ꤊꤢ꤬ꤜꤢ꤬ꤒꤤ 4:14 - ลีเทส่อพ๊าอาเซ เร๊อ เห่ขุทวาลู๊

¹⁴ แว เหน่กล่อ อา เตชุ๊ยเตเช เออ อา ทวาแถ่ แหน่เจ๊อ เตแป่เตเช เด๊อ ซีเง หม่าแน๊เรอ ซี ซิเถ่ ซิโตโคน๊อ เร๊อ แว โตโพ๋ โต่. ซี ลื๋อ เอ๊โมฉื่อ แร๊ เตเปล๋ ปา เจ๊อ แว แซ่เจ๊อเร๊อ แว ทวา จอแปแหร่ อา เตเน่วพู๊ เตเพรเนอ เจ๊อ, โท๊โต่ ซี เอ๊โมฉื่อ แว เออเนอ, อา แซ่เฮ๊อ เน๊อ ซี เอ๊โมฉื่อ เหย่ซู่ครี๊ อาเหน่แบ่เจ่ เนอ เจ๊อ เฮ๊อ.

Eastern Kayah Shadaw Dialect

¹⁴ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤏꤝꤤꤒꤢꤩ꤬ꤏꤢꤩ꤭ ꤣꤧ꤭ ꤢ꤬ ꤓꤝꤢ꤭ꤓꤢꤧ꤬ ꤔꤢꤧ꤬ꤡꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤞꤤ꤭ꤑꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤞꤤꤓꤢꤩ꤬ ꤞꤤꤒꤣꤧ꤬ꤋꤥ꤭ꤔꤢꤪ ꤔꤢꤧ ꤠꤢꤧ꤭ ꤒꤣ꤬ꤖꤥ꤮ ꤒꤥ꤬꤯ ꤞꤤ꤭ ꤜꤢꤦ ꤢꤩꤗꤥ꤬ꤏꤢꤦ꤬ ꤚꤢꤧ ꤒꤣꤧ꤬ꤕꤜꤢꤩ꤬꤮ ꤕꤢ꤬ ꤡꤣꤧ ꤠꤢꤧ꤭ ꤞꤢꤧꤡꤣꤧꤔꤢꤧ ꤠꤢꤧ꤭ ꤓꤝꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ꤔꤣꤧ꤬ ꤡꤣꤧ, ꤓꤥ꤭ꤒꤥ꤬ ꤞꤤ꤭ ꤢꤩꤗꤥ꤬ꤏꤢꤦ꤬ ꤠꤢꤧ꤭ ꤣꤧ꤭ꤔꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤞꤤ꤭ ꤢꤩꤗꤥ꤬ꤏꤢꤦ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤔꤣꤧ꤬ ꤡꤣꤧ ꤟꤣꤧ꤯

ꤊꤢ꤬ꤜꤢ꤬ꤒꤤ 4:14 ပူးပေါင်းရင်းမြစ်များ

มัทธิว 10:40

“แกแย เด๊อ อา เอ๊ฉื่อ ซี เนอหม่า อา เอ๊ฉื่อเฮ๊อ แว เฮ๊อ. เร๊อ แกแย เด๊อ อา เอ๊ฉื่อ แว เนอหม่า, อา เอ๊ฉื่อเฮ๊อ เพ จอแปแหร่ เด๊อ อา นอกา แว เออเนอ เตเพร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.

ꤟꤤꤙꤚꤢꤨ 13:2

โชตาปา เอ๊ฉื่อ แต่ แลแค ซิเผระซิแม แต่เหม่ นี๋. แกแย เต๊เห่เห่เนอ เหย่ซี เอ๊ฉื่อ แลแค ซิเผระ เร๊อ เด๊อ อา เตเตเน เต่อโต่ อากูเนอ, อา เอ๊ฉื่อ ตาโต ม๊อขุ เตเน่วพู๊ เต๊เห่.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

ꤊꤢ꤬ꤜꤢ꤬ꤒꤤ 4:13

เบ๊อะแว โอ่เต่อเกอ เร๊อ ซี เร๊อ แว แด๊โฉ่โด่แน เป่เร๊อ ซี เน๊อ เตซิครือมีลา อาเหร่อเล๊อ โตโพ๊เนอหม่า แว ล๋อ ชุ๊ย เนอหม่า ซี ซิเง ลอดื่อ เฮ๊อ.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

โครินธ์ อาเหร่อเล๊อ ต๊าบ่า 1:28

แซ่ฮู๊ จอแปแหร่ เก่ เมปย๊าแก เต เด๊อ แกแย เห่ขุพู๊ เตเนดุเร๊อ เนอเต๊เห่ อาเงเนอเรอ, อา เอ๊ แพ๊ แกแย เด๊อ อู แด่ดุ เหย่ซี โต่ เนอเต๊เห่ แพ๊, อู เตเนปีตี๊ เหย่ซี เนอเต๊เห่ เน๊อ อู แด่ เหย่ซี เน๊อ แกแย โอ่เล๊อโอ่กลอ เนอเต๊เห่ แพ๊.

ꤛꤥ꤭ꤟꤢ꤬ 13:20

แว เฮ๊จ๊อจ๊อ ซี, แกแย เตเพรเพร เด๊อ อา เอ๊โมฉื่อ แกแย เด๊อ แว นอแฮ อา เออเตเพร เนอหม่า, อา เอ๊โมฉื่อ เฮ๊อ แว เฮ๊อ. แกแย เตเพรเพร เด๊อ อา เอ๊โมฉื่อ แว เนอหม่า อา เอ๊โมฉื่อ เฮ๊อ เพร เด๊อ อา นอแฮ แวเออ เนอเตเพร เฮ๊อ.”

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

มัทธิว 18:5

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่ฮู๊ แซ่ เร๊อ เออเตเพร เตเพรเพรเนอ, อา เอ๊โมฉื่อ เกอ เฮ๊อ แว เฮ๊อ.”

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ꤊꤢ꤬ꤜꤢ꤬ꤒꤤ 4:15

ซี ซิครือ โทเฮ๊อ, หม่าแน๊เรอ กู๊แหน่เออ ซี จว๊าเม ซีเหน่ ฮู๊เต? แว เฮ๊จ๊อจ๋อ ซี, เด๊อ อาเหร่อเค เนอหม่า ซี โม แว บ๋า เตเนอ ซี เก่ ก๊ออูเถ่แจ่ ซี เป๊เส่ปล่อ เฮ๊เนอหม่า ซี ก๊ออูเถ่ เร๊อ ซี เก่ เด๊อะแก เจ๊อ เร๊อ แว เจ๊อ เก่.