ꤊꤢ꤬ꤜꤢ꤬ꤒꤤ 2:4 - ลีเทส่อพ๊าอาเซ เร๊อ เห่ขุทวาลู๊

⁴ หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

Eastern Kayah Shadaw Dialect

⁴ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤘꤢꤦꤒꤣꤧ꤬ꤜꤤ ꤋꤢꤨ꤭ꤒꤤꤒꤢꤨ ꤖꤢ꤯ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤟꤢꤨ ꤕ꤫ꤥ꤬ꤠ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔꤥ꤭ꤗꤢꤧꤕꤢꤨ꤭ ꤓꤢꤦꤟꤥ꤬ꤔ꤫ꤤ꤬ ꤕꤢꤩ꤬ ꤔ꤫ꤤ꤬ ꤓꤥ꤭ꤟꤣꤧ ꤒꤢꤩ꤬ꤕꤣꤧ꤬ꤜꤢ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤔꤥ꤭ꤟꤥ꤬ ꤘꤣ ꤕꤢꤩ꤬ꤊꤜꤢꤩ꤭ ꤖꤢꤧ꤯ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤕꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤡ꤫ꤢꤦ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 2:4 ပူးပေါင်းရင်းမြစ်များ

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

ꤊꤢ꤬ꤜꤢ꤬ꤒꤤ 4:3

เป เออเต๊เห่ เนอหม่า อาแซ่เน๊อ เนอเฮ๊อ. เบ๊อะครี๊ แฮ แต่ล๋ายโต่ เบ๊อะเนอ, เป ทวา เห่ขุเน๊ขุ อา เตซว๊าเตแส่ เร๊อ อา เหล่โกลเหล่แบ่ เต๊เห่ อาหลู่เล๊.

โครินธ์ เนอบ่า ต๊าบ่า 11:26

เด๊อ แว จว๊า แกล๊ อาโพ่เอ๊ อากูเนอ แว แม๊เถอะ ป่อชิเต่อเบ่ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. แว แม๊เถอะ ป่อชิเต่อเบ่ น๊อ เทอดุ ตาตือบี๊ แวแกล๊, แว แม๊เถอะ ป่อชิเต่อเบ่ น๊อ เร๊อ เพรปื่อเผ่ พย๊าเพ่ อูเต เต๊เห่, แว แม๊เถอะ ป่อชิเต่อเบ่ น๊อ เร๊อ แวเมวเจอะ แกแยยิวพู๊ เร๊อดื่อ เต๊เห่ เร๊อ แกแยยิวพู๊ หม่าโต่ เต๊เห่ ซิเถ่ซิฮา แม๊ปูเมเซอ แว. เบ๊อะแว จว๊าโน เด๊อ วีดุวีทู อากู เบ่เบ่, เบ๊อะแว จว๊า เด๊อ แกแย โอ่ เตเพร่ว โต่ อาเหล่โอ่ เนอ เบ่เบ่, แว แม๊เถอะ ป่อชิเต่อเบ่ น๊อ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. โท๊โต่ เด๊อ เทอดุซาวา อากู เบ่เบ่, แว แม๊เถอะ ป่อชิเต่อเบ่ เอ๊ลา เตต๊อหร่อเซ๊ ซิอิเช เต๊เห่. โป่แหว่ ครี๊พู๊ เด๊อ อา แลโฮ เต๊เห่ อา เตเมแป่เมเช เนอหม่า แว ป่อชิเต่อเบ่ เอ๊ลาลา. ล๋อ เตต๊อหร่อเซ๊ ซิอิเช เออเต๊เห่เนอ, แว แม๊เถอะเบ่ น๊อ ลอปลี เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

ทิโมธี เนอบ่า ต๊าบ่า 3:6

เหย่ซี เต๊เห่เห่เนอ, อา จว๊า โนค๊าโนโข่ เด๊อ อู หี่ด๊อหี่แพกู เร๊อ เหย่ซี เป๊อตี๊หรี่ ปื่อหม่าหนิ เพรเหมาะ เด๊อ อา จูเอ่ยูงย๊า เนอเต๊เห่. เพรเหมาะ เออเต๊เห่ เนอหม่า เพรเหมาะ เด๊อ อา โอ่ เน๊อ อา เตซื๊อเตโอ่หร่า อา เตวี๊เตแย๊ เร๊อ อา ครวาเกอ เตซิหยื่อซิลอ อาเมวเมว อาเจ่อเจ่อ อาคยา เนอเต๊เห่ แพ๊.

ꤊꤢ꤬ꤜꤢ꤬ꤒꤤ 5:10

หม่าแน๊เรอ เด๊อ เป ทวาแถ่เฮ๊อ เตเตอเจ๋อ โต เร๊อ แบ่เจ่ เฮ๊อ อาขว่าอาคยา, แว หยื่อเอ่ เร๊อ ซี เตแม๊เถอะ เออเนอหมา อา ลูจว๊าโค๊ เร๊อ แว โต่. อูเป๊ เบ่เบ่ เด๊อ อา เมดู๊แด ซี เตเพรเพรเนอ, จอแปแหร่ เก่ เมจากาคยา ดื่อ ลู ปา.

