ꤊꤢ꤬ꤜꤢ꤬ꤒꤤ 4:19 - ลีเทส่อพ๊าอาเซ เร๊อ เห่ขุทวาลู๊

¹⁹ แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

Eastern Kayah Shadaw Dialect

¹⁹ ꤠꤢꤧ꤭ꤖꤢꤨ ꤘꤣ ꤠꤢꤧ꤭ ꤗꤥ꤬ꤚꤣꤧ ꤞꤤ꤭꤮ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤋꤛꤢ꤭ꤞꤢꤧ ꤔꤢꤧ꤬ꤡꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤖꤚ꤫ꤢꤩ꤬ꤓꤢꤧ꤬ ꤞꤢꤧꤊꤣꤧ꤭ꤘꤢꤦ꤬ ꤔꤢꤧ ꤋꤚꤤ ꤔꤣꤧ꤬ ꤡꤣꤧ꤯ ꤠꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤣꤧ꤭ꤔꤣꤧ꤬, ꤢ꤬ ꤘꤣꤧꤊ꤫ꤢꤨ꤬ꤘꤣꤧꤊꤢꤧ꤭ ꤔꤢꤧ꤬ꤡꤣꤧ ꤠꤢꤧ꤭ ꤞꤤꤕꤜꤢꤪ꤬ ꤡꤣꤧ꤯ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤊ꤫ꤢꤨ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬, ꤢ꤬ ꤞꤢꤧꤡꤣꤧꤟꤣꤧ ꤔꤢꤧ ꤗ꤫ꤥ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤖꤢꤨꤥ꤬ ꤚꤣꤧ꤬ ꤢ꤬ꤟꤢꤪꤏꤢꤩ꤭ ꤣꤧ꤭ꤔꤣꤧ꤬ ꤡꤣꤧ꤯

ꤊꤢ꤬ꤜꤢ꤬ꤒꤤ 4:19 ပူးပေါင်းရင်းမြစ်များ

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

เอเฟซัส 4:13

เร๊อ ครี๊ อาเหน่กล่อเออ อา เก่ ฉว่าแถ่ชอแถ่ โต่เด๊อ เป ล๋อ ปลี เก่ โอ่ลู เร๊อ เตหยื่อ เตอเจ๋อโต เร๊อ เตซิเงแฮ จอแปแหร่ อาพู๊คู เตอเจ๋อ โต ปา. โท๊โต่ เป เก่ ทวาแถ่ เพรหยื่อเอ่ เออ เด๊อ อา ดุเผร่ ตาเต เต๊เห่ ปา. เตดุเผร่ ตาเต เออเนอหมา หม่าเฮ๊อ เป ทวาแถ่เฮ๊อ แกแย เด๊อ อา เล๊อบา แซ่เน๊อ ครี๊ เด๊อ อาเล๊ออาบา เออเตเพร เนอเฮ๊อ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

เอเฟซัส 4:24

เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

ฟีลิปปี 2:5

ซี โต แด่ แซ่ แลแค ซี ซิปล่อ ฮู๊ ครี๊เนอ.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

ฟีเลโมน 1:10

แว กุยซิยอ เน เด๊อ คูโอเนสิมัส เฮ๊เป่ ลูเง แพ๊. อา หม่า อา แซ่เจ๊อเร๊อ แว พู๊เพรคู เตเพร เจ๊อ. เบ๊อะแว ตา เด๊อ ทอกู เบ๊อะเนอ, อา ทวาแถ่เฮ๊อ แวพู๊คู เด๊อ ครี๊ อากู เตเพรเฮ๊อ.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

โคโลสี 2:1

แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

ฟีลิปปี 1:8

แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21

แวพู๊แวเลอ ซี๋ จ๊อเบ แต่ แลแค จอแปแหร่ เด๊อะ อาโร เนอเต๊เห่ แต่เหม่ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

แวพู๊แวเลอ ซี๋, แว รา เป่เฮ๊อ ซี ลีเออต๊าบ่า, เมเตเฮ๊เรอ เด๊อ เหย่ซู่ครี๊ อาขว่าอาคยา เร๊อ, จอแปแหร่ ปลวาแก ลอ เฮ๊อ ซี เตซื๊อเตปล๊า ล๊อ ปลี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

แวพู๊แวเลอ ครี๊พู๊ ซี๋, แซ่ฮู๊ ซี เก่ เมปา แต่ เตซื๊อ แต่เหม่ อาเงเนอ, แว รา เป่เฮ๊อ ซี ฮู๊เนอ เฮ๊อ. หม่าแน๊เรอ แกแย เตเพรเพร เก่ เมเตซื๊อ เฮ๊เรอ, เป เพรจ๊อเพรเต เหย่ซู่ครี๊ เด๊อ อา กุยซิยอ เป่ เด๊อ เปเง เด๊อ เพ จอแปแหร่ อา โอ่ เนอ, อา โอ่ เตเพร.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤒꤤꤒꤢꤨ 1:4

