ꤊꤢ꤬ꤜꤢ꤬ꤒꤤ 3:28 - ลีเทส่อพ๊าอาเซ เร๊อ เห่ขุทวาลู๊

²⁸ แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

Eastern Kayah Shadaw Dialect

²⁸ ꤛꤢꤨꤘꤢ꤬ꤖꤢꤨ ꤔꤢꤧ ꤗꤤ꤭ꤡꤣ꤬ꤚꤥ꤬ ꤊꤚꤤꤖꤢꤨ ꤒꤣꤧ꤬ꤟꤢꤩ꤬, ꤡ꤫ꤢꤦ꤬ꤖꤢꤨ ꤔꤢꤧ ꤖꤚꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ꤖꤢꤨ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤋꤢꤨ꤭ ꤔꤢꤧ ꤖꤚꤢꤩ꤬ꤗꤢꤪ꤬, ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤋꤥ ꤔꤢꤧ ꤜꤢꤨ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤓꤝꤢ꤭ꤓꤢꤧ꤬ ꤜꤢꤪ꤭ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ꤯

ꤊꤢ꤬ꤜꤢ꤬ꤒꤤ 3:28 ပူးပေါင်းရင်းမြစ်များ

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

เอเฟซัส 4:4

เป เออเต๊เห่ หม่า เปเหน่กล่อ โอ่จือเต่อลู เตเพรเพร่ว แพ๊. เป พย๊าหนิ จือโหร่ลู แหย่โยบูโพ๊แบ่เจ่ เตเพรเพร่ว แพ๊. ฮู๊เนอเฮ๊อ, เบ๊อะจอแปแหร่ เอ๊ เป เบ๊อะเนอ, อา อ๊อแล เร๊อ อา เก่ เด๊อะเนอ เป เตแร๊ เออ เด๊อคยา ปา. ฮู๊เนอเรอ เป ล๋อ ปลี แม๊ชือ โหร่ลอ ลู อาเตเออ เตอเจ๋อ แพ๊.

ꤚꤥꤗꤢꤩ꤬ 9:24

เป หม่า แกแย เด๊อ จอแปแหร่ เอ๊ เจ๊อ เป เต๊เห่ เฮ๊อ. อา เอ๊ ตื๊อ แกแยยิวพู๊ เต๊เห่ อาเกลเนอ หม่าโต่, เด๊อ แกแยยิวพู๊ หม่าโต่ เต๊เห่ อาเกลเนอหม๋า, อา เอ๊ หนิ เต่อเกอ ดื่อดื่อ.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

โครินธ์ อาเหร่อเล๊อ ต๊าบ่า 7:19

เมเตเฮ๊เรอ, ดื๊อตีลี๊พ๊า เบ่เบ่, ดื๊อตีลี๊พ๊า โต่ เบ่เบ่ อา โหล่ดุ ลา หม่าโต่. เต เด๊อ อา โหล่ดุเล๊อ อู เต๊อเจ่อหม่า เตหนิดา จอแปแหร่ โหง่เฮ๊แก เต๊เห่ เออเนอ เฮ๊อ.

ꤛꤥ꤭ꤟꤢ꤬ 11:52

โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

โครินธ์ อาเหร่อเล๊อ ต๊าบ่า 7:14

เมเตเฮ๊เรอ, ซี เด๊อ อา หยื่อเอ่ เป แบ่เจ่ เหย่ซู่ เต๊เห่เนอ, ซีเม เบ่เบ่, หม่าโต่เรอ ซีเว เบ่เบ่, อา เก่ หยื่อเอ่ เกอ แต่ล๋าย เป แบ่เจ่ เหย่ซู่ โต่ เก่เฮ๊เรอ, ซี ย๋อ หยื่อเอ่ เต อาขว่าอาคยา, จอแปแหร่ เก่ เด๊อะบุ๊ยเด๊อะเตอเรอ เหย่ซี ปา. เร๊อ อา เก่ เด๊อะบุ๊ยเด๊อะเตอเรอ เต่อเกอ ซีพู๊ซีเลอ เต๊เห่ ปา. จอแปแหร่ เก่ เด๊อะบุ๊ยเด๊อะเตอเรอ ซีพู๊ เต๊เห่ โต่ เฮ๊เนอ, ซี พู๊ เต๊เห่เนอ อา เก่ แซ่เกอ ลอ เร๊อ แกแย เด๊อ อา หยื่อเอ่ แบ่เจ่ โต่ เนอเต๊เห่ อาพู๊อาเลอ เนอเต๊เห่ ปา.

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 4:14

แว เหน่กล่อ อา เตชุ๊ยเตเช เออ อา ทวาแถ่ แหน่เจ๊อ เตแป่เตเช เด๊อ ซีเง หม่าแน๊เรอ ซี ซิเถ่ ซิโตโคน๊อ เร๊อ แว โตโพ๋ โต่. ซี ลื๋อ เอ๊โมฉื่อ แร๊ เตเปล๋ ปา เจ๊อ แว แซ่เจ๊อเร๊อ แว ทวา จอแปแหร่ อา เตเน่วพู๊ เตเพรเนอ เจ๊อ, โท๊โต่ ซี เอ๊โมฉื่อ แว เออเนอ, อา แซ่เฮ๊อ เน๊อ ซี เอ๊โมฉื่อ เหย่ซู่ครี๊ อาเหน่แบ่เจ่ เนอ เจ๊อ เฮ๊อ.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

เอเฟซัส 1:1

แว หม่า คูเปาโล. จอแปแหร่ ซิปล่อโอ่ เด๊อ แว เก่ ทวา เหย่ซู่ครี๊ อา เพรโด่แน เตเพร. แว ราจว๊าเป่ ลีเออต๊าบ่า เด๊อ จอแปแหร่ อาแกแย เด๊อ อา โอ่ แลแค เด๊อ วีเอเฟซัส อากูเนอเต๊เห่อาโอ่. ซี หม่า แกแย เต๊เห่ เด๊อ อา ทวาแถ่ เฮ๊อ เตอเจ๋อโต เร๊อ ครี๊ เฮ๊อ เรอ, ซี วีแก ซี เตหยื่อเอ่ เหย่ซู่ครี๊ โต่.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

โคโลสี 1:4

เมเตเรอ เป เฮ๊บุ๊ยเฮ๊เตอเรอ เฮ๊เนอหม่า, ซี หยื่อเอ่หนิ เหย่ซู่ครี๊ เร๊อ ซี โม หนิเกอเร๊อ จอแปแหร่ อาแกแย บูโพ๊ ล๋อ ปลี เต๊เห่เนอหม่า, เป หนิโฮ โทลอเฮ๊อ.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.

ทิโมธี เนอบ่า ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ ซิปล่อโอ่ แว เด๊อ แว เก่ ทวาแถ่ เหย่ซู่ครี๊ อา เพรโด่แนพู๊ เตเพร, โทเรอ จอแปแหร่ อ๊อแล โทเฮ๊อ เน๊อ อา เก่ เด๊อะ เป ซิปล่อเซอเพร เด๊อ เหย่ซู่ครี๊ อากู ปา อาหรี่อาแก เออเนอ, แว แด๊โฉ่ ลอเป่เฮ๊อ อู ปว๋า เตเพร เฮ๊อ.