โครินธ์ เนอบ่า ต๊าบ่า 11:20

แกแย เด๊อ อา นอทวา เด๊อ ซีหลู่ เนอเต๊เห่, เร๊อ อา อิลอแลโฮ เอ่หนิเร๊อ ซี เนอเต๊เห่, เร๊อ อา เอ่ตือโอตือ เกอเร๊อ ซีขุ เนอเต๊เห่เนอ, ซี ดา ซิปล่อทู เกอเร๊อ เกอ แลแค ดื่อ เฮ๊อเฮ๊อ. ซี นอแด่ แถ่โผ่แถ่ม๊อ เกอเร๊อ แลแค อาเหน่ เร๊อ ซี ปลวา เป๊อเจ่อ เกอเร๊อ แลแค เหย่ซี เร๊อ ซีเหน่เหน่.

โครินธ์ เนอบ่า ต๊าบ่า 11:13

เหย่ซี เนอเต๊เห่ หม่า เพรโด่แนพู๊ เต๊เห่ อา หม่าแหน่ หม่าโต่. เหย่ซี หม่า เพรโด่แนพู๊ เต๊เห่ เด๊อ อา แลโฮ เต๊เห่ แพ๊. เหย่ซี จว๊า เฮ๊แลโฮ เป่ อู เร๊อ อาเตเม เต๊เห่ เร๊อ อา จะเม แลแค อาเหน่ ฮู๊ ครี๊ อา เพรโด่แนพู๊ เต๊เห่ หม่าแหน่ เต๊เห่เนอ แพ๊.

โครินธ์ เนอบ่า ต๊าบ่า 3:17

แบ่เจ่ เด๊อ แว รา อาหรี่อาแก เออเตเพร เนอหม่า แหย่โยบูโพ๊ แบ่เจ่ เฮ๊อ. ล๋อ แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เต๊เห่เนอ, แหย่โยบูโพ๊ ปลวาเถ่ปาลา จว๊า ลา ลู เฮ๊อ.

เพรโด่แนพู๊ เต๊เห่ 20:30

เร๊อ เด๊อ ซีเกลเนอ แกแย เก่ โอ่โลแถ่ เต๊เห่เห่ ปา. เร๊อ แซ่ฮู๊ เหย่ซี เก่ อิลออิโหล่ จว๊าหนิ เพรหยื่อเอ่ เต๊เห่ อาเง เนอเรอ, อา อี๊ลอแลโฮ จว๊า เหย่ซี ปา.

เพรโด่แนพู๊ เต๊เห่ 15:24

เป หนิโฮ เร๊อ แกแย เด๊อ เปเกล เต๊เห่ จว๊าโน เมดี๊แด ซี, โทเร๊อ เฮ๊กู่เฮ๊แก ลอ ซี, อู เฮ๊ ฮู๊เนอ หม่าแน๊เรอ เหย่ซี หม่า แกแย เด๊อ อา พย๊าหนิ เกอ เตอิซว๊าอี๊แส่ เด๊อ เปโอ่ เนอเต๊เห่ หม่าโต่.

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

เปโตร อาเหร่อเล๊อ ต๊าบ่า 2:16

โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

ꤊꤢ꤬ꤜꤢ꤬ꤒꤤ 4:25

ฮู๊เนอเฮ๊อ, โหมะฮาการ์ เออเนอ อา แซ่เฮ๊อ เน๊อ โฉ่ซีนาย เด๊อ อาระเบียเก่ เบ๋อ จอแปแหร่ เด๊อะตา อู เตซว๊าเตแส่โฉ่เนอเตเม เฮ๊อ. โหมะฮาการ์ เร๊อ อาพู๊ เต๊เห่เนอ อา ทวา หลู่เล๊ แซ่เฮ๊อเร๊อ เยรูซาเล็มพู๊ เด๊อ อา ทวา เตซว๊าเตแส่ อาหลู่เล๊ เนอเต๊เห่ เฮ๊อ.

โครินธ์ เนอบ่า ต๊าบ่า 11:17

แว เฮ๊เบ่ถู่เซ๊ กู๊แหน่เออ เนอหม่า แว เฮ๊เบ่ ฮู๊ แบ่เจ่ ซิหยื่อ นอเฮ๊เบ่ แวเนอ หม่าโต่. แว เฮ๊เบ่ ฮู๊ แกแย ตีมุย เตเพร เนอแพ๊.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

ꤊꤢ꤬ꤜꤢ꤬ꤒꤤ 1:7

เก่ เฮ๊แหน่ หม่า เตซิครือมีลา เด๊อ อาโร เนอ อา โอ่ ปา เตอเจ๋อ โต่ เฮ๊อ, หม่าแน๊เรอ แกแย เด๊อ อา เมดู๊ดี๊ดู๊แด ซี ซิปล่อ เร๊อ อา ซิหยื่อ โบเต๊เปล่ โค๊แก ครี๊ อา เตซิครือมีลา เนอ อาโอ่ เต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:25

เตซิครือมีลา หม่า จอแปแหร่ อา เตซว๊าเตแส่ เด๊อ อาเล๊ออาบา เร๊อ อา เมแลเปล๊กา แกแย เด๊อ เตซื๊อเตปล๊า อากู. แกแย เตเพรเพร เด๊อ อา แม๊ปูซิเง ตาเตแร๊ เตซว๊าเตแส่ เออ เร๊อ อา โชตาปาแก เตอิซว๊าอี๊แส่ เออ โต่ เต๊เห่, โท๊โต่ อา หนิดา ครวาเม เตอิซว๊าอี๊แส่ เออเตเพรเนอ, จอแปแหร่ เก่ เด๊อะบุ๊ยเด๊อะเตอเรอ อาเตแร เออเนอ ปา.

ꤜꤢꤨꤊꤢ꤬ 5:38

อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋.