ꤊꤢ꤬ꤜꤢ꤬ꤒꤤ 6:10 - ลีเทส่อพ๊าอาเซ เร๊อ เห่ขุทวาลู๊

¹⁰ ฮู๊เนอ อาขว่าอาคยา, เบ๊อะเกเต๋ เบ่เบ่, เบ๊อะเป พย๊าหนิ ตาโตตาเบ่ แร๊ เบ๊อะเนอ, เป เบ่ เมแร๊ เป่ อู ปว๋า เตเพร. หม่าแน๊เรอ ซี เมเตแร๊เนอ แม๊ดุเหร่อเล๊อ โค๊เป่ดื่อ เพรหยื่อเอ่ เออ เนอเต๊เห่ นี๋.

Eastern Kayah Shadaw Dialect

¹⁰ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤙꤣꤧ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤚꤢꤧ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤗꤢꤩ꤬ꤚꤢꤧ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ꤒꤢꤩ꤬ꤚꤢꤧꤔꤣꤧ꤬ ꤗꤢꤧꤘꤢꤨ꤬ꤚ꤫ꤣꤧ꤬ꤜꤣ ꤋꤥ ꤕ꤫ꤢꤩ꤬ꤘꤢꤦ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ꤊꤢ꤬ꤜꤢ꤬ꤒꤤ 6:10 ပူးပေါင်းရင်းမြစ်များ

ꤟꤤꤙꤚꤢꤨ 13:16

เมเตแร๊ เต๊เห่ เบ่เบ่, เตเมจว่า ลู เตเพร เร๊อ เตเพร เต๊เห่เนอ เบ่เบ่ โชตาปา แลแค แต่เหม่ นี๋, เมเตเฮ๊เรอ เออเต๊เห่ เนอหม่า เตหลู่เตแต เด๊อ อาโต จอแปแหร่ อาซิปล่อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

จว๊าเมเลอ กาคยาฉื่อ แต่ แกแย เด๊อ อู เมซื๊อ ลู เนอเต๊เห่ แต่เหม่ นี๋. หม่าแน๊เรอ, แอ๊จื๊อ เมแร๊ เกอเร๊อ ลู เตเพร เร๊อ เตเพร ปว๋า โตโพ๊ เร๊อ แอ๊จื๊อ เมแร๊ หนิเป่เกอ แกแย เด๊อ อาโร เต๊เห่ นี๋.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

เอเฟซัส 2:19

เก่ เมฮู๊เนอเรอ, ซี แกแยยิวพู๊ หม่าโต่ เออเต๊เห่เนอ, ซี ทวาปา เทอโรเก่กลอพู๊ เต๊เห่ หม่าปาโต่ เฮ๊อ, หม่าโต่เรอ ซี ทวาปา ซิเผระ เต๊เห่ หม่าปาโต่ เฮ๊อ. กู๊แหน่เออ ซี ทวาโต่ แซ่เกอเฮ๊อ จอแปแหร่ อา เทอพู๊เก่พู๊ แซ่เน๊อ อาแกแย เออเนอเต๊เห่ เฮ๊อ. โท๊โต่ ซี หม่า จอแปแหร่ อา หี่พู๊แพพู๊ เต๊เห่ เฮ๊อ.

ꤛꤥ꤭ꤟꤢ꤬ 12:35

เออโตโพ๊เรอ แบ่เจ่ เหย่ซู่ เฮ๊แก เกอเร๊อ อาเหน่ เน๊อ, “เตลี เออเนอ อา โอ่โก๊โป่ เร๊อ ซี เตอเปลอฮู๊ ปาแพ๊. เบ๊อะเตลี โอ่เกอปา เร๊อ ซี เบ๊อะเนอ, ตูรู๊ จว๊าเป่แฮ แลแค. เตคี๊ เก่ แฮโต่ คยา ซี ปา. แกแย จว๊า เด๊อ เตคี๊เกล เตเพรเนอ, อา จว๊าโต เบ๊อะเตเนอ, อา ซิเง เกอเร๊อ อาเหน่ โต่.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

ꤛꤥ꤭ꤟꤢ꤬ 9:4

เบ๊อะเหมาะคี๊ ล๋ายโต่ เนอ, เป เบ่ เม เป่ เพร เด๊อ อา นอแฮ แว เออเตเพร อาเตเม. เหมาะคี๊ เร๊อ อู เมแจ่ ปา เตเพร่ว โต่ เนอ, อา เก่ แฮโต่ ปา.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ฟีลิปปี 4:10

