๊โฉ่โล เป่ ซี เนอ. หม่าแน๊เรอ ครวา เม เกอ แต่ ฮู๊ เหย่ซี เมเนอ แต่เหม่, เมเตเฮ๊เรอ เหย่ซี เออเต๊เห่ เนอหม่า อา ครวา เม เกอ ฮู๊ อา เฮ๊ เป่ อู เนอเต๊เห่โต่.

โครินธ์ อาเหร่อเล๊อ ต๊าบ่า 3:21

ฮู๊เนอเรอ, ซี ครวาเกอ เร๊อ อูเปเป๋ เบ่เบ่, ซี โต พย๊าแถ่โล หนิ ซีเหน่ เตเพร่ว โต่. เก่ เฮ๊ ตาตา เนอ, เตล๋อ ปลี เนอหม่า ซี เต แพ๊.

มัทธิว 23:23

“เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซี๋หม่า แกแย เด๊อ อา เกล จ่าจ๊อจ่าเต อาเหน่ เต๊เห่. ซี เมฮู๊ คูโมเสส อา เตซว๊าเตแส่ เฮ๊ เนอโต่. ซี แม๊ ตาลว๊าแก เต เด๊อ อา โหล่ดุเล๊อ เต๊เห่ ว๊า. ซี เมจ๊อเตโต่ ซี ซิยอ เร๊อ อูโต่. ซีจ๊อ เน๊อ ซีโหง่โต่. ซี อาฮว๊า อาจี เต๊เห่ เด๊อ อู เอ๊ เร๊อ มี๊, ดี๊ล๊า เร๊อ คาเมล ซี เต๊เห่ น๋อ, ซี เด๊อะ เร๊อ ปุ๊ยเฉ๊อ เด๊อคยาตีปุ๊ย ตื๊อดื่อเรอ เมโตเมเบ่ เต๋ ซิยอหนิอู โอ่เซอเพร จ๊อ เร๊อ โหง่ เออ เต๊เห่ เนอ หม่า อาโหล่ดุ เล๊อ อู อาขว่าอาคยา, ซีโตเบ่ เม ครวา เต่อ เกอ เร๊อ ซี ปุ๊ยเฉ๊อตีปุ๊ย เออเนอ.

ꤜꤢꤨꤊꤢ꤬ 5:38

อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋.