ꤊꤢ꤬ꤜꤢ꤬ꤒꤤ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ โป่แหว่ ซี๋, แว เก่ แด๊โฉ่โด่แน เป่ ซี เร๊อ แกแยยิวพู๊ อาเหล่โกล ดื๊อตีลี๊พ๊า เนอหม่า เต เด๊อ อา โหล่ดุ หม่าโต่. เด๊อ เหย่ซู่ อาขว่าอาคยา, แกแยยิวพู๊ เต๊เห่ เมจาเมจือ ตื๊อดื่อปา แว แพ๊. แว เก่ แด๊โฉ่โด่แน เป่ ซี เน๊อ ซี เบ่ ดื๊อตีลี๊พ๊า เก่เฮ๊เนอหม่า, แกแยยิวพู๊ เต๊เห่ เกล๊ ซิปล่อโม แหน่ แพ๊. หม่าแน๊เรอ แว โด่แน ฮู๊เนอโต่. แว โด่แน แพ๊ เร๊อ ครี๊ อี๊ถื่อดีเต่ เด๊อ แกแยยิวพู๊ เต๊เห่ ซิปล่อ โม เกอเร๊อ โต่เออ อาหรี่อาแก แพ๊.

Eastern Kayah Shadaw Dialect

¹¹ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤛꤢꤨꤘꤢ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤘꤢꤦꤒꤣꤧ꤬ꤜꤤꤖꤢ ꤔꤣꤧ꤬ꤗꤢ꤬ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ ꤗ꤫ꤢ꤬ꤒꤥ꤬꤯ ꤘꤣ ꤛꤢꤩ꤬ꤏꤛꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤒꤣꤧ꤬ꤘꤢꤦ꤬ꤕꤢ꤬ ꤠꤢꤧ꤭ ꤖꤢꤧ꤯ ꤠꤢꤧ꤭ ꤊꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤘꤢꤦꤒꤣꤧ꤬ꤜꤤꤖꤢ ꤊꤢꤩ꤬ꤟꤢꤩꤔꤣꤧ꤬ꤗꤢ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤊꤜꤢꤩ ꤞꤤꤕꤜꤢꤪ꤬ꤗꤥ꤬ ꤔꤢꤧ꤭ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤘꤥ꤬ꤔꤢꤧ꤭ ꤟꤢꤨꤔꤣꤧ꤬ꤒꤥ꤬꤯ ꤠꤢꤧ꤭ ꤘꤥ꤬ꤔꤢꤧ꤭ ꤖꤢꤧ ꤔꤢꤧ ꤋꤚꤤ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ ꤗꤥ꤬ ꤚꤣꤧꤘꤢꤦ꤬ ꤒꤥ꤬ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤖꤢꤧ꤯

ꤊꤢ꤬ꤜꤢ꤬ꤒꤤ 5:11 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

ꤊꤢ꤬ꤜꤢ꤬ꤒꤤ 6:12

แกแย เด๊อ อา นอตือดื๊อ ซี เนอ เบ่ ดื๊อตีลี๊พ๊า เนอเต๊เห่หม่า อา ซิหยื่อ นอถู่เซ๊หนิ อู เร๊อ อาเหน่ แพ๊. เมเตเฮ๊เรอ แกแย เนอเต๊เห่หม่า อา เก่ แด๊โฉ่โด่แน ตื๊อแพ๊ ครี๊ อาเตเซอ เด๊อ อี๊ถื่อดีเต่ลู แพ๊ เก่เฮ๊เรอ อา ซิอิเช อู เมจาเมจือ ลูเนอ.

ꤊꤢ꤬ꤜꤢ꤬ꤒꤤ 4:29

เบ๊อะเนอเค พู๊เพรคู เด๊อ อา โอ่เป๊เจ่แล ฮู๊ แกแยเห่ขุพู๊ อาเหล่โกล โอ่ เกอเร๊อ เออเตเพรเนอ, อา เมจาเมจือ พู๊เพรคู เด๊อ อา โอ่เป๊เจ่แล เร๊อ แหย่โยบูโพ๊ แบ่เจ่ อา เตอเรอ ฉว่าชอ เออเนอ เตเพร. กู๊แหน่เรอ, อา ทวาแถ่ เกอ ดื่อเฮ๊อ อาเหน่ ฮู๊เนอ เฮ๊อ.

ꤊꤢ꤬ꤜꤢ꤬ꤒꤤ 2:3

คูติตัส เด๊อ อา โอ่เกอ เร๊อ แว เออเตเพร เนอหม่า, แกแยเมวเจอะโร กรีกพู๊ เจ๊อ เตเพร หม่าแน๊เรอ เตดื๊อตีลี๊พ๊า เนอ, อู นอตื๊อดื่อ น๊อ อา เตเพร่ว โต่.

