ꤊꤢ꤬ꤜꤢ꤬ꤒꤤ 5:1 - ลีเทส่อพ๊าอาเซ เร๊อ เห่ขุทวาลู๊

¹ แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

Eastern Kayah Shadaw Dialect

¹ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤕꤣꤧ꤬ꤜꤢ꤭ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤕꤢꤩ꤬ ꤘꤣ ꤕꤢꤩ꤬ ꤓꤝꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤡ꤫ꤢꤦ꤬ ꤣꤧ꤭ ꤢ꤬ꤜꤢꤩ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤚꤣꤧ꤬ ꤒꤣꤧ꤬ꤚꤤ ꤊꤢ꤬ꤋꤛꤢ꤭ ꤓꤝꤢ꤭ ꤕꤢ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤡ꤫ꤢꤦ꤬ ꤣꤧ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤊꤢ꤬ꤜꤢ꤬ꤒꤤ 5:1 ပူးပေါင်းရင်းမြစ်များ

โครินธ์ เนอบ่า ต๊าบ่า 3:17

แบ่เจ่ เด๊อ แว รา อาหรี่อาแก เออเตเพร เนอหม่า แหย่โยบูโพ๊ แบ่เจ่ เฮ๊อ. ล๋อ แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เต๊เห่เนอ, แหย่โยบูโพ๊ ปลวาเถ่ปาลา จว๊า ลา ลู เฮ๊อ.

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

เปโตร อาเหร่อเล๊อ ต๊าบ่า 2:16

โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤊꤢ꤬ꤜꤢ꤬ꤒꤤ 4:9

หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?

ꤟꤤꤙꤚꤢꤨ 10:23

เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

ꤊꤢ꤬ꤜꤢ꤬ꤒꤤ 2:4

หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

ꤊꤢ꤬ꤜꤢ꤬ꤒꤤ 4:31

เมฮู๊เนอเรอ โป่แหว่ ซี๋, เป หม่า หลู่เล๊เพรเหมาะ เนอ เตเพร อาพู๊ หม่าโต่. เป หม่า หลู่เล๊เพรเหมาะ หม่าโต่ เนอ เตเพร อาพู๊ เต๊เห่ เฮ๊อ.

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

โครินธ์ อาเหร่อเล๊อ ต๊าบ่า 16:13

แว โป่แหว่ ซี๋, โอ่ส่าเซ แลแค ซีเหน่ ปว๋า โตโพ๊ นี๋, ก๊อถ่อ แตแนหม่า แลแค เด๊อ ซี เตหยื่อเอ่ ครี๊ เออ อากูเนอ นี๋, แด่ บื่อ เกอ แลแค ซี ซิปล่อ นี๋, แด่ฉว่าแด่ชอ แลแค ซี ซิปล่อ เด๊อ เตหยื่อ อากูเนอ นี๋.

ꤚꤥꤗꤢꤩ꤬ 7:6

หม่าแน๊เรอ กู๊แหน่ เออเนอ, จอแปแหร่ เมแลเปล๊ เฮ๊อ เป เร๊อ เตซว๊าเตแส่ เฮ๊อ, เมเตเฮ๊เรอ เป ย๋อ เซอ เต่อเฮ๊อเร๊อ ครี๊ อาขว่าอาคยา, เตซว๊าเตแส่ เออ จอกลอหม่า แซ่เกอ เป ฮู๊ เด๊อ เนอเคเนอ อา หนิปาโต่ เฮ๊อ. จอแปแหร่ เมแลเปล๊กา เฮ๊อ เป เร๊อ เตซว๊าเตแส่ เออ, เร๊อ แหย่โยบูโพ๊ แบ่เจ่ เมจว่าเฮ๊อ เป เร๊อ แกล๊ อาเซ เออโตโบ เฮ๊อ อาขว่าอาคยา, เป เมเฮ๊อ อาเตเม เออเฮ๊อ. เป เม จอแปแหร่ อา เตเอ่เตแร เร๊อ เด๊อ เป หนิดา ครวาเมเกอ เตซว๊าเตแส่ อาแกล๊ เลอ เออโตโบ อาขว่าอาคยาเร๊อ หม่า ปาโต่เฮ๊อ.

ꤚꤥꤗꤢꤩ꤬ 6:18

จอแปแหร่ ฉิย๊า อาปลวา เถ่จว๊าแก เฮ๊อ ซี เร๊อ เตซื๊อเตปล๊า อาหลู่ เออเนอ เฮ๊อ. กู๊แหน่เออ ซี ทวาเฮ๊อ เตจ๊อเตเต หลู่ เฮ๊อ.

เพรโด่แนพู๊ เต๊เห่ 15:10

ฮู๊เนอเรอ, หม่าเมเต ซี จว๊าเม ซิปล่อดุ โต่ จอแปแหร่ เมเต? เตวี๊เตแย๊ เด๊อ เป เออเต๊เห่ เร๊อ เป โหมะเพเพอโพ เด๋อ งย๊าเค เต๊เห่ อาวี๊เป่โต่ เต๊เห่เนอ, ซี จว๊า ซิหยื่อ นอวี๊นอแย๊ โต่ เร๊อ แกแย เด๊อ อา หยื่อเอ่แลแค เตเออเต๊เห่ อาเหน่ลู เมเต?

