ꤊꤢ꤬ꤜꤢ꤬ꤒꤤ 3:16 - ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤢ꤬ ꤒꤢꤩ꤬ꤣ꤭ꤜꤢꤧ꤬ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤢꤧ ꤢ꤬ꤊꤜꤝꤤ꤭ꤢ꤬ꤜꤝꤤ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ ꤖꤢꤧ꤯ “ꤘꤣ ꤢ꤬ꤊꤜꤝꤤ꤭ꤢ꤬ꤜꤝꤤ ꤒꤣꤧ꤬ꤟꤢꤩ꤬,” ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤊꤣꤧ꤬ꤛꤢꤧ꤭ ꤥ꤬ ꤢꤩ ꤗ꤫ꤢ꤬ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤢ꤬ ꤟꤢꤩ ꤔꤢꤧ, “ꤘꤣ ꤔꤢꤧ꤬ꤊꤜꤝꤤ꤭ꤔꤢꤧ꤬ꤜꤝꤤ ꤢ꤬ꤊꤜꤢꤩ꤭ꤒꤣ꤬ꤖꤚꤢꤩ꤬,” ꤢ꤬ ꤟꤢꤩ ꤟꤢꤨꤔꤣꤧ꤬ ꤋꤝꤢ꤬ꤋꤛꤢ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤢ꤬ ꤟꤢꤩꤜꤥ꤭ ꤖꤢꤧ ꤒꤢꤦ ꤒꤣ꤬ꤖꤚꤢꤩ꤬ ꤖꤢꤧ꤯ ꤢ꤬ ꤞꤤꤛ꤫ꤢꤦ꤬ ꤟꤢꤩ ꤣꤧ꤭ꤔꤣꤧ꤬ꤗꤢ꤬ ꤋꤚꤤ ꤣꤧ꤭ꤔꤣꤧ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 3:16 ပူးပေါင်းရင်းမြစ်များ

ꤚꤥꤗꤢꤩ꤬ 4:13

จอแปแหร่ อ๊อแล เพอับราฮัม เร๊อ อากลุยอาแล เต๊เห่ เด๋อ เนอเค เน๊อ, เห่ขุ เออต๊าบ่าลอ, อา เก่ ทวาแถ่ เหย่ซีเต ปา. หม่าแน๊เรอ เด๊อ เหย่ซี จูเอ่ ลือครวา เมเกอ เตซว๊าเตแส่ อาคยา เร๊อ, อา เก่ ทวาแถ่ เหย่ซีเต ปา, อา อ๊อแล ลู ฮู๊เนอ หม่าโต่. จอแปแหร่ แด่จ๊อแด่เต เหย่ซี เร๊อ อา เตหยื่อเตแหน่ อาขว่าอาคยา, อา อ๊อแล เร๊อ อา เก่ เด๊อ เหย่ซี ปา แพ๊.

ꤜꤢꤨꤊꤢ꤬ 1:55

แซ่ฮู๊ อา เก่ ซิยอกล่าเบ่หนิ เพอับราฮัม เร๊อ อากลุยอาแล เออเต๊เห่ ตือทือ โท ตือทือ อาเงเนอเนอ, อาเตเนแถ่ เกอเร๊อ เฮ๊อ.”

ꤚꤥꤗꤢꤩ꤬ 4:16

ฮู๊เนอเรอ, เป พย๊าหนิแจ่ จอแปแหร่ อา เตอ๊อแล เน๊อ เป เตหยื่อ เตอเจ๋อ แพ๊. เมเตเฮ๊เรอ แซ่ฮู๊ เป เก่ พย๊าหนิ เกอ เตเออเนอ เร๊อ อาบุ๊ยอาเตอเรอ อาขว่าอาคยา ตื๊อแพ๊ อาเงเนอ, เป เบ่ โอ่ เร๊อ เตหยื่อ. โท๊โต่, ล๋อ เพอับราฮัม อากลุยอาแล เต๊เห่เนอ, อา เก่ พย๊าหนิ ลอ เตอ๊อแล เออ ปา. แกแย เด๊อ อา ลือครวาเมเกอ แกแยยิวพู๊ อาเตซว๊าเตแส่ เนอเต๊เห่ เก่ พย๊าหนิ ตื๊อดื่อ หม่าโต่, แกแย เด๊อ อา หยื่อเอ่ แซ่เกอ เร๊อ เพอับราฮัม เนอเต๊เห่ เก่ พย๊าหนิ ลอเกอ ปา ปา. เพอับราฮัม หม่า เป ล๋อ ปลี อาเพ.

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

ꤊꤢ꤬ꤜꤢ꤬ꤒꤤ 3:8

ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

เห่ขุทวาลู่ 12:3

แว เก่ เด๊อะบุ๊ยเด๊อะเตอเรอ แกแย เด๊อ อา เด๊อะบุ๊ยเด๊อะเตอเรอ เน เนอเต๊เห่ ปา. แว เก่ อิชอฮา แกแย เด๊อ อา อิชอฮา เน เนอเต๊เห่ ปา. โทเร๊อ แกแย ล๋อ ปลี โอ่ เด๊อ เห่ขุ เออเต๊เห่เนอ, แว เก่ เด๊อะบุ๊ยเด๊อะเตอเรอ แฮเง เหย่ซี เน๊อ เน ปา.”