โครินธ์ อาเหร่อเล๊อ ต๊าบ่า 15:30

เป เกอติเล๋, แกแย เซอโทเฮ๊อ เต๊เห่ เก่ ก๊อถ่อเซอเพร กาคยา ปาโต่ เก่เฮ๊เรอ, เป จว๊า ข่า โต่ เตจาเตจือ เออเต๊เห่ ปว๋า เตอเนอ เมเต?

เพรโด่แนพู๊ เต๊เห่ 21:21

หม่าแน๊เรอ เน จว๊า อิซว๊าอี๊แส่ แก โต่ แกแยยิวพู๊ เด๊อ อา จว๊าโอ่ เด๊อ แกแยยิวพู๊ หม่าโต่ อาเกล เต๊เห่ เร๊อ เน นอ วีแก เหย่ซี เร๊อ คูโมเสส อา เตซว๊าเตแส่ เต๊เห่. โท๊โต่ เน นอ ดื๊อตีลี๊ เกอ เหย่ซี อาพู๊ เต๊เห่ อาพ๊า โต่, โท๊โต่ เน นอ ครวาเมโตโคร เกอปา เหย่ซี เร๊อ แกแยยิวพู๊ อา เหล่โกลเหล่แบ่ เต๊เห่ โต่, อู เฮ๊ เป่ เหย่ซี ฮู๊เนอ.

ꤊꤢ꤬ꤜꤢ꤬ꤒꤤ 6:17

ตาแฮเง กู๊แหน่ เออเนอ, นอ เมซู๊ซ๊าแมแฮ ปา แต่ แว ซิปล่อ เร๊อ อู เตเพร่ว แต่เหม่ นี๋, เมเตเฮ๊เรอ เตอาโจยเด๊อ อา โอ่ เด๊อ แวเหน่ลู เออเต๊เห่ เนอหม่า, อา เด๊อะโล เร๊อ แว หม่า เหย่ซู่ครี๊ อาหลู่เล๊ เตเพร หม่าแหน่ เฮ๊อ.

โครินธ์ อาเหร่อเล๊อ ต๊าบ่า 1:18

แกแย เต๊เห่เห่ หยื่อเอ่ เต โต่ อาขว่าอาคยา, จอแปแหร่ เก่ เมจากาคยา เหย่ซี ปา. แกแย ฮู๊เนอ เต๊เห่เนอ, อา เตเน แลแค เน๊อ ครี๊ เซอ เด๊อ อี๊ถื่อดีเต่ลู อาหรี่อาแก เออเนอหมา อา โอ่เล๊อโอ่กลอ แพ๊. หม่าแน๊เรอ เป เด๊อ อา พย๊าหนิ เตเมแลเปล๊กา เออเต๊เห่ อาเงเนอ, เตหรี่เตแก เออ อา หม่าดื่อ จอแปแหร่ อา เตโพรเตเตอเรอ ฉว่าชอ เด๊อ เปเง เฮ๊อ.

เพรโด่แนพู๊ เต๊เห่ 21:28

เหย่ซี เอ๊โทแถ่ เน๊อ, “อิสราเอลพู๊ ซี๋, เมจว่า เกอ มอ เป แต๋! แกแย เออเตเพร หม่า, อา จว๊าเล เจ๊อ เหล่โอ่ ปว๋า โต๊โผ่ เร๊อ อา จว๊าเล อิซว๊า เป่ ล๊อ อู ปว๋า เตเพร. อา จว๊าเล อิซว๊าอี๊แส่ เป่ ลอ อิสราเอลพู๊ เต๊เห่ เร๊อ อา อิซว๊าอี๊แส่ โค๊ ปย๊าลอ คูโมเสส อา เตซว๊าเตแส่ เต๊เห่ เน๊อ เตหลู่แตโฮ เออเตเม เฮ๊อ กู๊แหน่เออ. อา เอ๊แฮ หนิเจ๊อเฮ๊อ แกแยยิวพู๊ หม่าโต่ เต๊เห่ เด๊อ เตหลู่แต โฮกู เร๊อ อา แฮโน เม มู๊แหม่รีแจ่ ลอ เหล่โอ่ โพ๊แปละ เบ๊อะเออ เฮ๊อ.”

เพรโด่แนพู๊ เต๊เห่ 16:3

คูเปาโล ซิหยื่อ เอ๊ครวาจว๊าหนิ คูทิโมธี อาขว่าอาคยา, อา ดื๊อตีลี๊ เป่ ลู พ๊า. อา จว๊าเม ฮู๊เออ เมเตเฮ๊เรอ, แกแยยิวพู๊ เด๊อ อา โอ่ แลแค เบ๊อะเนอเต๊เห่ ซิเง ลอปลี เร๊อ คูทิโมธี อาเพ เนอหม่า กรีกเมวเจอะพู๊ เตเพร อาขว่าอาคยา, ตื๊อเรอ อา ดื๊อตีลี๊ เป่ ลู พ๊า แพ๊.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.