ꤊꤢ꤬ꤜꤢ꤬ꤒꤤ 5:3 - ลีเทส่อพ๊าอาเซ เร๊อ เห่ขุทวาลู๊

³ แว เด๊อะรอหนิ คยาแซ๊ ซี เร๊อ แกแย เตเพรเพร เด๊อ อา เก่ จูเอ่ เตดื๊อตีลี๊พ๊า เออเฮ๊เนอ อา โตเบ่ ลือครวาเม ลอ เตซว๊าเตแส่ ปว๋า ตามา.

Eastern Kayah Shadaw Dialect

³ ꤠꤢꤧ꤭ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤋꤛꤢ꤭ꤞꤢꤧ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤊꤢꤩ꤬ ꤡꤢꤨ꤭ꤢꤩ꤬ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤣꤧ꤭ꤟꤢꤩꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤜꤢꤪ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤕꤝꤢ꤭꤮ ꤒꤣ꤬ꤗꤢ꤭꤯

ꤊꤢ꤬ꤜꤢ꤬ꤒꤤ 5:3 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

ꤚꤥꤗꤢꤩ꤬ 2:25

เก่ ซี หนิดา เตซว๊าเตแส่ เฮ๊เรอ, ซี ดื๊อตีลี๊พ๊า เนอหม่า อา งูดุงูชอ ลาว๊า. หม่าแน๊เรอ ซี เก่ หนิดา โต่ เฮ๊เรอ เด๊อ จอแปแหร่ อา เป๊เส่เง เนอ, ซี แซ่แพ๊ เน๊อ แกแย เด๊อ อา ดื๊อตีลี๊พ๊า โต่ เนอเต๊เห่ แพ๊แพ๊.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

มัทธิว 23:18

ซี เฮ๊ เน๊อ, ‘แกแย เตเพรเพร เก่ แบ อาโหง่ เร๊อ เตหลู่แต อาเหร่ เออเนอหม่า, อา เหล่เฮ่ว เน๊อ เตอเจ๋อ โต่. หม่าแน๊เรอ เก่ อา จว๊า แบ อาโหง่ เร๊อ เตหลู่ เด๊อ อา โอ่ เด๊อ เตหลู่เหร่ขุ เออเนอหม่า อา เบ่ ทวาแถ่ ฮู๊ อา เฮ๊ เนอ.’

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เพรโด่แนพู๊ เต๊เห่ 2:40

คูเปโตร เฮ๊รอเฮ๊เร หนื่ออื่อ เอ๊ลา เหย่ซี, โท๊โต่ อา เด๊อะอ๊าเด๊อะเหร่ เหย่ซี เน๊อ, “เมแลเปล๊กา แลแค ซีเหน่ เร๊อ เตเมจากาคยา เด๊อ อา เตเร แฮเบ่ แกแย มู๊แหม่รีแจ่ เออตือทือ เนอเต๊เห่ นี่!”

ꤜꤢꤨꤊꤢ꤬ 16:28

แว โป่แหว่ เพรคู โอ่แก ปา เจ๊อ ซิแง เจ๊อ. แซ่ฮู๊ อา เก่ แฮโตเกอ แต่ เบ๊อะเตจาเตจือ อาเหล่โอ่ เออโต๊โผ่ แต่เม เนอ, ปลวากา เหร่อเป่ แว คูลาซารัส เนอ. เร๊อ นอกา เด๊อ แด๊โฉ่ เด๊อะรอเด๊อะเร เร๊อเป่ เน๊อ เหย่ซี เนอเต๊เห่.’

มัทธิว 23:16

“แกแย เป๊เส่คี๊ เด๊อ อาซู เป่ อู แกล๊ซี๋, เตหร่าเตดวา เก่ เบ่ ดื่อ ซี ปา. ‘แกแย เตเพรเพร เก่ แบอาโหง่ เร๊อ เตหลู่แเตโฮ เฮ๊เนอ, อา เหล่เฮ๊โอ่ เน๊อ เตอ เจ๋อ โต่. หม่าแน๊เรอ จว๊าแบ อาโหง่ เร๊อ เท เด๊อ อา อาโอ่ เด๊อ เตหลู่แต โฮกู เนอเต๊เห่ เฮ๊เนอหม่า อา เบ่ ทวาแถ่ ฮู๊ อา เฮ๊ เนอ.’

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

ꤊꤢ꤬ꤜꤢ꤬ꤒꤤ 5:2

หนิดา เกอเหร่อ แว หม่าเฮ๊อ คูเปาโล เออ เก่ เฮ๊ เป่ ซี เออ, ซี เก่ ครวาเม เกอ เตดื๊อตีลี๊พ๊า เฮ๊เนอหม่า, ครี๊ ข่าเซอ เด๊อ ซีเง เนอ, อา ทวาบุ๊ยทวาเตอเรอ ปา เด๊อ ซีเง เตอเจ๋อ โต่ เฮ๊อ.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.