ꤊꤢ꤬ꤜꤢ꤬ꤒꤤ 1:16 - ลีเทส่อพ๊าอาเซ เร๊อ เห่ขุทวาลู๊

¹⁶ แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

Eastern Kayah Shadaw Dialect

¹⁶ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭꤯ ꤙꤣꤧꤔꤣꤧ꤬ꤋꤢꤩ꤭, ꤠꤢꤧ꤭ ꤊꤝꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤘꤣꤧꤞꤤꤑꤢꤩ꤭ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤡꤝ꤫ꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤊꤢ꤬ꤜꤢ꤬ꤒꤤ 1:16 ပူးပေါင်းရင်းမြစ်များ

มัทธิว 16:17

เร๊อ แบ่เจ่ เหย่ซู่ เฮ๊ฉื่อ ลู เน๊อ, “เพโยนาห์ อาพู๊, คูซีโมน, จอแปแหร่ เด๊อะบุ๊ยเด๊อะเตอเรอ เฮ๊อ เน, เมเตเฮ๊เรอ เออ หม่า แกแยเห่ขุพู๊ เด๊อะซิเง แถ่โล เน หม่าโต่, หม่าดื่อ เพ จอแปแหร่ เด๊อ ม๊อขุ เตเพร เด๊อะซิเง แถ่โล เน แพ๊.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

มัทธิว 26:41

แซ่ฮู๊ ซี เก่ จว๊าโน เต่อเกอ แต่ เด๊อ อิลออี๊โหล่ อากู แต่เหม่เนอ, ส่าเซ เร๊อ กุยจ๊อเบ แลแค นี๋. ซี ซิหยื่อ เมเกอแหน่ เจ๊อ ตื๊อดื่อเรอ ซี เหน่กล่อ เออเนอ อา อ๊าเจ่เหร่เจ่ แหน่เจ๊อ.”

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอ เตเมแลเปล๊กา อาเงเนอเรอ, เป แด๊โฉ่โด่แน โล เป่เกอ เฮ๊อ เหย่ซี เร๊อ เตซิครือมีลา เฮ๊อ. เบ๊อะเนออาเค แกแยยิวพู๊ เต๊เห่ เมดู๊แด ตาตือ เป. ฮู๊เนอเร๊อ เหย่ซี เมเต เต๊เห่เนอ, อา แด่บาแถ่โจโม เกอเร๊อ ลอปลี เจ๊อ อา เตซื๊อเตโอ่หร่า เนอเต๊เห่ โต่ เจ๊อเด๊อ เหล่แด่แถ่ อาเหล่โอ่ โอ่ปา เจ๊อโต่ เฮ๊อ. กู๊แหน่เออ จอแปแหร่ อา เตซิปล่อดุ อา เตเมจากาคยา เด๊อ คยาเล๊อ เออเนอ อา เก่ แฮโต่เฮ๊อ เด๊อ เหย่ซี โอ่ เฮ๊อ.

ꤊꤢ꤬ꤜꤢ꤬ꤒꤤ 2:1

เด๊อ คยา เช๊อลุยหน่า โทเนอ แว เร๊อ คูบารนาบัส กาคยา คยาแซ๊ เด๊อ วีเยรูซาเล็ม เร๊อ แว เอ๊กาหนิ เต่อเกอโป่ เร๊อ คูติตัส.

โครินธ์ เนอบ่า ต๊าบ่า 5:16

ฮู๊เนอเรอ กู๊แหน่เออ เป ทวาแถ่ เฮ๊อ เตเต๊อเจ๋อ แพ๊ เน๊อ ครี๊ เฮ๊อ อาขว่าอาคยา, ฮู๊ แกแย เด๊อ อา หยื่อเอ่ ครี๊ โต่ เต๊เห่ แด่ดุ เตโอ่โล เด๊อ อากลอ เต๊เห่เนอ, เป แด่ดุเกอ ปา ฮู๊เนอโต่ เฮ๊อ. เด๊อ เนอเค เป เตเนซื๊อแต่ ครี๊ ฮู๊เนอเฮ๊อ หม่าแน๊เรอ กู๊แหน่เออ เป เตเนซื๊อ ปา อา ฮู๊เนอ โต่ เฮ๊อ.

โครินธ์ อาเหร่อเล๊อ ต๊าบ่า 15:50

โคแบ๊ซว๊า ซี๋, กู๊แหน่เออ แว ซิหยื่อ เฮ๊ เป่ ซี เร๊อ เปเหน่กล่อ พ๊าหย่า เด๊อ อา โอ่ เร๊อ สุ่ย เร๊อ เทอ เออเนอ อา จว๊าโน โอ่เซอเพรแจ่ เด๊อ จอแปแหร่ อาเทออาเก่ โต่. เมเตเฮ๊เรอ เปเหน่กล่อ เด๊อ อาซออาปย๊าแก แจ่ ตูจูเพร เออเนอ, อา โอ่เซอเพร ข่า งยาเบ๊ ตูจูเพร โต่.

เพรโด่แนพู๊ เต๊เห่ 5:42

เร๊อ เด๊อคยาเนอ, เหย่ซี โอ่โก๊แก โต่. เด๊อ เตหลู่แตโฮ อากูเนอ เบ่เบ่, เด๊อ อูหี่อูแพ อากูเนอ เบ่เบ่, ปวาเนอเน๋อ เหย่ซี อิซว๊าอี๊แส่ แฮเง เป่ อู, เหย่ซี แด๊โฉ่โด่แน แฮเง โล เป่ โป่ อู เร๊อ เตซิครือซิลอมีลา อาหรี่อาแก. เตซิครือซิลอมีลา หม่า หม่าเฮ๊อ เหย่ซู่ หม่า แกแย เด๊อ อา เมแลเปล๊กา แกแย เห่ขุพู๊ ลอปลี เตเพร เฮ๊อ.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.