ꤊꤢ꤬ꤜꤢ꤬ꤒꤤ 3:19 - ลีเทส่อพ๊าอาเซ เร๊อ เห่ขุทวาลู๊

¹⁹ จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.

Eastern Kayah Shadaw Dialect

¹⁹ ꤡꤢꤪꤗꤣꤧ꤬ꤚꤢꤧ꤬ ꤡꤝꤢꤘꤣꤧꤒꤢ꤭ ꤒ꤫ꤥ꤬ ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗꤢꤩ꤬ꤒꤢꤩ꤭? ꤊꤣꤧ꤬ꤛꤢꤧ꤭ ꤜꤢ꤭ ꤗꤢꤩ꤬ꤒꤢꤩ꤬ꤞꤢꤦ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤒꤢ꤭ ꤕꤢꤩ꤬ ꤖꤢꤧ꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤊꤜꤢꤪ꤬ꤥ꤬ꤗꤢ꤬ ꤑꤢ꤭ ꤒ꤫ꤥ꤬ꤘꤣ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤝꤤ ꤟꤢꤧ꤭ꤒ꤫ꤥ꤬ꤔꤣꤧ꤬꤯ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤝꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ ꤘꤣ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤢ꤬ ꤊꤢꤨꤛꤢ꤭ꤊꤢꤨ꤭꤯ ꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤘꤣ ꤋꤢꤨ꤭ꤗꤢꤪꤎꤢꤧ ꤚꤣꤧ꤬ ꤋꤢꤨ꤭ꤗꤢꤪꤎꤢꤧ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤘꤣ ꤊꤣꤧ꤬ꤛꤢꤧ꤭ ꤢ꤬ ꤥ꤬꤯ ꤋꤢꤨ꤭ꤗꤢꤪꤎꤢꤧ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ ꤘꤣ ꤢ꤬ꤊꤜꤢꤧ꤭ꤗꤢꤩ꤭ꤊꤢꤨ꤭ ꤒꤣ꤬ꤖꤚꤢꤩ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 3:19 ပူးပေါင်းရင်းမြစ်များ

เพรโด่แนพู๊ เต๊เห่ 7:53

ซี หนิโฮเฮ๊อ คูโมเสส อา เตซว๊าเตแส่ เด๊อ จอแปแหร่ เด๊อะตา แฮเง เร๊อ ม๊อขุเตเน่วพู๊ เนอเต๊เห่ ตื๊อดื่อเรอ ซี หนิดา ลูโหง่ โต่,” คูสเทเฟน เฮ๊ ฮู๊เนอ.

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.

ꤊꤢ꤬ꤜꤢ꤬ꤒꤤ 3:16

ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

ꤚꤥꤗꤢꤩ꤬ 4:15

เมเตเฮ๊เรอ เตซว๊าเตแส่ หม่า อา เมซิปล่อดุ แถ่ จอแปแหร่. แกแย ลือเบ๊ เตซว๊าเตแส่ ปว๋า โตโพ๊ โต่ อาขว่าอาคยา, อา เมซิปล่อดุ แถ่ จอแปแหร่ เร๊อ อา เก่ เมจากาคยา เหย่ซี ปา. เตซว๊าเตแส่ เก่ โอ่โต่ เฮ๊เนอ, แกแย เตเพร่ว หม่า อา เมซื๊อ เตซว๊าเตแส่ โต่.

ꤚꤥꤗꤢꤩ꤬ 2:13

จอแปแหร่ แด่จ๊อแด่เต แกแย เร๊อ อา หนิโฮน๊อ เตซว๊าเตแส่ ขว่าคยาเนอ หม่าโต่. จอแปแหร่ แด่จ๊อแด่เต แกแย เร๊อ อา ครวาเมเกอ ฮู๊ เตซว๊าเตแส่ เฮ๊แก โหง่ เนอเต๊เห่ แพ๊.

เพรโด่แนพู๊ เต๊เห่ 7:38

คูโมเสส หม่า แกแย เตเพร เด๊อ อา โอ่เต่อโอ่ปล๊อ เต่อโร๊ ลอ เร๊อ เปเพอเปโพ เด๊อ เก่เชเทอแก หล่อตาม๊าขุ เนอเตเพร เฮ๊อ. อา โอ่เตอเกอ เร๊อ เป โหมะเพเพอโพ เด๋อ งย๊าเค เต๊เห่ เร๊อ เตเน่วม๊อขุพู๊ เด๊อ อา เฮ๊เบ่ เกอเร๊อ ลู เด๊อ ซีนายโฉ่ขุ เนอเตเพร เฮ๊อ. โทเรอ อา หม่า แกแย เตเพร เด๊อ อา พย๊าหนิ จอแปแหร่ อาลาอาโหง่ เด๊อ อา เซอเพร เออเต๊เห่ เร๊อ อา เก่ เด๊อะแล แฮเง เป่ เร๊อ เป เออเต๊เห่ เนอ เฮ๊อ.

ꤛꤥ꤭ꤟꤢ꤬ 15:22

แว เก่ แฮ แด๊โฉ่โด่แน เป่ เหย่ซี โต่. เก่เฮ๊เนอ, จอแปแหร่ แด่ เน๊อ เหย่ซี เตซื๊อ โต่. หม่าแน๊เรอ กู๊แหน่เออ แว แฮ แด๊โฉ่โด่แน โล เป่ เหย่ซี อาขว่าอาคยา, อาเหล่เฮ๊ แลเปล๊ เกอเร๊อ อาโหง่ เร๊อ อาเตซื๊อ อาเงเนอ อา โอ่ปา ตือมื๋อ โต่ เฮ๊อ.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤟꤤꤙꤚꤢꤨ 2:5

เป เฮ๊ เป่ ซี เร๊อ เห่ขุเซ เก่ โอ่แถ่ ช๋า โหน่ปา อาหรี่อาแกเออ เนอหม่า, จอแปแหร่ นว๊าแถ่ เต่อเกอ ม๊อขุ เตเน่วพู๊ เต๊เห่ เด๊อ อา เก่ เบ่ เป๊อตี๊หรี่ เกอ เตอาเง เนอโต่.

ꤜꤢꤨꤊꤢ꤬ 16:31

“หม่าแน๊เรอ เพอับราฮัม เฮ๊ฉื่อ ลู เน๊อ, ‘เหย่ซี เก่ ครวาเม เกอ ฮู๊ คูโมเสส เร๊อ เพรโพร ราแก เนอเต๊เห่ โต่ เฮ๊เรอ, แกแย เตเพร เพร อา ก๊อถ่อเซอเพร กาคยา เป่ เจ๊อ เหย่ซี เจ๊อ หม่า, อา หยื่อเอ่ เป่ เน๊อ เน โต่โต่.’”