ꤊꤢ꤬ꤜꤢ꤬ꤒꤤ 5:23 - ลีเทส่อพ๊าอาเซ เร๊อ เห่ขุทวาลู๊

²³ เตซิโดซิงา เร๊อ เตค๊อเป่เร๊อ ซิปล่อ ซี เต๊เห่เนอ เฮ๊อ. ซี เก่ เมฮู๊เออ เฮ๊เนอหม่า, อาซื๊อ เฮ๊อ เตซว๊าเตแส่ เฮ๊น๊อ ฮู๊เนอ ตาม๋า โต่.

Eastern Kayah Shadaw Dialect

²³ ꤒꤢꤩ꤬ꤞꤤꤘꤥ꤭ꤞꤤꤍꤢ꤬ ꤔꤢꤧ ꤒꤢꤩ꤬ꤋꤢꤪ꤭ꤕ꤫ꤢꤩ꤬ꤚꤣꤧ ꤞꤤꤕꤜꤢꤪ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤣꤧ꤭ ꤟꤢꤩꤔꤣꤧ꤬ꤗꤢ꤬, ꤢ꤬ꤞꤢꤦ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩꤔꤢꤪ ꤟꤢꤨꤔꤣꤧ꤬ ꤒꤣ꤬ꤗꤢ꤭꤮ ꤒꤥ꤬꤯

ꤊꤢ꤬ꤜꤢ꤬ꤒꤤ 5:23 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

ꤒꤤꤒꤢꤨ 2:2

แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,

โครินธ์ อาเหร่อเล๊อ ต๊าบ่า 9:25

ล๋อ แกแย เด๊อ อา แกล่ดี๊เจ เต๊เห่เนอ, อา เบ่ ค๊อเกอเร๊อ อาซิปล่อ, อา เบ่ อิซว๊าแล เกอเร๊อ แลแค อาซิปล่อ อา เตซิหยื่อซิลอ เต๊เห่. แซ่ฮู๊ อา เก่ พย๊าหนิ อู เก่ เมลีเมเตเค เหย่ซี เร๊อ กู๊โก่ เด๊อ อาโน๊ตากา, อาปย๊าอาแกแจ่ เออเต๊เห่ อาเงเนอ แพ๊ เร๊อ, อา ค๊อ เกอเร๊อ แลแค อาเหน่ ฮู๊เนอ. หม่าแน๊เรอ เป เด๊อ อา หยื่อเอ่ เหย่ซู่ครี๊ เต๊เห่เนอ, เป เก่ พย๊าหนิ อู เก่ เมลีเมเตเค เป เร๊อ กู๊โก่ เด๊อ อาโน๊ตากาแจ่ โต่ เต๊เห่ ปา.

ꤊꤢ꤬ꤜꤢ꤬ꤒꤤ 5:18

แหย่โยบูโพ๊ แบ่เจ่ เก่ ซู ซี เฮ๊เรอ, ซี โอ่ ปา เด๊อ เตซว๊าเตแส่ อาเล โต่ เฮ๊อ.