แว เฮ๊บุ๊ยเฮ๊เตอเรอ แหน่เจ๊อ แบ่เจ่ เร๊อ แว ถู่เซ๊หนิ แหน่เจ๊อ ลู, เมเตเฮ๊เร๊อ เด๊อ คยา ตื๊อดื่อเล๊อ เออเนอ, ซี ซูแฮ เป่ คยา แว เตเมจว่า เออเนอหม่า ซี เด๊อะโล คยาแซ๊ เฮ๊อ ซี เตแร๊ เต๊เห่ เด๊อ แวขุ เฮ๊อ. แว ซิเง เร๊อ ซี แร๊แหน่เจ๊อ เด๊อ แวขุ ปว๋า โตโพ๊ เจ๊อ หม่าแน๊เร๊อ ซี เตเร เด๊อะโล คยาแซ๊ ซี เตซิปล่อโอ่หนิ แว เออตื๊อหื่อเนอ, ซี แม๊เถอะ แต่ แล๋ เต ตาโตตาเบ่ แร๊ เด๊อ ซีเง ล๋ายโต่ เร๊อ ซี ซูแฮเล๊ เป่ล๋า แว โต่ ฮู๊เนอแพ๊.

มัทธิว 12:50

เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”

ยอห์น โซบ่า ต๊าบ่า 1:11

แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.

โคโลสี 4:5

แจ่เตเน ลีแม แลแค เร๊อ แอ๊แซแร ซีเหน่ เด๊อ แกแย เด๊อ อา หยื่อเอ่แต่ล๋าย ครี๊ โต่ เต๊เห่ อาเป๊เส่เง นี๋. บ๊อเกเต๋ เบ่เบ่, เบ๊อะซี พย๊าหนิ เตโตเตเบ่แร๊ เด๊อ ซี เก่ เม เตแร๊ เบ๊อะเนอ, ตูรู๊ เมแร๊ แลแค ปว๋า โตโพ๊ นี๋.

เอเฟซัส 5:16

บ๊อเกเต๊ เบ่เบ๋, เบ๊อะเน พย๊าหนิ เต ตาโตตาเบ่ แร๊ เด๊อ เน เก่ เบ่เม เตแร๊ เบ๊อะเนอ, ตูรู๊ เม อา นี๋, เมเตเฮ๊เรอ ม๊อเนอม๊อเซ กู๊แหน่ เออเต๊เห่ เนอหม่า ม๊อเนอม๊อเซ เด๊อ อู เม เตมู๊แหม่รีแจ่ เต๊เห่ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤗꤢ꤬ꤊꤢꤨ 3:4

โทเรอ อา แด๊เฮอ เหย่ ซี เน๊อ, “เป เตซว๊าเตแส่ เฮ๊ เป่ เร๊อ เบ๊อะแกแยยิวพู๊ อา ม๊อเนอโด่ อาคยาเนอหม่า, เป โตเบ่ เมจว่า อู แอ? หม่าโต่หม่า เป โตเบ่ เมจาเมจือ อู แอ? เป โตเบ่ เมแลเปล๊กา แกแย เตเพรเพร อาซิปล่อ เซอเพร แอ? หม่าโต่เรอ เป โตเบ่ เมเซอ อู แอ?” หม่าแน๊เรอ เหย่ซี แด๊ต๊ากลว่า ลอปลี แพ๊.

เอเฟซัส 3:15

ล๋อ ม๊อขุ อา หี่พู๊แพพู๊ เต๊เห่เนอ เบ่เบ่, ล๋อ เห่ขุ อา หี่พู๊แพพู๊ เต๊เห่เนอ เบ่เบ่, จอแปแหร่ เออเนอหมา เหย่ซี อาเพ หม่าแหน่ เตเพร.

มัทธิว 5:43

“ซี หนิโฮ โทดื่อเฮ๊อ อู เฮ๊ เน๊อ, ‘โมหนิเกอเร๊อ เนซว๊าเนโค เร๊อ ซิโตโคแก แกแย เด๊อ อา ซิเถ่ ซิงา เนเนอ.’

มัทธิว 10:25

โคเจ่ เตเพร เก่ แจ่ บ๊า อาซ๊าร๊า เนอ, เร๊อ หลู่ เตเพร เก่ แจ่ บ๊า อาแบ่เจ่ เนอ เฮ๊หม่า โป่เฮ๊อ. แว ทวา เจ๊อ หี่กู่กล๊อ เตเพร เร๊อ เหย่ซี เก่ เอ๊ แว เร๊อ โลเน๊โลหน่า อา กู่กล๊อดุ เด๊อ อามุย เร๊อ เบเอลเซบูล เออ เก่เฮ๊เรอ ซี เด๊อ อา ทวา แพ๊ หี่พู๊แพพู๊ เต๊เห่เนอ, อา เก่ เอ๊ จา เอ๊ มู๊แหม่ เล๊อ ปา เจ๊อ ซีมุย ปา.

