ꤊꤢ꤬ꤜꤢ꤬ꤒꤤ 2:5 - ลีเทส่อพ๊าอาเซ เร๊อ เห่ขุทวาลู๊

⁵ หม่าแน๊เรอ แซ่ฮู๊ เตซิครือมีลา อาหม่าอาจ๊อ เออ เก่ โอ่หม่าโอ่กลอ เด๊อ ซีเหน่ลู อาเงเนอเรอ, เป หนิดา เกอ เร๊อ เหย่ซี เตเฮ๊เบ่ ตีกี๊ โต่.

Eastern Kayah Shadaw Dialect

⁵ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤗ꤫ꤢ꤬ꤢ꤬ꤡꤢꤪ ꤣꤧ꤭ ꤊ꤫ꤢꤦ꤬ ꤥ꤬ꤊꤜꤢꤪ꤬ꤥ꤬ꤗꤢ꤬ ꤘꤣ ꤞꤤ꤭ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤕꤢꤩ꤬ ꤔ꤫ꤤ꤬ꤘꤢ꤭ ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤊꤤ꤬꤮ ꤒꤥ꤬꤯

ꤊꤢ꤬ꤜꤢ꤬ꤒꤤ 2:5 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:16

หม่าแน๊เรอ กู๊แหน่เออ เด๊อ แว แด๊โฉ่ เป่ ซี เตหมะเตจ๊อ อาขว่าอาคยาเร๊อ หม่า, แว จว๊า ทวาแถ่ แซ่เจ๊อ เฮ๊อ ซี เหล่ซิเถ่ซิฮา แว แอ?

ꤊꤢ꤬ꤜꤢ꤬ꤒꤤ 2:14

เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.

เพรโด่แนพู๊ เต๊เห่ 15:2

คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.

ꤊꤢ꤬ꤜꤢ꤬ꤒꤤ 1:6

เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ.