ꤊꤢ꤬ꤜꤢ꤬ꤒꤤ 4:24 - ลีเทส่อพ๊าอาเซ เร๊อ เห่ขุทวาลู๊

²⁴ เพรเหมาะ เออซิเนอเนอ อา เด๊อะโล โข่ เป่เฮ๊อ อู เหล่ซิเงโปลแฮ อาเง แพ๊, เมเตเฮ๊เรอ เพรเหมาะ เออ ซิเนอ เนอ อา เด๊อะโลแถ่ จอแปแหร่ อา เตอ๊อแล เนอเจ่อ. เตอ๊อแล หม่าดื่อ เตซว๊าเตแส่ เออเนอหมา จอแปแหร่ เด๊อะตา เร๊อ คูโมเสส เด๊อ ซีนายโฉ่ขุ. เออเนอหมา อา เด๊อะโล โข่ แพ๊. หลู่เล๊เพรเหมาะ โหมะฮาการ์ เตอ๊อแลนอแล เออเนอ, อาพู๊โอ่ เกอเร๊อ แกแย เด๊อ อา ทวา เตซว๊าเตแส่ อาหลู่เล๊ เนอเต๊เห่ เฮ๊อ.

Eastern Kayah Shadaw Dialect

²⁴ ꤖꤚꤢꤩ꤬ꤗꤢꤪ꤬ ꤣꤧ꤭ꤞꤤꤔꤣꤧ꤭ꤔꤣꤧ꤬ ꤢ꤬ ꤘꤣꤧꤜꤥ꤭ ꤋꤥ꤬ ꤕ꤫ꤢꤩ꤬ꤟꤣꤧ ꤢꤨ꤭ ꤜ꤫ꤢꤩ꤬ꤞꤤꤑꤢꤩ꤭ꤕꤜꤥ꤭ꤟꤢꤧ꤭ ꤢ꤬ꤑꤢꤩ꤭ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ ꤞꤤꤔꤣꤧ꤭ ꤔꤣꤧ꤬ ꤢ꤬ ꤘꤣꤧꤜꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤔꤣꤧ꤭ꤡꤣ꤬꤯ ꤒꤢꤩ꤬ꤢꤪꤜꤢꤧ꤬ ꤗ꤫ꤢ꤬ꤘꤢꤦ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤔꤢꤧ ꤋꤢꤨ꤭ꤗꤢꤪꤎꤢꤧ ꤘꤣ ꤎꤤꤔꤢꤏꤥ꤬ꤋꤢꤨ꤬꤯ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤘꤣꤧꤜꤥ꤭ ꤋꤥ꤬ ꤖꤢꤧ ꤡ꤫ꤢꤦ꤬ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤟꤢ꤬ꤊꤢ꤬ ꤖꤢꤧ꤯ ꤒꤢꤩ꤬ꤢꤪꤜꤢꤧ꤬ꤔꤢꤪ꤬ꤜꤢꤧ꤬ ꤣꤧ꤭ꤔꤣꤧ꤬, ꤢ꤬ꤖꤢꤨꤥ꤬ ꤚꤣꤧꤘꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤡ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 4:24 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:25

ฮู๊เนอเฮ๊อ, โหมะฮาการ์ เออเนอ อา แซ่เฮ๊อ เน๊อ โฉ่ซีนาย เด๊อ อาระเบียเก่ เบ๋อ จอแปแหร่ เด๊อะตา อู เตซว๊าเตแส่โฉ่เนอเตเม เฮ๊อ. โหมะฮาการ์ เร๊อ อาพู๊ เต๊เห่เนอ อา ทวา หลู่เล๊ แซ่เฮ๊อเร๊อ เยรูซาเล็มพู๊ เด๊อ อา ทวา เตซว๊าเตแส่ อาหลู่เล๊ เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 10:11

เตเออเต๊เห่ จว๊า ทวาแถ่ โต่ ลอปลี ฮู๊เนอ เมเตเฮ๊เรอ แซ่ฮู๊ แกแย เด๊อ อาโร เต๊เห่ เก่ ครวา แม๊บือ เมเกอ แต่ ฮู๊เนอ แต่เหม่ เนอ, อา เด๊อะโล เป่ อู แพ๊. แซ่ฮู๊ อู เก่ เด๊อะรอเด๊อะเร หนื่ออื่อ เป่ เป เด๊อ อา โอ่เซอเพร เด๊อ คยาเล๊อ อู เออตือทือ เต๊เห่ อาเงเนอเรอ, อู ราม๊าราแด โอ่แก เป่ เด๊อ ลีเทส่อพ๊ากู เออแพ๊.

มัทธิว 13:35

เมฮู๊เนอเรอ เออ หม่า อา แฮโต ฮู๊ จอแปแหร่ เฮ๊หนื่ออื่อ เพรโพร เร๊อ อา เฮ๊ เน๊อ, “แว เก่ เฮ๊เบ่ อู เร๊อ โหง่ค๊าโข่ เต๊เห่ ปา, แว เก่ แด๊โฉ่โล เป่ เหย่ซี เร๊อ เต เด๊อ อู ด๊อโอ๊ด๊อบี๊ อา เด๊อ เห่ขุ ทวาลู่ปา เนอเต๊เห่ ปา.”