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

ꤊꤢ꤬ꤜꤢ꤬ꤒꤤ 1:23

เหย่ซี หนิโฮ แพ๊ อู เฮ๊ เป่ เหย่ซี เน๊อ, “แกแย เด๊อ อา เมจาเมจือ โทเฮ๊อ เป เด๊อ เหร่อเคเนอ เตเพรเนอ, กู๊แหน่เรอ อา แด๊โฉ่โด่แน เป่ เกอ เฮ๊อ อู เร๊อ เตหยื่อเตแหน่ เด๊อ อา แม๊ปู เมปย๊าเมหลู่ เด๋อ เนอเค เนอโต๊โก่ เฮ๊อ.”

เอเฟซัส 4:28

แกแย เด๊อ อา เซอเพร เอ่โห่ เตเพรเนอ, เอ่โห่ เป่แฮ ปา แต่เหม่ นี๋. แซ่ฮู๊ อา เก่ เด๊อะเอ่เด๊อะโอ เบ๊เป่เกอ แกแย โซพ๊าโซแรพู๊ เต๊เห่เนอ, อา เบ่ เอ่ครือแรครือ หนิเกอดื่อ เตแร เด๊อ อา จ๊อจื้อ เต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21

เจแม๊ โทลอ เตปว๋า เต๊อเจ่อ เร๊อ พย๊าฉื่อเกอ เต เด๊อ อาแร๊ เนอเต๊เห่ นี๋.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

เปโตร อาเหร่อเล๊อ ต๊าบ่า 4:17

หม่าเมเตเฮ๊เรอ, เตม๊อเนอ ม๊อเซ แฮโต่เฮ๊อ เด๊อ จอแปแหร่ เก่ เป๊อแถ่ เมจากาคยาหนิ เหร่อเล๊อดื่อ อาแกแย เฮ๊อ. เก่ อา เป๊อแถ่ เมจากาคยา เหร่อเล๊อ เกอเร๊อ เป ปา เก่เฮ๊เรอ แกแย เด๊อ อา หนิดา เกอ จอแปแหร่ อา เตซิครือมีลา โต่ เต๊เห่เนอ อา เก่แป่เก่เช เก่จาเก่จือ เจ๊อ บ๋า เต ปา เจ๊อ.

ยอห์น โซบ่า ต๊าบ่า 1:3

เมเตเฮ๊เรอ เบ๊อะเป โป่แหว่ ครี๊พู๊ เต๊เห่ แฮโต่เกอ แว เบ๊อะเนอ อาเค, อา แด๊โฉ่โล เป่ แว เร๊อ เนหรี่เนแก. เร๊อ อา เฮ๊ เป่ แว, เน ซิปล่อจ๊อ เร๊อ เตหมะเตจ๊อ เร๊อ เน โอ่เซอเพร ครวาเกอ ฮู๊เนอ ปว๋า โตโพ๊ เจ๊อ. อาขว่าอาคยา, แว ซิครือ แหน่เจ๊อ.

ยอห์น โซบ่า ต๊าบ่า 1:10

ฮู๊เนอ อาขว่าอาคยา, ช๋า แว แฮโต่ ปา เร๊อ แว เก่ เฮ๊โลแถ่ เป่ ซี เน๊อ ล๋อ อา เมซื๊อ โทเฮ๊อ เนอเต๊เห่ ปา. อา แด๊ เปแหย่โย เร๊อ อา เฮ๊ มู๊แหม่รีแจ่ เป, โท๊โต่ เบ๊อะโป่แหว่ เต๊เห่ แฮโต่ จว๊าโต่เกอ อา เบ๊อะ เบ๊อะเนอ, อา เอ๊ฉื่อ เกอ เหย่ซี โต่. โท๊โต่ แกแย เด๊อ อา ซิหยื่อ เอ๊ฉื่อ โป่แหว่ เออเต๊เห่เนอ อา เมดู๊แด ตาตือ เร๊อ อา เหว่เถ่แก อู เด๊อ เหย่ซี เพรหยื่อเอ่ตู๊หมู่ตอกล๊อ อากลอ เจ๊อ.

โครินธ์ เนอบ่า ต๊าบ่า 2:8

ฮู๊เนอ อาขว่าอาคยา, แว กุยซิยอ ซี. จว๊า เด๊อะโล คยาแซ๊ อา เร๊อ ซี โมตื๊อดื่อ ปาแพ๊ อา ฮู๊เนอ นี๋.