ꤊꤢ꤬ꤜꤢ꤬ꤒꤤ 3:8 - ลีเทส่อพ๊าอาเซ เร๊อ เห่ขุทวาลู๊

⁸ ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

Eastern Kayah Shadaw Dialect

⁸ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤥ꤬ꤔꤢꤩ꤬ ꤓꤥ꤭ꤘꤢꤦ꤬ ꤟꤣꤧ ꤗꤢꤨꤔꤢꤨ꤬ꤗꤢꤨꤞꤢ꤬ꤋꤢꤩ꤭ ꤕꤢ꤬ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤛꤢ꤭ ꤕꤢ꤭, ꤢ꤬ ꤟꤢꤩꤥ꤬ꤔꤢꤩ꤬ ꤟꤢꤨꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣꤧ ꤞꤤꤑꤢꤩ꤭ꤚ꤫ꤣꤧ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤘꤣ ꤔꤢꤧ꤬ꤋꤝꤢ꤬ꤔꤢꤧ꤬ꤋꤛꤢ꤭ ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤏꤢꤪ꤭ꤚꤤ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤪ꤭ ꤜꤢꤪ꤭ ꤗꤤ꤭ꤡꤣ꤬ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬ ꤕꤢ꤭,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤊꤢ꤬ꤜꤢ꤬ꤒꤤ 3:8 ပူးပေါင်းရင်းမြစ်များ

เห่ขุทวาลู่ 12:3

แว เก่ เด๊อะบุ๊ยเด๊อะเตอเรอ แกแย เด๊อ อา เด๊อะบุ๊ยเด๊อะเตอเรอ เน เนอเต๊เห่ ปา. แว เก่ อิชอฮา แกแย เด๊อ อา อิชอฮา เน เนอเต๊เห่ ปา. โทเร๊อ แกแย ล๋อ ปลี โอ่ เด๊อ เห่ขุ เออเต๊เห่เนอ, แว เก่ เด๊อะบุ๊ยเด๊อะเตอเรอ แฮเง เหย่ซี เน๊อ เน ปา.”

เห่ขุทวาลู่ 22:18

เน หนิดา แวโหง่ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ อา เก่ พย๊าหนิ แฮเง เตเด๊อะบุ๊ยเด๊อะเตอเรอ เด๊อ เนกลุยเนลุ๊ย อาขว่าอาคยา ปา.’”

เห่ขุทวาลู่ 28:14

เนกลุยแลเออ อา เก่ โอ่โหร่โอ่เอ๊ แซ่เจ๊อเน๊อ เห่หมื่อ เบ๊อะ เห่ขุเออ เนอเต๊เห่ ปา. เหย่ซี เก่ โอ่ปีชี จว๊า ลอดื่อ เด๊อ ซิโท ซิแล ซิเถ่ ซิโน ปา. เร๊อ เด๊อ เน เน๊อ เนกลุยแลเออ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ เก่ พย๊าหนิ แฮเง เกอดื่อ เตบุ๊ยเตเตอเรอ ปา.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

ꤟꤤꤙꤚꤢꤨ 4:2

เมเตเฮ๊เรอ เป หนิโฮน๊อ เกอ เฮ๊อ เตซิครือมีลา ฮู๊ เปเพอเปโพ เต๊เห่ หนิโฮน๊อ โทเฮ๊อ เนอเฮ๊อ. เมเตเฮ๊เนอ เหย่ซี หนิโฮน๊อ หม่าแน๊เรอ, อา ย๋อ พย๊าฉื่อ เกอ แลแค อู เตซิครือมีลา เออ เร๊อ เตหยื่อ โต่ อาขว่าอาคยา, อา ทวาบุ๊ยทวาเตอเรอ เด๊อ เหย่ซีเง โต่.

ꤊꤢ꤬ꤜꤢ꤬ꤒꤤ 3:22

หม่าแน๊เรอ ลีเทส่อพ๊ากู เฮ๊ เนอ, เห่ขุ เออต๊าบ่า ลอเนอ, อา โอ่ ลอ เด๊อ เตซื๊อเตปล๊า อา เตเป๊ออาเล แพ๊. ฮู๊เนอ อาขว่าอาคยา, จอแปแหร่ อา เตเด๊อะบุ๊ยเด๊อะเตอเรอ เออเนอ อา อ๊อแล เน๊อ เป เก่ หยื่อเอ่ เหย่ซู่ ตื๊อหม่า อา เด๊อ เป ปา แพ๊. ซิปล่อเซอเพร ตูจูเพร เออเนอ อา เด๊อะตื๊อแพ๊ แกแย เด๊อ อา หยื่อเอ่ เหย่ซู่ครี๊ เนอเต๊เห่ แพ๊.