เพรโด่แนพู๊ เต๊เห่ 3:25

จอแปแหร่ เตอ๊อแลนอแล เด๊อ อา นอเด๊อะโลตา ดื๊อตื่อ เพรโพร ซี เต๊เห่ เนอหม่า ซิเง เฮ๊อ. โท๊โต่ จอแปแหร่ อ๊อแล โทเฮ๊อ เน๊อ ซี โหมะเพเพอโพ เด๋อ งย๊าเค เต๊เห่ เน๋อ หม่า ซิเง โอ่ป่าเต่อเกอ เฮ๊อเฮ๊อ. ฮู๊ จอแปแหร่ เฮ๊โฉ่หนื่ออื่อ โทเฮ๊อ เพอับราฮับ เน๊อ, ‘แว เก่ เด๊อะบุ๊ยเด๊อะเตอเรอ แฮเง ลอ แกแยเห่ขุพู๊ เออเต๊เห่ ล๋อ ปลี เน๊อ เน กลุยแล แกแล เนอเตเพร อาคยา ปา.’

เห่ขุทวาลู่ 21:12

หม่าแน๊เรอ จอแปแหร่ดุ เฮ๊ เพอับราฮัม เน๊อ, “เด๊อ เนหลู่โหมะ เน๊อ อาพู๊เพรคู อาเง เออเนอ, ซิปล่อ เบ่เชลา แต่เหม่. เนกลุยเนแล เต๊เห่เนอ อา เก่ แฮตา แฮเง เด๊อ คูอิสอัค อาโอ่ ปา แพ๊ อาขว่าอาคยา, โหมะซาราย เฮ๊ เน ฮู๊เตเต๋ เบ่เบ่, ตูรู๊ หนิดา ลูโหง่ เนอ นี๊.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

เห่ขุทวาลู่ 15:5

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

โครินธ์ อาเหร่อเล๊อ ต๊าบ่า 12:27

กู๊แหน่เออ, ล๋อ ซี เออเต๊เห่ เนอหม่า, ซี ทวา โหร่ลอ ลู ครี๊ อาเหน่กล่อ เต๊อเจ๋อ แพ๊. เร๊อ ซี เตเพร เร๊อ เตเพร เนอหม่า หม่าเฮ๊อ อาเหน่กล่อ ครือขรว่า เตอเจ๋อ แพ๊ เฮ๊อ.

โครินธ์ อาเหร่อเล๊อ ต๊าบ่า 12:12

แกแยเห่ขุพู๊ อาเหน่กล่อ เออเนอ อาครืออาขรว่า โอ่เอ๊ แหน่เจ๊อ หม่าแน๊เรอ เหน่กล่อ โอ่จือแพ๊ ลู เตเพรเพร่ว แพ๊. แซ่ฮู๊เนอเฮ๊อ เป เด๊อ อา หยื่อเอ่ เหย่ซู่ครี๊ เออเต๊เห่เนอ, อา โอ่โหร่ โอ่เอ๊ แหน่เจ๊อ หม่าแน๊เรอ เป ทวา จือแพ๊ ลู เหน่กล่อ เตเพรเพร่ว แพ๊.

ꤚꤥꤗꤢꤩ꤬ 12:5

ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

โคโลสี 2:19

แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.

เอเฟซัส 5:32

โหง่ เออเนอหมา อาจ่ออาแย เด๊อ อู ซิเงทว๊า โต่, ตื๊อดื่อเรอ โหง่ เออเนอหมา อา ซิหยื่อ เฮ๊ดื่อ ครี๊ เร๊อ อา เพรหยื่อเอ่ เออ ตู๊หมู่ตอกล๊อ เต๊เห่ แพ๊.

มัทธิว 1:1

ลีเออหม่า อา ราม๊าราแด เหย่ซู่ครี๊ อากลุยอาแล เด๊อ อา จิจือตา แฮเง ลู เต๊เห่ อาหรี่อาแก. อา หม่า อากลุยอาแล จิจือตาแล เด๊อ คุ๊ยดาวิด เร๊อ เพอับราฮัม.

ꤚꤥꤗꤢꤩ꤬ 9:4

เหย่ซี หม่า อิสราเอลพู๊ เต๊เห่. จอแปแหร่ อี๊พู๊อี๊เลอหนิ เฮ๊อ เหย่ซี ฮู๊ อาพู๊อาเลอ เหน่กล่อ เนอเฮ๊อ. เร๊อ อา เด๊อะโล เป่ เฮ๊อ เหย่ซี เร๊อ อา เตเตอเรอดุทู จอแปแหร่ เอ่หม่า โทเฮ๊อ เฉ่ เร๊อ เหย่ซี เร๊อ อา เด๊อะตา โทเฮ๊อ เหย่ซี เร๊อ อา เตซว๊าเตแส่ เฮ๊อ. เหย่ซี พย๊าหนิ เตจ๊อเบ อาแกล๊อาโกล เด๊อ เตหลู่แต โฮกู เร๊อ อา พย๊าหนิ แลแค จอแปแหร่ อา เตอ๊อแลนอแล เต๊เห่ เฮ๊อ.

โครินธ์ เนอบ่า ต๊าบ่า 11:22

เหย่ซี หม่า ฮีบรูพู๊ เต๊เห่ แอ? แว หม่า ฮีบรูพู๊ เตเพรเพร วา. เหย่ซี หม่า อิสราเอลพู๊ เต๊เห่ แอ? แว หม่า อิสราเอลพู๊ เตเพรเพร วา. เหย่ซี หม่า เพอับราฮัม อากลุยอาแล เต๊เห่ แอ? แว หม่า เพอับราฮัม อากลุยอาแล เตเพรเพร วา.

ꤊꤢ꤬ꤜꤢ꤬ꤒꤤ 3:19

จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.