ꤊꤢ꤬ꤜꤢ꤬ꤒꤤ 4:12 - ลีเทส่อพ๊าอาเซ เร๊อ เห่ขุทวาลู๊

¹² โป่แหว่ ซี๋, แว กุยซิยอ ซี เน๊อ ซี เก่ แม๊บือ ครวาเม เกอดื่อ ฮู๊ แว เม เออเนอ, เมเตเฮ๊เรอ แว ทวาแถ่เฮ๊อ แกแยยิวพู๊ หม่าโต่ เด๊อ อาแซ่เน๊อ ซี เด๊อ อา ทวา ปา เตซว๊าเตแส่ อาหลู่เล๊ โต่ เตเพร เนอเฮ๊อ. เด๊อ อาเหร่ออาเนอ เนอหม่า ซี เมซื๊อน๊อ เร๊อ แว เตอเจ๋อ โต่.

Eastern Kayah Shadaw Dialect

¹² ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤧꤙꤢꤦ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤘꤢꤦ꤬ ꤟꤢꤨ ꤠꤢꤧ꤭ ꤗꤢꤩ꤬ ꤣꤧ꤭ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤓꤝꤢ꤭ꤓꤢꤧ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ꤞꤢꤧꤔꤢꤧ ꤞꤤ꤭ ꤘꤣ ꤢ꤬ ꤓꤝꤢ꤭ ꤕꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤡ꤫ꤢꤦ꤬ ꤒꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤗꤢ꤬ ꤞꤤ꤭ ꤗꤢꤩ꤬ꤞꤢꤦꤔꤢꤪ ꤔꤢꤧ ꤠꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯

ꤊꤢ꤬ꤜꤢ꤬ꤒꤤ 4:12 ပူးပေါင်းရင်းမြစ်များ

โครินธ์ เนอบ่า ต๊าบ่า 2:5

กู๊แหน่เรอ, เก่ เฮ๊ แกแย เมซื๊อเต เด๊อ ซีเกล เนอเตเพร เนอ, อา เมซิเปล ซิหย่อ ตื๊อ แว หม่าโต่, อา เม ซิเปลซิหย่อ เต่อเกอ ลอเฮ๊อ ซี ปว๋า เตเพร เฮ๊อ. หม่าแน๊เรอ แว ซิหยื่อ เฮ๊เล๊อเฮ๊กลอโต่, แว เก่ เฮ๊ เร๊อ อา พื๋อ เมซิเปล ซิหย่อ ลอ เจ๊อ ซี ปว๋า เตเพร เจ๊อ.

เห่ขุทวาลู่ 34:15

อา โอ่ แพ๊ เต๊อเจ่อ แพ๊, ล๋อ เพรคู เด๊อ ซีกลุยซีแล อาเกล เนอเต๊เห่ เก่ ดื๊อตีลี๊ เกอลอ เหย่ซีพ๊า ฮู๊ เปเออ ตื๋อ หม่า, เป จูเกอ แพ๊.

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

ꤊꤢ꤬ꤜꤢ꤬ꤒꤤ 2:14

เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”

โครินธ์ เนอบ่า ต๊าบ่า 6:13

กู๊แหน่เรอ แว เก่ เฮ๊ ซี ฮู๊ แวพู๊แวเลอ เร๊อ แวเหน่ เนอ. โมคยาแซ๊ เป ฮู๊ เป โม ซี เนอ.

เพรโด่แนพู๊ เต๊เห่ 21:21

หม่าแน๊เรอ เน จว๊า อิซว๊าอี๊แส่ แก โต่ แกแยยิวพู๊ เด๊อ อา จว๊าโอ่ เด๊อ แกแยยิวพู๊ หม่าโต่ อาเกล เต๊เห่ เร๊อ เน นอ วีแก เหย่ซี เร๊อ คูโมเสส อา เตซว๊าเตแส่ เต๊เห่. โท๊โต่ เน นอ ดื๊อตีลี๊ เกอ เหย่ซี อาพู๊ เต๊เห่ อาพ๊า โต่, โท๊โต่ เน นอ ครวาเมโตโคร เกอปา เหย่ซี เร๊อ แกแยยิวพู๊ อา เหล่โกลเหล่แบ่ เต๊เห่ โต่, อู เฮ๊ เป่ เหย่ซี ฮู๊เนอ.

ꤊꤢ꤬ꤜꤢ꤬ꤒꤤ 6:18

โป่แหว่ ซี๋, แบ่เจ่ เหย่ซู่ครี๊ เก่ ฉู่โนดื่อ อาบุ๊ยอาเตอเรอ เด๊อ ซี ล๋อ ปลี อา ซิปล่อกู นี๋. อาเมน

โครินธ์ เนอบ่า ต๊าบ่า 6:11

โคแบ๊ซว๊าโม วีโครินธ์พู๊ ซี๋, ล๋อ เต เด๊อ อา โอ่ เด๊อ เป ซิปล่อกู เต๊เห่เนอ, เป เฮ๊โฉ่โล เป่ ลอ เจ๊อ ซี เฮ๊อ. เป โมกาโน๋ ซี โต่.

ꤊꤢ꤬ꤜꤢ꤬ꤒꤤ 4:11

เด๊อ ซี เมฮู๊เนอ อาขว่าอาคยา, แว ซิปล่อกู่ ซิปล่อแก แหน่เจ๊อ เด๊อ ซีเง เจ๊อ. ปาหม่า ล๋อ เตเม เด๊อ แว เม เป่โทเฮ๊อ เด๊อ ซีเง เนอเต๊เห่, ทวาแถ่ แกเด ลอดื่อ เฮ๊อ ปา เฮ๊อ.

ꤊꤢ꤬ꤜꤢ꤬ꤒꤤ 4:13

เบ๊อะแว โอ่เต่อเกอ เร๊อ ซี เร๊อ แว แด๊โฉ่โด่แน เป่เร๊อ ซี เน๊อ เตซิครือมีลา อาเหร่อเล๊อ โตโพ๊เนอหม่า แว ล๋อ ชุ๊ย เนอหม่า ซี ซิเง ลอดื่อ เฮ๊อ.