ꤊꤢ꤬ꤜꤢ꤬ꤒꤤ 1:24 - ลีเทส่อพ๊าอาเซ เร๊อ เห่ขุทวาลู๊

²⁴ เด๊อ แวขว่าแวคยา, เร๊อ เหย่ซี ถู่เซ๊แถ่ แลแค เฮ๊อ จอแปแหร่ เฮ๊อ.

Eastern Kayah Shadaw Dialect

²⁴ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 1:24 ပူးပေါင်းရင်းမြစ်များ

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

มัทธิว 9:8

จอแปแหร่ เด๊อะตาเป่แกแย อา เตอเรอฉว่าชอ ฮู๊เออ อาขว่าอาคยา, เบ๊อะแกแย เบ๊หมู่ แม๊เถอะ เตเมอาเหน่ ฮู๊เนอ เบ๊อะเนอ, เหย่ซี ซิอิเช ซิแหน่ซิเตเร แลแค จอแปแหร่ เร๊อ ถู่เซ๊แถ่ แลแค จอแปแหร่.

เธสะโลนิกา เนอบ่า ต๊าบ่า 1:12

เป กุยจ๊อเบ ฮู๊เออ เนอหม่า แซ่ฮู๊ เป แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ ซี โอ่ เร๊อ อาเก่ ถู่เซ๊แถ่หนิซี ปา. เด๊อ เป จอแปแหร่ เร๊อ เป แบ่เจ่ เหย่ซู่ครี๊ อาบุ๊ยอาเตอเรอ อาขว่าอาคยาเร๊อ, อา เก่ ทวาแถ่ ดื่อ ฮู๊เออ ปา นี๋.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

โครินธ์ เนอบ่า ต๊าบ่า 9:13

ซี เตเมจว่า เออเนอ อา ข่าเด๊อะโล เน๊อ ซี หยื่อเอ่ หม่าแหน่ แบ่เจ่ เหย่ซู่ เฮ๊อ. เด๊อ ซี ย๋อ หยื่อเอ่ ครวาเมเกอ ฮู๊ ครี๊ อา เตซิครือมีลา เฮ๊เนอ อาขว่าอาคยา, อู เก่ ถู่เซ๊แถ่ เอ๊แหน่เจ๊อ จอแปแหร่ ปา. เมเตเฮ๊เรอ เด๊อ ซี ซิปล่อฉว่า เมจว่า เป่ เหย่ซี เร๊อ อู ปว๋า เตเพร อาขว่าอาคยา, แกแย เก่ ถู่เซ๊แถ่ โร๊ลา จอแปแหร่ ฮู๊เนอ ปา.

ꤜꤢꤨꤊꤢ꤬ 7:16

แกแย เบ๊หมู่ เออเต๊เห่ คย๊าอายื๊อ ลอปลี เจ๊อ เร๊อ ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เพรโพรดุ โอ่โลแถ่ เฮ๊อ เด๊อ เปเกล เตเพร เฮ๊อ” เร๊อ “จอแปแหร่ แฮแล เมจว่า เฮ๊อ อาแกแย เฮ๊อ.”

ꤗꤢ꤬ꤊꤢꤨ 2:12

เร๊อ โตโพ๊โต อา ก๊อถ่อ ถู่ลูหนิ อา เหล่เมอเด๊เนอ เร๊อ อา เถ่จว๊า เด๊อ แกแย ล๋อ ปลี อา เป๊เส่เง แกแย ปว๋า เตเพร อาคย๊าอายื๊อ ลอปลี เร๊อ ถู่เซ๊แถ่ แลแค จอแปแหร่. เร๊อ เหย่ซี เฮ๊ แลแค เน๊อ, “เตเมอาเหน่ ฮู๊เออเนอ, เป แม๊เถอะน๊อ แตแค๋ โต่,” อา เฮ๊ แลแค ฮู๊เนอ.