ꤊꤢ꤬ꤜꤢ꤬ꤒꤤ 1:13 - ลีเทส่อพ๊าอาเซ เร๊อ เห่ขุทวาลู๊

¹³ เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ.

Eastern Kayah Shadaw Dialect

¹³ ꤙꤣꤧ ꤠꤢꤧ꤭ ꤜꤢꤦ꤬ꤋꤚꤝꤢ꤭ꤊꤣꤧ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨꤒꤢꤩ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤓꤥ꤭ꤘꤢꤦ꤬ꤟꤣꤧ꤯ ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬, ꤚꤣꤧ꤬ ꤠꤢꤧ꤭ ꤢꤧꤡꤢꤦ ꤗꤢꤧꤕꤢꤨ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤡꤣꤧ ꤛꤢꤩ꤬ꤞꤤ꤭ ꤡꤣꤧ꤯

ꤊꤢ꤬ꤜꤢ꤬ꤒꤤ 1:13 ပူးပေါင်းရင်းမြစ်များ

เพรโด่แนพู๊ เต๊เห่ 8:3

คูเซาโล เฮ๊เออ เตเพรเนอ อา เมปย๊า เมหลู่แก ครี๊ อา เพร หยื่อเอ่เต ตู๊หมู่ตอกล๊อ เต๊เห่. อา จว๊าแถ่ โน เด๊อ หี่เตเม โท เตเม อากู, เร๊อ อา จว๊าจุ่ย ตู๊หรู่เถ่ เพรเหมาะหม่อ, เพรคูคู เด๊อ อา หยื่อเอ่แหน่เอ่รี เต๊เห่ เร๊อ ด๊อโน เหย่ซี เด๊อ ทอกู.

โครินธ์ อาเหร่อเล๊อ ต๊าบ่า 15:9

เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.

เพรโด่แนพู๊ เต๊เห่ 9:26

คูเซาโล กา เด๊อ วีเยรูซาเล็ม เร๊อ อา แอ๊จื๊อ แบ๊ซว๊าแบ๊โค อาเหน่ เร๊อ เพรหยื่อเอ่ เต๊เห่ ตื๊อดื่อเรอ เหย่ซี ซิอิเช ลอปลี ลูเหล่. อา ทวา เฮ๊อ เพรหยื่อเอ่แหน่เอ่เกอ เตเพร เฮ๊อ ตื๊อดื่อเรอ เหย่ซี หยื่อเอ่ ลู โต่.

เพรโด่แนพู๊ เต๊เห่ 9:21

ล๋อ แกแย เด๊อ อา หนิโฮ ลู เฮ๊เบ่ เต๊เห่เนอ, อา เถ่ตาปา ลอปลี เหย่ซี เร๊อ อา เฮ๊ แลแค เน๊อ, “อา หม่า แกแย เด๊อ อา จว๊าลือ เมเซอ แกแย เด๊อ อา จ๊อเบ เหย่ซู่ เด๊อ วีเยรูซาเล็ม อากู เนอเต๊เห่ เตเพร หม่าโต่ แอ? อา แฮ เบ๊อะเออ เร๊อ อา เก่ แฮปื่อ แกแย เพรหยื่อเอ่ เต๊เห่ เร๊อ อา เตเร ซูกา อู เด๊อ เพรหลู่แต ทวาดุทวาเต เต๊เห่ อา โอ่, แวเฮ๊โต่?”

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ฟีลิปปี 3:6

เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.

เพรโด่แนพู๊ เต๊เห่ 8:1

อู เมเซอ คูสเทเฟน เออเนอ, คูเซาโล โนกู แซ่เกอ อาซิปล่อ เร๊อ เพรเมเซอ คูสเทเฟน เนอเต๊เห่ เร๊อ อา ครวาอ๊อแล แซ่เกอ ฮู๊เนอ. เป๊อแถ่ เบ๊อะเนอ เตอ เนอ ตาเป่แฮ เร๊อ แกแย เด๊อ อา โอ่ เด๊อ วีเยรูซาเล็ม อากู เร๊อ อา หยื่อเอ่แลแค เหย่ซู่ เต๊เห่เนอ, อา เมจาเมจือ แหน่เจ๊อ เหย่ ซี เจ๊อ. แกแย เด๊อ อา โอ่แก เด๊อ วีเยรูซาเล็ม อากู เต๊เห่ เนอหม่า, ตื๊อแพ๊ เพรโด่แนพู๊ เต๊เห่ แพ๊. เร๊อ ล๋อ แกแย เด๊อ อา หยื่อเอ่แหน่เอ่รี เต๊เห่เนอ, อา เถ่แกล่ จว๊าโพร๊จว๊าแพร ลอปลี เด๊อ ยูดาห์เก่ เร๊อ สะมาเรียเก่.

โครินธ์ อาเหร่อเล๊อ ต๊าบ่า 10:32

เด๊อ แกแยยิวพู๊ เต๊เห่ อาเง เบ่เบ่, แกแยยิวพู๊ หม่าโต่ เต๊เห่ อาเง เบ่เบ่, จอแปแหร่ อา เพรหยื่อเอ่เต ตู๊หมู่ตอกล๊อ เต๊เห่ เบ่เบ่, ซี เม เต อิเตเต๋ เนอ นอทวาแถ่ แต่ เตแลคื๊อแลลอ เด๊อ เหย่ซี อาเง แต่เหม่.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.