ꤊꤢ꤬ꤜꤢ꤬ꤒꤤ 5:18 - ลีเทส่อพ๊าอาเซ เร๊อ เห่ขุทวาลู๊

¹⁸ แหย่โยบูโพ๊ แบ่เจ่ เก่ ซู ซี เฮ๊เรอ, ซี โอ่ ปา เด๊อ เตซว๊าเตแส่ อาเล โต่ เฮ๊อ.

Eastern Kayah Shadaw Dialect

¹⁸ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤢꤩ꤬ ꤞꤢꤨ꤭ ꤞꤤ꤭ ꤟꤢꤩꤚꤣꤧ꤬, ꤞꤤ꤭ ꤥ꤬ ꤕꤢ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤜꤢꤩ꤭ ꤒꤥ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 5:18 ပူးပေါင်းရင်းမြစ်များ

ꤚꤥꤗꤢꤩ꤬ 8:14

เมเตเฮ๊เรอ, แกแย เด๊อ อา โอ่เซอเพร ฮู๊ จอแปแหร่ อา แหย่โยบูโพ๊ ยูแกล๊ยูโกล ลู เต๊เห่ เนอหม่า, หม่าเฮ๊อ จอแปแหร่ อา พู๊เหมาะพู๊คู เต๊เห่ เฮ๊อ.

ꤊꤢ꤬ꤜꤢ꤬ꤒꤤ 5:25

เป โอ่เซอเพร เฮ๊อ เร๊อ แหย่โยบูโพ๊ แบ่เจ่ อาขว่าอาคยา, เป เบ่ ครวาเม ฮู๊ แหย่โยบูโพ๊ แบ่เจ่ ยูแกล๊ยูโกล เป เนอ.

ꤊꤢ꤬ꤜꤢ꤬ꤒꤤ 5:16

ฮู๊เนอเรอ แว เฮ๊ ซี, โอ่เซอเพร แลแค ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เนอ นี๋. ซี เก่ เมฮู๊เนอ ตื๊อเรอ ซี ลือครวา เม ปา ซี สุ่ยเทอพ๊าหย่า อา เตซิหยื่อซิลอ โต่ เฮ๊อ.

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

ꤛꤥ꤭ꤟꤢ꤬ 16:13

เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.

ทิโมธี เนอบ่า ต๊าบ่า 1:7

เมเตเฮ๊เรอ, แหย่โยบูโพ๊ แบ่เจ่ เด๊อ จอแปแหร่ เด๊อะแล โทเฮ๊อ เป เออเนอ, อา นอทวาแถ่ ปา เป เน๊อ แกแย เด๊อ อา ซิอิเช เต เต๊เห่เนอ หม่าปาโต่เฮ๊อ. โท๊โต่ แหย่โยบูโพ๊ แบ่เจ่ เมบาโน เป่เฮ๊อ เป ซิปล่อ เน๊อ เตเตอเรอฉว่าชอ เน๊อ เตโม เน๊อ เตเป๊อแล แจ่ เกอเร๊อดื่อ เปเหน่ เออเนอเฮ๊อ.

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

ꤚꤥꤗꤢꤩ꤬ 8:12

เมฮู๊เนอเรอ โคแบ๊ซว๊า ซี๋, เตเม แลเบ่ เป เด๊อ เป เก่ โอ่เซอเพร ฮู๊ จอแปแหร่ อา แหย่โยบูโพ๊ เฮ๊ เป เนอ. เปโตเบ่ โอ่เซอเพร หนิ ปา ฮู๊ สุ่ยเทอพ๊าหย่า อา เตซิหยื่อ มู๊แหม่ เนอโต่เฮ๊อ.

ꤊꤢ꤬ꤜꤢ꤬ꤒꤤ 5:23

เตซิโดซิงา เร๊อ เตค๊อเป่เร๊อ ซิปล่อ ซี เต๊เห่เนอ เฮ๊อ. ซี เก่ เมฮู๊เออ เฮ๊เนอหม่า, อาซื๊อ เฮ๊อ เตซว๊าเตแส่ เฮ๊น๊อ ฮู๊เนอ ตาม๋า โต่.