ꤊꤢ꤬ꤜꤢ꤬ꤒꤤ 3:29 - ลีเทส่อพ๊าอาเซ เร๊อ เห่ขุทวาลู๊

²⁹ ซี เก่ ทวาเฮ๊อ ครี๊ อาเต เฮ๊เรอ ซี ทวา หม่าเฮ๊อ เพ อับราฮัม อากลุยอาลุ๊ย เต๊เห่เฮ๊อ. เร๊อ ซี เก่ พย๊าหนิ เตเด๊อะบุ๊ยเด๊อะเตอเรอ เต๊เห่ เด๊อ จอแปแหร่ อ๊อแลแก เพ อับราฮัม เนอเต๊เห่ ปา.

Eastern Kayah Shadaw Dialect

²⁹ ꤞꤤ꤭ ꤊꤢꤩ꤬ ꤓꤝꤢ꤭ꤟꤣꤧ ꤋꤚꤤ ꤢ꤬ꤒꤢꤩ꤬ ꤟꤢꤩꤚꤣꤧ꤬ ꤞꤤ꤭ ꤓꤝꤢ꤭ ꤗ꤫ꤢ꤬ꤟꤣꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤝꤤ ꤒꤢ꤭ꤒꤢꤩ꤬ꤟꤣꤧ꤯ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤊꤢ꤬ꤜꤢ꤬ꤒꤤ 3:29 ပူးပေါင်းရင်းမြစ်များ

เอเฟซัส 3:6

จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:7

เมฮู๊เนอเรอ ซี โต ซิเง เร๊อ แกแย เด๊อ อา หยื่อเอ่แหน่ จอแปแหร่ เต๊เห่ เนอหม่า เพ อับราฮัม อากลุยอาลุ๊ย หม่าแหน่ เฮ๊อ.

ꤚꤥꤗꤢꤩ꤬ 8:17

กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

เตเด๊อะโลแถ่ 21:7

แกแย เตเพรเพร เด๊อ อา เมเป่ เตเนอ, อา เก่ พย๊าหนิ ลอล๋อ เตเออ เต๊เห่ เด๊อ แวโอ่ ปา. แว เก่ ทวา เหย่ซี แบ่เจ่ จอแปแหร่ ปา เร๊อ เหย่ซี เก่ ทวา แวพู๊ เต๊เห่ ปา.

ꤊꤢ꤬ꤜꤢ꤬ꤒꤤ 4:7

เมฮู๊เนอเรอ เน หม่า หลู่ เตเพร หม่าปาโต่ เฮ๊อ. เน ทวา เฮ๊อ พู๊ เตเพร เฮ๊อ. เน ทวา เฮ๊อ จอแปแหร่ อาพู๊ เตเพร อาขว่าอาคยา, กู๊แหน่เออ ล๋อ อู่เจเต๊เหย่ เด๊อ เน โต พย๊าหนิ เต๊เห่เนอ, จอแปแหร่ เก่ เด๊อะลอ เน๊อ เน ปา.

ꤡꤛꤢꤩ꤭ꤗꤢ꤬ꤎꤣ꤬ 2:5

โป่แหว่โม ซี๋, หนิดา แลแค. แกแย เด๊อ อา โซพ๊าโซแร เด๊อ เห่ขุ เออเต๊เห่ เนอหม่า, แซ่ฮู๊ เหย่ซี เตหยื่อเตแหน่ เก่ฉว่าเก่ชอแถ่ เร๊อ เหย่ซี เก่ เมหนิ เทอเก่ เด๊อ จอแปแหร่ อ๊อแล หนื่ออื่อ เป่ แกแย เด๊อ อา โมเร๊อ ลู เนอเต๊เห่ อาเงเนอเรอ, จอแปแหร่ นว๊าแถ่ เหย่ซี เฮ๊อ เนอหม่า ซี ซิเง ตาเต ดื่อ เฮ๊อ.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.

ꤟꤤꤙꤚꤢꤨ 6:17

แกแย เด๊อ อา พย๊าหนิเฮ๊อ จอแปแหร่ อา เตอ๊อแล เต๊เห่เนอ, จอแปแหร่ ซิหยื่อ นอซิเง ตาเต เหย่ซี เน๊อ ฮู๊ จอแปแหร่ อ๊อแล โทเฮ๊อ เหย่ซีเนอ, อา เก่ เม เล๊อบา ฮู๊เนอ ปา, อา ถู่แหล่ เต๊เปล่โค๊ ปาโต่ อาขว่าอาคยา, เด๊อ อา เตอ๊อแล อากูเนอ, อา แบ โนป่าหนิ อาโหง่ เบ๊อะเนอ.

ꤊꤢ꤬ꤜꤢ꤬ꤒꤤ 3:16

ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

ꤟꤤꤙꤚꤢꤨ 11:18

จอแปแหร่ เฮ๊เจ๊อ ลู เน๊อ, “แว อ๊อแล เร๊อ เนกลุยเนแล เต๊เห่เนอ อา เก่ แฮตา แฮเง เด๊อ คูอิสอัค อา โอ่ ปา.” หม่าแน๊เรอ เพอับราฮัม โอ่ ตี๊หรี่แตแร เด๊อ อา เก่ หลู่แถ่ อาพู๊คู เด๊อ อา โอ่ แพ๊ เตเพรเพร่ว เออเนอ เตเพร.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 15:23

หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.

มัทธิว 3:9

เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ ฮู๊เนอแต่เหม่. แว เฮ๊ ซี, จอแปแหร่ เมทวาแถ่ หล่อเออเต๊เห่ เนอ เพอับราฮัม อาพู๊ หม่า อา เมแจ่ แพ๊.

ꤊꤢ꤬ꤜꤢ꤬ꤒꤤ 3:18

เด๊อ เป ลือครวา เม เตซว๊าเตแส่ อาขว่าอาคยา, เป เก่ พย๊าหนิแจ่ จอแปแหร่ อาเตเด๊อะบุ๊ยเด๊อะเตอเรอ อู่เจเต๊เหย่ เก่เฮ๊เร๊อ เตเด๊อะบุ๊ยเด๊อะเตอเรอ เออเต๊เห่ เนอหม่า อา แฮ หม่าแหน่ เด๊อ จอแปแหร่ อา เตอ๊อแล เออเนอ อา โอ่ หม่าโต่. หม่าแน๊เรอ จอแปแหร่ ล๋อ อ๊อแล โทเฮ๊อ เตเด๊อะบุ๊ยเด๊อะเตอเรอ อู่เจเต๊เหย่ เออเนอ เร๊อ เพ อับราฮัม อาขว่าอาคยา, อา เด๊อะโทเฮ๊อ เตเด๊อะบุ๊ยเด๊อะเตอเรอ อู่เจเต๊เหย่ เออเนอ เน๊อ ลู เฮ๊อ.

ꤊꤢ꤬ꤜꤢ꤬ꤒꤤ 4:1

เต เด๊อ แว ซิหยื่อ เฮ๊ เอ๊แถ่ โป่ เนอหม่า ฮู๊เตเฮ๊เนอ, เฮ๊โก๊หลื่อ, พู๊เพรคู เตเพร เด๊อ อา โตเบ่ พย๊าหนิ อาเพ อู่เจเต๊เหย่ หม่าแน๊เรอ เบ๊อะอา เป๊เจ่ปา เบ๊อะเนอ, อา หม่า อา แซ่ ปาแพ๊ เร๊อ หลู่เล๊ เตเพรเนอ แพ๊. หม่าแน๊เรอ อา หม่า แกแย เตเพร เด๊อ อา โตเบ่ พย๊าหนิ ลอ หม่าแหน่ เจ๊อ อู่เจเต๊เหย่ ล๋อ ปลี เออเนอ ปา เตเพร เฮ๊อ.

ꤊꤢ꤬ꤜꤢ꤬ꤒꤤ 6:16

จอแปแหร่ อาเพรอาดือ เร๊อ อา เตซิยอกล่าเบ่ เก่ โอ่ เกอดื่อ เร๊อ แกแย เด๊อ อา จูเอ่ เตอิซว๊าอี๊แส่ เออเนอ เต๊เห่อาลู เร๊อ จอแปแหร่ อาแกแย หม่าแหน่ เร๊อดื่อ เนอเต๊เห่ อาลู นี๋.