เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.
ꤊꤢ꤬ꤜꤢ꤬ꤒꤤ 1:6 - ลีเทส่อพ๊าอาเซ เร๊อ เห่ขุทวาลู๊6 เด๊อ ซีขว่าซีคยา เร๊อ แว คย๊ายื๊อ แหน่เจ๊อ, เมเตเฮ๊เรอ, อางย๋า เร๊อ อางยา แต่ล๋ายโต่ เร๊อ, ซี แด่แกคยา จอแปแหร่ เด๊อ อา เอ๊ ซี เร๊อ ครี๊ อาบุ๊ยอาเตอเรอ เออเตเพร. เร๊อ ซี พย๊าฉื่อ เตอิซว๊าอี๊แส่ อาโร เต๊อเจ่อ เด๊อ ซี เตเน เร๊อ เตซิครือมีลา เออเนอ. အခန်းကိုကြည့်ပါ။Eastern Kayah Shadaw Dialect6 ꤘꤣ ꤞꤤ꤭ꤋꤝꤢ꤬ꤞꤤ꤭ꤋꤛꤢ꤭ ꤚꤣꤧ꤬ ꤠꤢꤧ꤭ ꤋꤛꤢꤛꤢꤦ ꤔꤢꤧ꤬ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤢ꤬ꤑꤢ꤭꤮ ꤚꤣꤧ꤬ ꤢ꤬ꤑꤢ꤭ ꤒꤢꤧ꤬ꤜꤢ꤭ꤟꤤꤒꤥ꤬ ꤚꤣꤧ꤬, ꤞꤤ꤭ ꤘꤢꤧ꤬ꤊꤢꤧ꤭ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤢꤩ ꤞꤤ꤭ ꤔꤢꤧ ꤋꤚꤤ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤞꤤ꤭ ꤖꤛꤢꤏꤢꤦ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤚꤥ꤬ ꤒꤣ꤬ꤡꤣ꤬ ꤘꤣ ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬꤯ အခန်းကိုကြည့်ပါ။ |
ꤊꤢ꤬ꤜꤢ꤬ꤒꤤ 1:6
33 ပူးပေါင်းရင်းမြစ်များ
เบ๊อะแว เถ่จว๊าแก เด๊อ มาซิโดเนียเก่ เบ๊อะเนอ, ฮู๊ แว นอโอ่ ตื๊อดื่อ โทเฮ๊อ เน เบ๊อะวีเอเฟซัส อากูเนอ, เร๊อ โอ่ ตื๊อดื่อ แฮเงโป่ โก๊หลื่อ เบ๊อะเนอ นี๋. แกแย โอ่ เบ๊อะเนอเต๊เห่ ย๋อ อิซว๊าอี๊แส่ อู เตอิซว๊าอี๊แส่ เด๊อ อาโร เร๊อ อาซื๊อ เต๊เห่ อาขว่าอาคยา, เน เบ่ เฮ๊ตาชอ เนโหง่ เน๊อ นอโอ่โก๊แก เหย่ซี อาเตอิซว๊าอี๊แส่ เนอเต๊เห่.
แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.
เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.
โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.
แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.
จอแปแหร่ เด๊อะโลแถ่ แว เนอ แว โตเบ่ จว๊า เบ๊อะเนอ อาขว่าอาคยาเร๊อ, แว จว๊า แพ๊. เบ๊อะแว โอ่ เบ๊อะเนอ อาเค, แว แม๊เถอะโห่หนิ เร๊อ แกแย เด๊อ อู แด่ เหย่ซี เร๊อ เพรหยื่อเอ่ตู๊หมู่ตอกล๊อ ทวาดุทวาเต เต๊เห่ เร๊อ แว เฮ๊โฉ่โปลหนิ เป่ เหย่ซี เร๊อ เตซิครือมีลา ฮู๊ แว แด๊โฉ่โด่แน เป่ อู ปว๋า โพ๊ เด๊อ แกแยยิวพู๊ หม่าโต่ เต๊เห่ อาเกล เนอแพ๊. แว เตเฮ๊โฉ่โด่แน เด๊อ อา ตาลว๊าแก โทเนอ เต๊เห่ เบ่เบ่, กู๊แหน่เออ เต๊เห่เนอ เบ่เบ่, แว ซิหยื่อ นอทวาแถ่ แกเด โต่.
แกแย ทวา ทวาดุทวาเต เนอเต๊เห่ เฮ๊เล๊อเฮ๊ตา ลว๊า เร๊อ แว เตเฮ๊โฉ่โด่แน เตอเจ๋อ โต่. อา เฮ๊ เตเปล๋ ปา เจ๊อ แว เนอ, เหย่ซี แม๊เถอะ จอแปแหร่ เด๊อ แว เตเอ่เตแร เด๊อ แว เก่ เลจว๊า แด๊โฉ่โด่แน เป่ อู เร๊อ เตซิครือมีลา เด๊อ แกแยยิวพู๊ หม่าโต่ เต๊เห่ อา โอ่ ฮู๊ อา เด๊อะตา โทเฮ๊อ คูเปโตร เหล่แร หม่าดื่อ เหล่แร เด๊อ อา เบ่ แด๊โฉ่โด่แน เป่ อู เตซิครือมีลา เด๊อ แกแยยิวพู๊ เต๊เห่ อาเกล เนอ เฮ๊อ.
เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”
ကြော်ငြာတွေ