ꤊꤢ꤬ꤜꤢ꤬ꤒꤤ 2:17 - ลีเทส่อพ๊าอาเซ เร๊อ เห่ขุทวาลู๊

¹⁷ “เบ๊อะเป แอ๊จื๊อ แม๊ปู เร๊อ จอแปแหร่ เก่ แด่จ๊อแด่เต เป เด๊อ ครี๊ ขว่าคยา เบ๊อะเนออาเค, อู แม๊เถอะ แพ๊ เป ฮู๊ เป ทวา เพรเมเตซื๊อพู๊ แซ่เน๊อ แกแยยิวพู๊ หม่าโต่ เนอเต๊เห่ แพ๊. เก่ อา ทวาแพ๊ ฮู๊เนอแพ๊ เฮ๊เรอ, ครี๊ หม่า เพร เด๊อ อา นอตือดื๊อ เป เน๊อ เป เบ่ เมเตซื๊อ ฮู๊เนอ แอ? อา นอตือดื๊อ เป ฮู๊เนอ หม่าโต่.

Eastern Kayah Shadaw Dialect

¹⁷ “ꤙꤣꤧ ꤕꤢꤩ꤬ ꤢꤧꤡꤢꤦ ꤗꤢꤧꤕꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤘꤣ ꤋꤚꤤ ꤋꤝꤢ꤬ꤋꤛꤢ꤭ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤗꤢꤧꤓ꤫ꤣꤧ꤬ ꤖꤢꤧ ꤕꤢꤩ꤬ ꤟꤢꤨ ꤕꤢꤩ꤬ ꤓꤝꤢ꤭ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤞꤢꤧꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤊꤢꤩ꤬ ꤢ꤬ ꤓꤝꤢ꤭ꤖꤢꤧ ꤟꤢꤨꤔꤣꤧ꤬ꤖꤢꤧ ꤟꤢꤩꤚꤣꤧ꤬, ꤋꤚꤤ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤏꤝꤢ꤬ ꤕꤢꤩ꤬ ꤔꤢꤧ ꤕꤢꤩ꤬ ꤙꤢꤩ꤬ ꤗꤢꤩ꤬ꤒꤢꤩ꤬ꤞꤢꤦ ꤟꤢꤨꤔꤣꤧ꤬ ꤟꤢꤧ꤭? ꤢ꤬ ꤔꤢꤪ꤭ꤏꤝꤢ꤬ ꤕꤢꤩ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯

ꤊꤢ꤬ꤜꤢ꤬ꤒꤤ 2:17 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

หม่าแน๊เรอ แซ่ฮู๊ ครี๊ เก่ พย๊าจว๊าแก เป เตซื๊อเตปล๊า เต๊เห่ อาเงเนอ, อา แฮแล โทเฮ๊อ เด๊อ เห่ขุ เออเนอหมา ซี ซิเง โทดื่อ เฮ๊อ. โท๊โต่ ซี ซิเงเฮ๊อ เร๊อ เหย่ซู่ครี๊ เออเนอหมา อา เตซื๊อเตปล๊า โอ่เกออู เตอเจ๋อ โต่.

ꤊꤢ꤬ꤜꤢ꤬ꤒꤤ 2:15

แว เฮ๊ แฮเงโป่ คูเปโตร เน๊อ, “เป เร๊อ เป โอ่เป๊เจ่แล ฮู๊ แกแยยิวพู๊ เด๊อ อา ซิเง จอแปแหร่ อา เตซว๊าเตแส่ เออเต๊เห่เน๊อ. เป หม่า อาแซ่เน๊อ แกแยยิวพู๊ หม่าโต่ เด๊อ อา ซิเง เกอ อู เตซว๊าเตแส่ โต่ เนอเต๊เห่ หม่าโต่. โทเรอ แกแย ฮู๊เนอ เต๊เห่ หม่า เป เอ๊ เหย่ซี เร๊อ เพรเมเตซื๊อพู๊.

ꤚꤥꤗꤢꤩ꤬ 11:7

ฮู๊เนอเรอ, อาโหง่แลช๊า หม่า หม่าเฮ๊อ เต เด๊อ อิสราเอลพู๊ แม๊ปู เกอ เร๊อ เออเนอ, อา แม๊เถอะ เกอเร๊อ โต่. ตื๊อแพ๊ แกแย เด๊อ จอแปแหร่ นว๊าแถ่ เหย่ซี เออเต๊เห่ แม๊เถอะ แลแค แพ๊. ล๋อ อา โอ่แก เนอเต๊เห่ หม่า จอแปแหร่ นอ กู่กล๊อเพรอ ลอ แหน่เจ๊อ เหย่ซี เนอเต๊เห่ เฮ๊อ.

ꤟꤤꤙꤚꤢꤨ 8:2

กู๊แหน่เออ อา เมเฮ๊อ เพรหลู่แต กู่กล๊อดุเล๊อเออ อาเตเม, เร๊อ อา เม เฮ๊อ เด๊อ เตเหล่โอ่ บูโพ๊ โต๊โผ่ อากู เฮ๊อ. เหล่สื่อดุ บูโพ๊ หม่าแหน่ เออเนอ อู เม เร๊อ แกแยเห่ขุพู๊ อากู๊ขุ หม่าโต่. แบ่เจ่ ช๊อแถ่หนิ เน๊อ อาเหน่ เร๊อดื่อเจ๊อ.

ꤊꤢ꤬ꤜꤢ꤬ꤒꤤ 3:21

เมฮู๊เนอเรอ เตซว๊าเตแส่ เออเนอ อา เมชู๊แก่ ฉื่อ จอแปแหร่ อา เตอ๊อแล เออเต๊เห่เนอ แอ? อา เมชู๊แก่ ฉื่อ เตอเจ๋อโต่. เมเตเฮ๊เรอ เตซว๊าเตแส่ เออ, อา เก่ เด๊อะโอ่แถ่แจ่ เป เตโอ่เซอเพร อาเซ เก่เฮ๊เรอ จอแปแหร่ แด่จ๊อแด่เต เป เน๊อ เป ครวา จูเอ่เกอ เตซว๊าเตแส่ เออเต๊เห่ อาคยา แพ๊.

ꤊꤢ꤬ꤜꤢ꤬ꤒꤤ 2:11

หม่าแน๊เรอ เบ๊อะคูเปโตร โอ่ เด๊อ วีอันทิโอก เบ๊อะเนออาเค, อา ย๋อ เมโต เตโต่ อาขว่าอาคยา, แว เฮ๊ อา เด๊อ แกแย หยื่อเอ่ ครี๊ เต๊เห่ อา เป๊เส่เง เจ๊อ.

ꤚꤥꤗꤢꤩ꤬ 15:8

เมเตเฮ๊เรอ, แว เฮ๊ ซี เน๊อ ครี๊ แฮแล ทวา เป่เฮ๊อ แกแยยิวพู๊ เต๊เห่ อา หลู่เล๊ เฮ๊อ, เมเตเฮ๊เรอ แซ่ฮู๊ จอแปแหร่ เก่ จ๊อ เร๊อ อาโหง่ เด๊อ อา อ๊อแล โทเฮ๊อ เร๊อ เหย่ซี อาเพออาโพ มู๋ หนู่เค เต๊เห่เนอเรอ ครี๊ แฮแล ทวา ฮู๊เนอ.

ꤚꤥꤗꤢꤩ꤬ 3:6

เก่ เฮ๊ฮู๊เนอหม่า อา โตโต่. จอแปแหร่ เมเตเออ เก่ อา โตโต่ เฮ๊เรอ อา เก่ เมจากาคยา โต แจ่ แกแย ฮู๊เต ปา?

ꤚꤥꤗꤢꤩ꤬ 3:4

อา ตาพูแก เร๊อ ตีกี๋โต่. แกแย ล๋อ ปลี ทวาลอ เจ๊อ แกแย แลโฮแลแห่ เจ๊อ เบ่เบ่, จอแปแหร่ จ๊อ ตื๊อดื่อปา แหน่ เร๊อ อาโหง่ แพ๊. ลีเทส่อพ๊ากู เฮ๊ เนอ, “แกแย เก่ เฮ๊ เน เน๊อ เน เฮ๊เบ่ บ๊อเกเต๋ เบ่เบ่, อาโตอาเบ่ ลอ แพ๊. อู เก่ เน เตซื๊อ เด๊อ เน เม เตโตโต่ บ๊อเกเต๋ เบ่เบ่ เนอ, อู แลจู่แก เน เหล่โอ่ แพ๊.”

มัทธิว 1:21

อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.”

ꤜꤢꤨꤊꤢ꤬ 20:16

อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!”

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.