ꤊꤢ꤬ꤜꤢ꤬ꤒꤤ 2:7 - ลีเทส่อพ๊าอาเซ เร๊อ เห่ขุทวาลู๊

⁷ แกแย ทวา ทวาดุทวาเต เนอเต๊เห่ เฮ๊เล๊อเฮ๊ตา ลว๊า เร๊อ แว เตเฮ๊โฉ่โด่แน เตอเจ๋อ โต่. อา เฮ๊ เตเปล๋ ปา เจ๊อ แว เนอ, เหย่ซี แม๊เถอะ จอแปแหร่ เด๊อ แว เตเอ่เตแร เด๊อ แว เก่ เลจว๊า แด๊โฉ่โด่แน เป่ อู เร๊อ เตซิครือมีลา เด๊อ แกแยยิวพู๊ หม่าโต่ เต๊เห่ อา โอ่ ฮู๊ อา เด๊อะตา โทเฮ๊อ คูเปโตร เหล่แร หม่าดื่อ เหล่แร เด๊อ อา เบ่ แด๊โฉ่โด่แน เป่ อู เตซิครือมีลา เด๊อ แกแยยิวพู๊ เต๊เห่ อาเกล เนอ เฮ๊อ.

Eastern Kayah Shadaw Dialect

⁷ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤩꤜꤣꤟꤢꤩꤊꤜꤢꤪ꤭ ꤔꤢꤧ ꤠꤢꤧ꤭ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯ ꤢ꤬ ꤟꤢꤩ ꤒꤣꤧ꤬ꤕꤜꤢꤩ꤬꤮ ꤕꤢ꤬ ꤡꤣꤧ ꤠꤢꤧ꤭ ꤔꤢꤧ, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤠꤢꤧ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤟꤢꤨ ꤢ꤬ ꤘꤣꤧꤒꤢ꤭ ꤓꤥ꤭ꤟꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤒꤢꤩ꤬ꤗꤢꤩ꤬ ꤗ꤫ꤢ꤬ꤘꤢꤦ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ ꤙꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤔꤣꤧ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 2:7 ပူးပေါင်းရင်းမြစ်များ

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

เป เฮ๊เบ่ แพ๊ ฮู๊ อาโต จอแปแหร่ อาซิปล่อ เนอแพ๊, เมเตเฮ๊เรอ เป แม๊เถอะ เบ่น๊อ โทเฮ๊อ เตจาเตจือ เร๊อ เป ซิปล่อ ปย๊าเป่ โต่ อาขว่าอาคยา, อา หยื่อเอ่ ซิเลหนิ เป เร๊อ อา เด๊อะตาเฮ๊อ เตซิครือมีลา เออ เด๊อ เป กู๊ยากู เฮ๊อ. เป เฮ๊ ฮู๊ อาโต แกแย ซิปล่อ เนอหม่าโต่. เป เฮ๊ ฮู๊ อาโต จอแปแหร่ เด๊อ อา เจแม๊ เป ซิปล่อเออ เตเพร อา เตซิหยื่อ เนอแพ๊.

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

เปโตร เนอบ่า ต๊าบ่า 3:15

ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 9:17

เตเม เออเนอ แว เก่ นว๊าพย๊านว๊าเม เกอเร๊อดื่อ แพ๊ เก่เฮ๊เรอ, แว พย๊า อาคว๊าอาเก่ หม่า อา โต แพ๊. หม่าแน๊เรอ แว นว๊าพย๊านว๊าเม เกอเร๊อดื่อ หม่าโต่. จอแปแหร่ นว๊าแถ่ แว เร๊อ อา เด๊อะตาแก เตเมเออ เด๊อ แว กู๊ยากู อาขว่าอาคยา, แว เบ่ เม ฮู๊ อา เด๊อะตา แว, อา นอเม แว เนอแพ๊.

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

เพรโด่แนพู๊ เต๊เห่ 15:12

เบ๊อะคูเปาโล เร๊อ คูบารนาบัส อาโอ่ เด๊อ แกแยยิวพู๊ หม่าโต่ เต๊เห่ อาเกล เบ๊อะเนอ, จอแปแหร่ เม เมป่าเหย่ซีซิเนอ เตโค๊ตีกลี๊คยา อา เตเมม๊าเมแด เร๊อ เตเม อาตาปา คย๊ายื๊อ เต๊เห่. เบ๊อะคูเปาโล เร๊อ คูบารนาบัส แด๊โฉ่โล เป่ แกแย แฮโอ่กู๊โอ่แก๊ เออเต๊เห่ เร๊อ เตหรี่เตแก เออ เบ๊อะเนอ, โส่โส๋ อา หนิดา แลแค เจ๊อ.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

ꤊꤢ꤬ꤜꤢ꤬ꤒꤤ 1:6

เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ.

ꤊꤢ꤬ꤜꤢ꤬ꤒꤤ 1:18

โซหน่า โทเรอ แว แถ่ เด๊อ วีเยรูซาเล็ม. แซ่ฮู๊ แว เก่ จว๊าโอ่เล แบ๊ซว๊า ซิเงเกอ เร๊อ เปโตร เร๊อ แว จว๊า แพ๊. เร๊อ แว จว๊า โอ่เกอ เร๊อ อา เบ๊อะเนอ เช๊อแงเนอ แพ๊.

ꤊꤢ꤬ꤜꤢ꤬ꤒꤤ 2:11

หม่าแน๊เรอ เบ๊อะคูเปโตร โอ่ เด๊อ วีอันทิโอก เบ๊อะเนออาเค, อา ย๋อ เมโต เตโต่ อาขว่าอาคยา, แว เฮ๊ อา เด๊อ แกแย หยื่อเอ่ ครี๊ เต๊เห่ อา เป๊เส่เง เจ๊อ.

ꤊꤢ꤬ꤜꤢ꤬ꤒꤤ 2:14

เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”