ꤊꤢ꤬ꤜꤢ꤬ꤒꤤ 3:16

ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

ꤛꤥ꤭ꤟꤢ꤬ 7:38

อูเปเป๋ เบ่เบ่, เด๊อ อา หยื่อเอ่ แวเนอ, ฮู๊ ลีเทส่อพ๊ากู เฮ๊ เนอ, เทอ เด๊อ อา เด๊อะอู ซิปล่อเซอเพร อาเทอแล เออเนอ, อา เก่ ทุ๊ยเถ่ เด๊อ ลูกู ปา.”

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”

ꤚꤥꤗꤢꤩ꤬ 9:30

เก่ เมฮู๊เนอเรอ, เป เก่ เฮ๊ ฮู๊เต? แกแยยิวพู๊ หม่าโต่ เต๊เห่เนอ, อา แม๊ปู เกออู แกล๊ เด๊อ จอแปแหร่ แด่จ๊อแด่เต อู เออเนอโตโบ โต่ หม่าแน๊เรอ เหย่ซี พย๊าหนิ เฮ๊อ. เด๊อ เหย่ซี เตหยื่อเตแหน่ อาขว่าอาคยา, เร๊อ จอแปแหร่ แด่จ๊อแด่เต เฮ๊อ เหย่ซี เฮ๊อ.

ꤚꤥꤗꤢꤩ꤬ 9:17

เมเตเฮ๊เรอ ลีเทส่อพ๊ากู เฮ๊ดื่อ คุ๊ยฟาโรห์ เน๊อ, “แซ่ฮู๊ แว เก่ เด๊อะโล หนิ แฮเง แว เตอเรอฉว่าชอ เต๊เห่ เร๊อ เน, โท๊โต่ แซ่ฮู๊ แวมุย เก่ โลเทอโลเก่ ลอ เด๊อ เห่ขุต๊าบ่า เออเนอเร๊อ, แว นอทวาแถ่ เน เร๊อ คุ๊ย แพ๊,” อา เฮ๊ ลู ฮู๊เนอ.

ꤊꤢ꤬ꤜꤢ꤬ꤒꤤ 4:30

หม่าแน๊เรอ ลีเทส่อพ๊ากู เฮ๊ เน๊อ, “เหว่เถ่แก หลู่เล๊เพรเหมาะ เร๊อ อา พู๊คู เนอ, เมเตเฮ๊เรอ หลู่เล๊เพรเหมาะ อาพู๊คู เก่ พย๊าหนิ เต่อเกอ ฮู๊อู่เจเออ เร๊อ หลู่เล๊เพรเหมาะ หม่าโต่. เออ อาพู๊คู เนอหม่า อาหนิ โต่.”

เพรโด่แนพู๊ เต๊เห่ 2:35

เร๊อ โอ่แน โต่เด๊อ แว แด่ตา แกแย เด๊อ อา ซิเถ่ เน เออเตเพร เด๊อ เน กุ๊ยาเล เด๊อ อาแซ่เร๊อ เน กู๊เหล่ เหล่เคหยิตา เออเนอ ปา,”’ โพดาวิด เฮ๊ ฮู๊เนอ.

ꤛꤥ꤭ꤟꤢ꤬ 7:42

ลีเทส่อพ๊า เฮ๊ เนอ, เมสิยาห์ หม่าเฮ๊อ เพรเมแลเปล๊กาเก่ แฮ โอ่แถ่ เด๊อ คุ๊ยดาวิด อากลุย อาแล ปา, อา เก่ แฮโอ่เป๊เจ่แล เด๊อ คุ๊ยดาวิด โอ่ เกอเร๊อ วีเบธเลเฮม อากูเนอ ปา, แวเฮ๊โต่?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 19:37

ลีเทส่อพ๊า เด๊อ อาโรโต๊โผ่ เฮ๊ โป่ เน๊อ, “เหย่ซี ชือ เกอเร๊อลู เร๊อ แตแบ เออเตเพรเนอ, เหย่ซี เก่ แม๊ ลู ปา.”