เห่ขุทวาลู่ 25:12

เออหม่า หม่าเฮ๊อ คูอิชมาเอล อากลุยอาลุ๊ย ตากาแล ซีเต๊เห่ อาหรี่อาแก เฮ๊อ. อา หม่า เพอับราฮัม อาพู๊เพรคู เด๊อ โหมะซาราห์ อาหลู่โหมะ อียิปต์เมวเจ่อพู๊ โหมะฮาการ์ พู๊โอ่แลหนิ เป่ ลู เนอ เตเพร เฮ๊อ.

เห่ขุทวาลู่ 16:8

เร๊อ อา เฮ๊ ลู เน๊อ, “เหมาะซาราย อาหลู่โหมะ เหมาะฮาการ์, เน โอ่ เบ๊อะเต แฮ, เร๊อ เน เกเร จว๊าโต เบ๊อะเต?” เร๊อ เหมาะฮาการ์ เฮ๊ ฉื่อ ลู เน๊อ, “แว เถ่แกล่จว๊า แก แวแบ่เจ่โหมะ เหมาะซาราย อาเหล่.”

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

ꤟꤤꤙꤚꤢꤨ 12:24

ซี แฮโต่เฮ๊อ เด๊อ เหย่ซู่ อาโอ่ เฮ๊อ เตอ๊อแล. อาเซ เด๊อ แกแยเห่ขุพู๊ เน๊อ จอแปแหร่ อาเปล่กู เออเนอ อา ทวา เป่ เฮ๊อ เพรแรเต เด๊อ อาเปล่กู เตเพร เฮ๊อ. โท๊โต่ ซี แฮโต่เฮ๊อ เด๊อ แบ่เจ่ เหย่ซู่ อาสุ่ย เหล่ทุ๊ยตา อาเหล่โอ่ เด๊อ อาแร๊ เล๊อเล๊อ ปา เจ๊อ เน๊อ คูอาแบล อาสุ่ย เนอ อา โอ่ เฮ๊อ.

ꤟꤤꤙꤚꤢꤨ 11:19

เพอับราฮัม เตเน โทเฮ๊อ เร๊อ จอแปแหร่ เก่ เมเซอเพร กาคยา เบ๊แหน่ แพ๊ คูอิสอัค ฮู๊เนอ. เก่ เฮ๊ ตาต๋า หม่า อา แซ่เฮ๊อ เร๊อ อา พย๊าหนิ กาคยา อาพู๊คูเออ เด๊อ เตเซอ อากู เฮ๊อ, เมเตเฮ๊เรอ จอแปแหร่ เก่ เฮ๊ ตาตือ ลู โต่ เฮ๊เนอ, อา เก่ เมเซอ หม่าแหน่ แพ๊ อาพู๊คู แพ๊.

ꤟꤤꤙꤚꤢꤨ 7:22

เตอ๊อแลโหง่ อาเซ เด๊อ จอแปแหร่ เมทวาแถ่ เป่เฮ๊อ เป เด๊อ เป เก่ พย๊าหนิ เตปาลา อาเง เออตือมือ เนอ, อาแร๊ เล๊อปา เจ๊อ เร๊อ เตอ๊อแลโหง่ เด๊อ อาเลอ เนอตือมือ เจ๊อ. เมเตเฮ๊เรอ, จอแปแหร่ แบแล โทเฮ๊อ อาโหง่ ฮู๊เนอ อาขว่าอาคยา, เหย่ซู่ หม่า หม่าเฮ๊อ เพร เด๊อ อา เก่ เมเล๊อบา ตาเต เป่ เป เตอ๊อแล อาเซเออ ตือมือ เตเพร เฮ๊อ.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

โครินธ์ อาเหร่อเล๊อ ต๊าบ่า 10:4

โทเรอ เหย่ซี โอโหร่ ลอปลี ลู เทอ เด๊อ จอแปแหร่ เด๊อะ เหย่ซี เออเนอ เฮ๊อ. เทอ เด๊อ เหย่ซี โอ เออเนอหมา อา โอ่ เด๊อ หล่อกู เถ่. หล่อ เออเนอหมา หม่าเฮ๊อ เหย่ซู่ครี๊ เฮ๊อ. เหย่ซี จว๊า เบ๊อะเต๋ โต๊โผ่ เบ่เบ่ เนอ, เหย่ซู่ จว๊า เต่อเกอ เร๊อ เหย่ซี.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

ꤊꤢ꤬ꤜꤢ꤬ꤒꤤ 4:3

เป เออเต๊เห่ เนอหม่า อาแซ่เน๊อ เนอเฮ๊อ. เบ๊อะครี๊ แฮ แต่ล๋ายโต่ เบ๊อะเนอ, เป ทวา เห่ขุเน๊ขุ อา เตซว๊าเตแส่ เร๊อ อา เหล่โกลเหล่แบ่ เต๊เห่ อาหลู่เล๊.