คูติตัส, แว ราจว๊า ลี เออต๊าบ่า เด๊อ เนโอ่. เน เตหยื่อเตแหน่ ลอ แซ่เจ๊อเร๊อ เป เตอเจ๋อโต อาขว่าอาคยา, เนเนอ อา แซ่เจ๊อเร๊อ แวพู๊ ต๊อต่อ เร๊อ แวเหน่ เจ๊อ. เพ จอแปแหร่ เร๊อ เพรเมแลเปล๊กา เป แบ่เจ่เหย่ซู่ครี๊ เออ เก่ เด๊อะดื่อ เน เตบุ๊ยเตเตอเรอ เร๊อ เตตู๊จุเตอเจ๊อ นี๋.

ฟีเลโมน 1:19

กู๊แหน่เร๊อ แว หม่าเฮ๊อ คูเปาโล เป๊อแถ่ ราหนิ ลีเออ เร๊อ แว กู๊ขุ เร๊อดื่อเจ๊อ. เก่ อา เมซื๊อ โทเฮ๊อ เน เก่โอ่ เต๊เห่, เก่หม่าโต่เรอ อา โหล่ปล๊า เน เก่โอ่ เต๊เห่ เฮ๊เรอ แด่ อา ฮู๊ แวเนอแวฉู่ เนอ, เร๊อ แว เก่ ปล๊าลี กาคยา คยาแซ๊ ดื่อ เน ปา. หม่าแน๊เรอ เด๊อ แวขว่าแวคยา เนอ, เน พย๊าหนิ เตเซอเพร อาเซ เด๊อ ครี๊ เออ เฮ๊อ อาขว่าอาคยา, เน แหน่แบ่เจ่ เร๊อดื่อ เน โหล่เด๊อ แว เนอ, แว โหล่เด๊อ ซิเงแถ่ปา เด๊อ เน โต่เฮ๊อ.

ทิโมธี อาเหร่อเล๊อ ต๊าบ่า 1:2

แว ราจว๊า เป่ ลีเออ เด๊อ คูทิโมธี เด๊อ อาแซ่เน๊อ แว พู๊เพรคู ต๊อต่อ เด๊อ เตหยื่อเตแหน่ อากู เตเพร อา โอ่. เพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะแลดื่อ อา เตบุ๊ยเตเตอเรอ เร๊อ เตซิยอ เร๊อ เตตู๊จุเตอเจ๊อ นี๋.

ꤜꤢꤨꤊꤢ꤬ 22:44

อา ซิปล่อกู่ ซิปล่อแก แฮฉว่า เนอ, อา ลื๋อ กุยจ๊อเบ ฉว่าเล๊อ โป่โป่. เร๊อ อากู่ซาเทอ แลตา เด๊อ เห่ขุ เร๊อ อา แซ่ เจ๊อ เร๊อ สุ่ยตาเม๊ เนอ เจ๊อ.

โครินธ์ เนอบ่า ต๊าบ่า 12:14

แว ตี๊หรี่ หนื่ออื่อ เด๊อ แว เก่ แฮ โอ่เล เกอ ซี โซโพ๊โตโพ๊ เฮ๊อ. หม่าแน๊เรอ แว แฮกุยแหน่ เร๊อ ซี รือ ตีกี๋ โต่. แว กุย แพ๊ตื๊อ ซี เก่ โม แว แพ๊, เมเตเฮ๊เรอ พู๊ โต โบ่เอ่ โหมะเพ หม่าโต่, โหมะเพ โต โบ่เอ่ พู๊ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

เป หม่า ครี๊ อา เพรโด่แน เต๊เห่ อาขว่าอาคยา, เป เก่ กุยฉว่า เต เด๊อ ซีโอ่ เนอหม่า อาโตอาเบ่ แพ๊, หม่าแน๊เรอ เป เมฮู๊เนอโต่. เบ๊อะเป โอ่เกอ เร๊อ ซี เบ๊อะเนอ, เป เฮ๊เบ่เจ่เฮ๊เบ่หนิ แพ๊ ซี, แซ่เน๊อ โหมะเตเพร อาแม๊อาตู่หนิ เร๊อ อาพู๊ เต๊เห่ เนอแพ๊.

ยอห์น โซบ่า ต๊าบ่า 1:4

เบ๊อะแว หนิโฮ เร๊อ แวพู๊แวเลอ ครี๊พู๊ เต๊เห่ โอ่เซอเพร เด๊อ เตหมะเตจ๊อ อากู เบ๊อะเนอ, แว ซิครือ เจ๊อ ปว๋า โตโพ๊ เจ๊อ. เต เด๊อ อา เก่ เมซิครือ เล๊อ แว เร๊อ เออเนอ อาโอ่ ปา เตอเจ๋อ โต่ เฮ๊อ.