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

เอเฟซัส 6:14

ฮู๊เนอ อาขว่าอาคยา, ก๊อถ่อ แตแน ฉื่อแร๊ แลแค ซีเหน่. แหร่แถ่หม่า จอแปแหร่ อา เตหมะเตจ๊อ เออ เด๊อ อาแซ่เน๊อ ซี แหร่แถ่หม่าเฮ๊อท๊อ เด๊อ ซี แหง่ตา อากูเนอ นี๋. กือแซ๊แถ่ อาจ๊ออาเต เออ ฮู๊ ซี กือแซ๊แถ่ จาต่อเท๊ เด๊อ อา เก่ เตเกบี๊เกอเร๊อ ซีเหน่ เออเนอ นี๋.

เตเด๊อะโลแถ่ 2:25

หม่าแน๊เรอ ปื่อหม่าปื่อกลอ หนิ แร๊ แลแค เต เด๊อ อาโอ่ เร๊อ ซี เนอเต๊เห่ โต่เด๊อ แว แฮแล ปา โตโพ๊ เนอ นี๋.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

เธสะโลนิกา เนอบ่า ต๊าบ่า 2:15

ฮู๊เนอเรอ โป่แหว่ ซี๋, เป อิซว๊าอี๊แส่ แด๊โฉ่โด่แน โทเป่เฮ๊อ ซี เร๊อ เป กู๊อู่กู๊เผ่ เนอเต๊เห่ เบ่เบ่, หม่าโต่เรอ เป อิซว๊าอี๊แส่ โทเป่เฮ๊อ ซี เร๊อ ลี เด๊อ เป รา จว๊า เป่ ซี เออเต๊เห่ อากูเนอ เบ่เบ่, โอ่หม่าโอ่กลอ เกอ แลแค อู เร๊อ ปื่อหม่า หนิ แร๊ เกอ แลแค อู นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

เมเตเฮ๊เรอ, เด๊อ ซี ก๊อถ่อ อาหม่าอากลอ เด๊อ แบ่เจ่ อากู อาขว่าอาคยา, เป โอ่เซอเพร กู๊แหน่ เออเนอ, พุ๋ย อาพุยอาโมแฮ คยาแซ๊ เจ๊อ เป เฮ๊อ.

ꤊꤢ꤬ꤜꤢ꤬ꤒꤤ 4:26

หม่าแน๊เรอ หลู่เล๊เพรเหมาะ หม่าโต่ โหมะซาราห์ เออเนอหมา อา แซ่เฮ๊อ เร๊อ วีเยรูซาเล็ม เด๊อ ม๊อขุ อาขว่าอาคยา, อาพู๊ เต๊เห่เนอ อา ทวา หลู่เล๊ โต่ อา หม่า เปโหมะ เฮ๊อ.

ꤊꤢ꤬ꤜꤢ꤬ꤒꤤ 3:25

กู๊แหน่เรอ เป แด่ เฮ๊อ เป เตหยื่อเตแหน่ เด๊อ เหย่ซู่ครี๊ อากู อาขว่าอาคยา, เตซว๊าเตแส่ เออเนอ อา โอ่ป่อหม่าหนิ ปา เป โต่, โท๊โต่ อา ยูแกล๊ยูโกล หนิ ปา เป โต่ เฮ๊อ.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

มัทธิว 23:4

เหย่ซี นอลือครวาเม อู เตจ๊อบู่จ๊อเบ อา เตซว๊าเตแส่ เด๊อะ อา โอ่ เอ๊ ลา แซ่เน๊อ อา นอแย๊ อู ตาหมื่อตาเต เด๊อ อาโถ่ อาหน่า เต๊เห่เนอ ตื๊อดื่อเรอ แซ่ฮู๊ อู เก่ แย๊เบ๊ ตาหมื่อ ตาเต เด๊ออาโถ่ อาหน่า เต๊เห่ อาเง เนอ, ตีกี๋ หม่า เหย่ซี เมจว่า เจ๊อ อู โต่.

ꤚꤥꤗꤢꤩ꤬ 7:3

ฮู๊เนอเรอ, เบ๊อะอาเว โอ่เซอเพร ปา เบ๊อะเนอ, อา เก่ จว๊า กาฉู่แด่โค๊ เร๊อ เพรคู เด๊อ อาโร เตเพร เฮ๊เรอ อู เก่ เฮ๊ ลู เน๊อ เพรเหมาะ เด๊อ อา จว๊าซื๊อ เพรคู. หม่าแน๊เรอ, เก่ อาเว เซอโทเฮ๊อ เร๊อ อา แลเปล๊แก เฮ๊อ เร๊อ เตกาฉู่แด่ อา เตซว๊าเตแส่ เออเนอ เฮ๊อ. อา เก่ จว๊าพย๊า เต๊เปล่ เจ๊อ อาเว เตเพร เบ่เบ่, อู เฮ๊ ปา ลู ฮู๊เนอโต่ เฮ๊อ.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

โครินธ์ เนอบ่า ต๊าบ่า 11:20

แกแย เด๊อ อา นอทวา เด๊อ ซีหลู่ เนอเต๊เห่, เร๊อ อา อิลอแลโฮ เอ่หนิเร๊อ ซี เนอเต๊เห่, เร๊อ อา เอ่ตือโอตือ เกอเร๊อ ซีขุ เนอเต๊เห่เนอ, ซี ดา ซิปล่อทู เกอเร๊อ เกอ แลแค ดื่อ เฮ๊อเฮ๊อ. ซี นอแด่ แถ่โผ่แถ่ม๊อ เกอเร๊อ แลแค อาเหน่ เร๊อ ซี ปลวา เป๊อเจ่อ เกอเร๊อ แลแค เหย่ซี เร๊อ ซีเหน่เหน่.

ꤜꤢꤨꤊꤢ꤬ 5:38

อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋.