ꤊꤢ꤬ꤜꤢ꤬ꤒꤤ 2:11 - ลีเทส่อพ๊าอาเซ เร๊อ เห่ขุทวาลู๊

¹¹ หม่าแน๊เรอ เบ๊อะคูเปโตร โอ่ เด๊อ วีอันทิโอก เบ๊อะเนออาเค, อา ย๋อ เมโต เตโต่ อาขว่าอาคยา, แว เฮ๊ อา เด๊อ แกแย หยื่อเอ่ ครี๊ เต๊เห่ อา เป๊เส่เง เจ๊อ.

Eastern Kayah Shadaw Dialect

¹¹ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤜꤢ꤭ ꤗꤢꤩ꤬ꤒꤢꤩ꤬ꤒꤥ꤭ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤟꤢꤩ ꤢ꤬ ꤘꤣ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤡꤣꤧ꤯

ꤊꤢ꤬ꤜꤢ꤬ꤒꤤ 2:11 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 5:20

เหย่ซี เก่ เม เตซื๊อ เก่เฮ๊เรอ, ซิพรวา เหย่ซี เร๊อ อิซว๊า แร๊ กาคยา เหย่ซี เด๊อ แกแย ตูปลูเต๊เผ่ อา เป๊เส่เง เนอ นี๋. แซ่ฮู๊ แกแย เด๊อ อาโร เต๊เห่ เก่ ซิอิเช อาเงเนอ ตูรู๊ เม แลแค ฮู๊เนอ นี๋.

ꤊꤢ꤬ꤜꤢ꤬ꤒꤤ 2:14

เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”

โครินธ์ เนอบ่า ต๊าบ่า 5:16

ฮู๊เนอเรอ กู๊แหน่เออ เป ทวาแถ่ เฮ๊อ เตเต๊อเจ๋อ แพ๊ เน๊อ ครี๊ เฮ๊อ อาขว่าอาคยา, ฮู๊ แกแย เด๊อ อา หยื่อเอ่ ครี๊ โต่ เต๊เห่ แด่ดุ เตโอ่โล เด๊อ อากลอ เต๊เห่เนอ, เป แด่ดุเกอ ปา ฮู๊เนอโต่ เฮ๊อ. เด๊อ เนอเค เป เตเนซื๊อแต่ ครี๊ ฮู๊เนอเฮ๊อ หม่าแน๊เรอ กู๊แหน่เออ เป เตเนซื๊อ ปา อา ฮู๊เนอ โต่ เฮ๊อ.

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

ꤊꤢ꤬ꤜꤢ꤬ꤒꤤ 2:7

แกแย ทวา ทวาดุทวาเต เนอเต๊เห่ เฮ๊เล๊อเฮ๊ตา ลว๊า เร๊อ แว เตเฮ๊โฉ่โด่แน เตอเจ๋อ โต่. อา เฮ๊ เตเปล๋ ปา เจ๊อ แว เนอ, เหย่ซี แม๊เถอะ จอแปแหร่ เด๊อ แว เตเอ่เตแร เด๊อ แว เก่ เลจว๊า แด๊โฉ่โด่แน เป่ อู เร๊อ เตซิครือมีลา เด๊อ แกแยยิวพู๊ หม่าโต่ เต๊เห่ อา โอ่ ฮู๊ อา เด๊อะตา โทเฮ๊อ คูเปโตร เหล่แร หม่าดื่อ เหล่แร เด๊อ อา เบ่ แด๊โฉ่โด่แน เป่ อู เตซิครือมีลา เด๊อ แกแยยิวพู๊ เต๊เห่ อาเกล เนอ เฮ๊อ.

ꤊꤢ꤬ꤜꤢ꤬ꤒꤤ 2:5

หม่าแน๊เรอ แซ่ฮู๊ เตซิครือมีลา อาหม่าอาจ๊อ เออ เก่ โอ่หม่าโอ่กลอ เด๊อ ซีเหน่ลู อาเงเนอเรอ, เป หนิดา เกอ เร๊อ เหย่ซี เตเฮ๊เบ่ ตีกี๊ โต่.

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

มัทธิว 16:23

แบ่เจ่ เหย่ซู่ ตีรี๊ กาคยาโต คูเปโตร เร๊อ อา เฮ๊ ลู เน๊อ, “เก๋อ โลเน๊มู๊แหม่รีแจ่ กู่กล๊อ, เถ่จว๊า ตาพาแก เร๊อ แว, เน หม่า อาแซ่เน๊อ หล่อ เตเม เด๊อ อู เหล่ตอพอเบ่ เตเม เนอแพ๊. เน เหล่เตเน เต๊เห่เนอ อาแซ่เน๊อ แกแยเห่ขุพู๊ อาเหล่เตเน เนอ แพ๊. อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

โครินธ์ เนอบ่า ต๊าบ่า 11:5

ซี ดา เอ๊ เกอเร๊อ เหย่ซี เน๊อ, “เพรโด่แนพู๊ เต๊เห่ ซ๊าร๊าดุ” เนอเต๊เห่เนอ, อา แจ่ แถ่โลเล๊อแหน่ เร๊อ แว โต่.

เพรโด่แนพู๊ เต๊เห่ 11:19

เด๊อ อู เมเซอ คูสเทเฟน อาขว่าอาคยา, เป๊อแถ่ เบ๊อะเนอเรอ อู เมจาเมจือ แกแย เด๊อ อา หยื่อเอ่แลแค เหย่ซู่ เต๊เห่ ฮู๊เนอเรอ เหย่ซี ลูโพร๊ลูแพร จว๊า ลอปลี. เต๊เห่เห่เนอ อา จว๊าโต่ เด๊อ ฟีนิเซียเก่, ไซปรัสกลื๊อขุ เร๊อ วีอันทิโอก. เหย่ซี แด๊โฉ่โด่แน เป่ ตื๊อแพ๊ แกแยยิวพู๊ ซี เต๊เห่เนอ เร๊อ จอแปแหร่ อาลาอาโหง่ แพ๊.

ꤛꤥ꤭ꤟꤢ꤬ 1:42

เออโตโพ๊เรอ อา ซูจว๊า คูซีโมน เด๊อ เหย่ซู่ อา โอ่. เหย่ซู่ แม๊ ลู เร๊อ อา เฮ๊ ลู เน๊อ, “เน หม่า เพยอห์น อาพู๊คู คูซีโมน. อู เก่ เอ๊ เนมุย เร๊อ คูเคฟาส ปา,” (คูเคฟาส อาโหง่แลช๊า หม่า คูเปโตร)

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 11:22

เตหรี่เตแก เออ โลจว๊าโต่ เด๊อ วีเยรูซาเล็ม เพรหยื่อเอ่ตู๊หมู่ตอกล๊อ อา โอ่ อาขว่าอาคยา, เหย่ซี ซูจว๊า คูบารนาบัส เด๊อ วีอันทิโอก.

เพรโด่แนพู๊ เต๊เห่ 11:27

เบ๊อะเนอเค, เพรโพร เต๊เห่ โอ่ เด๊อ วีเยรูซาเล็ม เร๊อ อา แฮ เด๊อ วีอันทิโอก.

เพรโด่แนพู๊ เต๊เห่ 15:5

หม่าแน๊เรอ ฟาริสี ตู๊หมู่ตอกล๊อ เด๊อ อา หยื่อเอ่แลแค เต อาเกล เต๊เห่ ก๊อถ่อ เฮ๊ เน๊อ, “แกแยยิวพู๊ หม่าโต่ เต๊เห่เนอ อา โตเบ่ ดื๊อตีลี๊ เกอ พ๊า, โทเรอ อู โตเบ่ เฮ๊ เต่อเป่เกอ เหย่ซี เร๊อ เหย่ซี โตเบ่ โครครวาเมเกอ คูโมเสส อา เตซว๊าเตแส่ เต๊เห่.”

ꤊꤢ꤬ꤜꤢ꤬ꤒꤤ 1:18

โซหน่า โทเรอ แว แถ่ เด๊อ วีเยรูซาเล็ม. แซ่ฮู๊ แว เก่ จว๊าโอ่เล แบ๊ซว๊า ซิเงเกอ เร๊อ เปโตร เร๊อ แว จว๊า แพ๊. เร๊อ แว จว๊า โอ่เกอ เร๊อ อา เบ๊อะเนอ เช๊อแงเนอ แพ๊.