ꤊꤢ꤬ꤜꤢ꤬ꤒꤤ 3:2 - ลีเทส่อพ๊าอาเซ เร๊อ เห่ขุทวาลู๊

² เฮ๊ เป่แม๊ แว ตื๊อ เออเต๊อเจ่อเจ๋อ เนอแพ๊. เด๊อ ซี ครวาเมเกอ เตซว๊าเตแส่ อาคยา เร๊อ ซี พย๊าหนิ แหย่โยบูโพ๊ แบ่เจ่ แอ? เก่หม่าโต่เรอ เด๊อ ซี หนิโฮ เตซิครือมีลา เร๊อ ซี หยื่อเอ่แหน่ อาขว่าอาคยาเร๊อ, ซี พย๊าหนิ แหย่โยบูโพ๊ แบ่เจ่ ฮู๊เนอ แอ?

Eastern Kayah Shadaw Dialect

² ꤟꤢꤩ ꤕ꤫ꤢꤩ꤬ꤗꤢꤧ ꤠꤢꤧ꤭ ꤒꤢꤦ ꤣꤧ꤭ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤔꤣꤧ꤬ꤖꤢꤧ꤯ ꤘꤣ ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭? ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤘꤣ ꤞꤤ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤨꤔꤣꤧ꤬ ꤟꤢꤧ꤭?

ꤊꤢ꤬ꤜꤢ꤬ꤒꤤ 3:2 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

เพรโด่แนพู๊ เต๊เห่ 15:8

จอแปแหร่ หม่า อา แม๊เถอะ ซิเงลอ อู ปว๋า เตเพร อาซิปล่อ. เด๊อ อา เด๊อะ เป่ แกแยยิวพู๊ หม่าโต่ เต๊เห่ แหย่โยบูโพ๊แบ่เจ่ อาขว่าอาคยา, อา เด๊อะโล เฮ๊อ เร๊อ อา ซิปล่อโอ่เฮ๊อ เหย่ซี ฮู๊ อา เด๊อะ โทเฮ๊อ เป แหย่โยบูโพ๊ เนอ เฮ๊อ.

ꤊꤢ꤬ꤜꤢ꤬ꤒꤤ 3:5

ฮู๊เนอเรอ เด๊อ ซี ครวาเมเกอ เตซว๊าเตแส่ อาคยา เร๊อ จอแปแหร่ เด๊อ ซี แหย่โยบูโพ๊ แบ่เจ่ เร๊อ อา เม เตโค๊ตีกลี๊ เด๊อ ซีเกล ฮู๊เนอ แอ? ฮู๊เนอ หม่าโต่. เด๊อ ซี หนิโฮ เตซิครือมีลา เร๊อ ซี หยื่อเอ่ อาขว่าอาคยาเร๊อ อา เด๊อ แพ๊ ซี แพ๊. เด๊อ ซี ลือครวาเม เกอ เตซว๊าเตแส่ เออ อาคยา เนอ หม่าโต่.

ꤟꤤꤙꤚꤢꤨ 2:4

จอแปแหร่ เฮ๊โฉ่โปล เป่เกอโป่ อู เน๊อ เด๊อ เตเมแลเปล๊กา เตหรี่เตแก เออเนอหมา อาโต หม่าแหน่ เจ๊อ. เด๊อ เตเมม๊าเมแด, อาเตเม โค๊ตีกลี๊ เต๊เห่ เร๊อ อาเตเม ตาปาคย๊ายื๊อ เต๊เห่ อาขว่าอาคยา, อา เด๊อะโลโปล เป่เฮ๊อ อู เร๊อ เตเมแลเปล๊กา เตหรี่เตแก เออเนอหมา อา โตเฮ๊อ. โท๊โต่, จู๋ ดื่อ อาโต จอแปแหร่ อาซิปล่อ เร๊อ อา เด๊อะตา ครา เป่ อู เตแจ่เตลีแม เชหยู่ เต๊เห่. เร๊อ อา เด๊อะตา แฮเง เร๊อ แหย่โยบูโพ๊ แบ่เจ่. เด๊อ แหย่โยบูโพ๊ แบ่เจ่ เชหยู่เออ เต๊เห่ อาขว่าอาคยา, จอแปแหร่ เด๊อะโลโปล เป่เฮ๊ออู เร๊อ เตหรี่เตแก เออเนอหมา อา โตเฮ๊อ.

เพรโด่แนพู๊ เต๊เห่ 8:15

เบ๊อะเหย่ซี แฮโต่เฮ๊อ เบ๊อะเนอ, แซ่ฮู๊ สะมาเรียพู๊ เต๊เห่ อา พย๊าหนิเกอ แหย่โยบูโพ๊แบ่เจ่ อาเงเนอ, อา กุยจ๊อเบ เป่ เหย่ซี.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 9:21

แซ่ฮู๊ แกแย เด๊อ อา ซิเง เกออู คูโมเสส อา เตซว๊าเตแส่ โต่ เต๊เห่ เก่ หยื่อเอ่ เกออู แบ่เจ่ เหย่ซู่ครี๊ อาเงเนอ, เบ๊อะแว โอ่ เกอ เด๊อ เหย่ซีเกล เบ๊อะเนอ, แว เมฮู๊ เป แกแยยิวพู๊ อาเหล่โกล เมเนอ โต่, แว เม แซ่เกอ ฮู๊ เหย่ซี เมเนอ แพ๊. หม่าแน๊เรอ แว ครวาลือ เม เกอ จอแปแหร่ อา เตซว๊าเตแส่ โต่, แว เฮ๊ ฮู๊เนอ หม่าโต่. เก่ เฮ๊ตาต๋าหม่า แว หม่า แกแย เตเพร เด๊อ อา ลือครวา เม แหน่เจ๊อ ครี๊ อา เตซว๊าเตแส่ เตเพร เจ๊อ.

ꤊꤢ꤬ꤜꤢ꤬ꤒꤤ 3:3

ตีกี๊ เร๊อ ซี เตเนโปล เจ๊อ โต่ เมเต? เบ๊อะซี เป๊อแถ่ หยื่อเอ่ลู่ ครี๊ เบ๊อะเนอ, ซี ซิเลหนิ โทเฮ๊อ แหย่โยบูโพ๊ แบ่เจ่ เฮ๊อ หม่าแน๊เรอ กู๊แหน่เออเรอ หม่า ซี จ่าเพรอ โอ่เซอเพร ซิเลแถ่ เกอเร๊อดื่อ แหน่เฮ๊อ ซีเหน่ ฮู๊เนอ แอ?

ꤟꤤꤙꤚꤢꤨ 4:2

เมเตเฮ๊เรอ เป หนิโฮน๊อ เกอ เฮ๊อ เตซิครือมีลา ฮู๊ เปเพอเปโพ เต๊เห่ หนิโฮน๊อ โทเฮ๊อ เนอเฮ๊อ. เมเตเฮ๊เนอ เหย่ซี หนิโฮน๊อ หม่าแน๊เรอ, อา ย๋อ พย๊าฉื่อ เกอ แลแค อู เตซิครือมีลา เออ เร๊อ เตหยื่อ โต่ อาขว่าอาคยา, อา ทวาบุ๊ยทวาเตอเรอ เด๊อ เหย่ซีเง โต่.