ꤊꤢ꤬ꤜꤢ꤬ꤒꤤ 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ โป่แหว่ ซี๋, แว เก่ แด๊โฉ่โล เป่ ซี เน๊อ เต เด๊อ อู เหล่โกล เม เกอเร๊อ อา เหมาะเฮ๊เหมาะลี เต๊อเจ่อ. เบ๊อะแกแย ซิเนอ เอ่หม่า โทเฮ๊อ ลูโหง่ เบ๊อะเนอ, อูเปเป๋ เบ่เบ่, อา เก่ แฮ เมปย๊าแก หม่าโต่เรอ อา เก่ แฮ เมโค๊แก เฮ๊เนอ, อาหนิ ปา โต่ เฮ๊อ.

Eastern Kayah Shadaw Dialect

¹⁵ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢꤨ꤭ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ ꤚꤣꤧꤘꤢꤦ꤬ ꤢ꤬ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ ꤒꤣ꤬ꤡꤣ꤬꤯ ꤙꤣꤧ ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ ꤢꤩ꤬ꤗꤢ꤬ ꤓꤥ꤭ꤟꤣꤧ ꤜꤢꤨ꤭ꤏꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤟꤢꤧ꤭ ꤗꤢꤩ꤬ꤕꤛꤢꤊꤢꤧ꤭ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊꤢꤩ꤬ ꤟꤢꤧ꤭ ꤗꤢꤩ꤬ꤋꤥꤊꤢꤧ꤭ ꤟꤢꤩꤔꤣꤧ꤬, ꤢ꤬ꤔ꤫ꤤ꤬ ꤕꤢ꤬ ꤒꤥ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 3:15 ပူးပေါင်းရင်းမြစ်များ

ꤟꤤꤙꤚꤢꤨ 9:17

แกแย เด๊อ อา ราแก ลีเซอ เออต๊าบ่า เตเพรเนอ, อา เก่ โอ่เซอเพร ปาแพ๊ เฮ๊เรอ, ลีเออต๊าบ่า เมแจ่ เตอเจ๋อ โต่. หม่าแน๊เรอ ช๋า อา เซอ โทเฮ๊อ ปาหม่า ตื๊อเรอ แกแย เนอเตเพร พย๊าหนิ เนอ แกแยเซอ เนอเตเพร อา อู่เจเต๊เหย่ แพ๊.

ꤚꤥꤗꤢꤩ꤬ 6:19

แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.

ꤚꤥꤗꤢꤩ꤬ 3:5

หม่าแน๊เรอ เป แกแยยิวพู๊ อา เตจ๊อเตเต โต่ เต๊เห่เนอ, อา เก่ เด๊อะโล ลอหล่าตี๊กลิ เจ๊อ จอแปแหร่ อา เตจ๊อเตเต เก่เฮ๊เรอ เป เตเร เฮ๊เร๊อ อา ฮู๊เต? จอแปแหร่ ซิปล่อดุ เร๊อ อา เมจากาคยา เปเออ เนอหม่า อาซื๊อ แพ๊, เป เก่ เฮ๊ ฮู๊เนอ แอ? (แว เฮ๊เบ่ ฮู๊ แกแย เหล่โกล เฮ๊เนอ แพ๊.)

โครินธ์ อาเหร่อเล๊อ ต๊าบ่า 15:32

เบ๊อะวีเอเฟซัส อากู เออเนอ, แว ข่าเบ่ แหน่เจ๊อ เตจาเตจือ เจ๊อ, เมเตเฮ๊เรอ แกแย เด๊อ อา ซิเถ่ซิฮา แว เต๊เห่เนอ อา ซิหยื่อ เอ่ แวหย่า เนอหม่า อา แซ่เจ๊อเร๊อ เตมีเตแหม่ เต๊เห่เนอ เจ๊อ. ฮู๊เนอเรอ, แว เก่ หยื่อเอ่ เร๊อ แกแย เซอโท เต๊เห่ เก่ เซอเพร กาคยา ปาโต่ เก่เฮ๊เรอ, แว จว๊า แด่ทูซิปล่อ, ข่าจาข่าจือ เกอเต๋ เออ เมเต? เก่ อู เซอ ก๊อถ่อกาคยา ปา โต่ เก่เฮ๊เรอ, อาแร๊เล๊อ หม่า เป เก่ เมโมเมพุย เปเหน่ เร๊อ เป เก่ เฮ๊ เกอ ฮู๊ อู เฮ๊โอ่ โหง่ ตือมือ เนอ, “ช๊าป่าโรปา หม่า เป เซอ เฮ๊อ ปา แอ๋, เร๊อ เปเอ่เปโอ โป๋, เมโมเมพุย เกอ เร๊อ แลแค เปเหน่ โป๋.” โหง่ โด่แน โอ่ ฮู๊เนอ.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

ꤊꤢ꤬ꤜꤢ꤬ꤒꤤ 6:18

โป่แหว่ ซี๋, แบ่เจ่ เหย่ซู่ครี๊ เก่ ฉู่โนดื่อ อาบุ๊ยอาเตอเรอ เด๊อ ซี ล๋อ ปลี อา ซิปล่อกู นี๋. อาเมน

ꤟꤤꤙꤚꤢꤨ 6:13

เบ๊อะจอแปแหร่ อ๊อแล อาโหง่ ตือมือ เร๊อ เพอับราฮัม เบ๊อะเนอ, อา แบ โทเฮ๊อ อาโหง่ เร๊อ อา เก่ เม ฮู๊ อา อ๊อแล เนอ. แกแย เด๊อ อาดุเล๊อ เร๊อ ลู เนอ อา โอ่ เตเพร่ว โต่ อาขว่าอาคยา, เบ๊อะอา แบแล อาโหง่ เบ๊อะเนอ, อา โป๊ เกอ เร๊อ ดื่อ อามุย แพ๊.

ꤟꤤꤙꤚꤢꤨ 6:16

เบ๊อะแกแย เตเพรเพร ซิหยื่อ เด๊อซิเง เป่ อู เร๊อ อา เตเฮ๊เบ่ เออเนอหมา อา โตแพ๊ เบ๊อะเนอ, อา แบ โนหนิ อา เตเฮ๊เบ่ โหง่ เออเนอ เร๊อ แกแย เด๊อ อา โอ่ เร๊อ อาโพรอาเตอเรอ ฉว่าชอ เตเพรเพร อามุย. เมเตเฮ๊เรอ, อา เก่ แบ ฮู๊เนอ เฮ๊เรอ, อา เม โอ่โก๊แก เตกย๊าเตงา ลู.