เอเฟซัส 6:5 - ลีเทส่อพ๊าอาเซ เร๊อ เห่ขุทวาลู๊

⁵ หลู่ ซี๋, หนิดา แลแค ซี เห่ขุ แบ่เจ่ เออเต๊เห่ อาโหง่ นี๋. ชิอิเช เหย่ซี เร๊อ เบ่เบ่หยื่อเบ่แหน่ เหย่ซี นี๋. ฮู๋ ซี หนิดา ครี๊ อาโหง่ เนอ, หนิดา ซิกอล๊อแกแน เหย่ซี อาโหง่ นี๋.

Eastern Kayah Shadaw Dialect

⁵ ꤡ꤫ꤢꤦ꤬ꤞꤤ꤭, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤞꤤ꤭ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤙꤢꤧ꤬ꤡꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ ꤔꤤ꤮꤯ ꤞꤤꤤ꤬ꤏꤢꤩ꤭ ꤛꤢꤩ꤬ꤞꤤ꤭ ꤚꤣꤧ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤛꤢꤩ꤬ꤞꤤ꤭ ꤔꤤ꤮꤯ ꤟꤢꤨ꤮ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤤ ꤢ꤬ꤍ꤫ꤥ꤬ ꤔꤣꤧ꤬, ꤔ꤫ꤤ꤬ꤘꤢ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤛꤢꤩ꤬ꤞꤤ꤭ ꤢ꤬ꤍ꤫ꤥ꤬ ꤔꤤ꤮꤯

เอเฟซัส 6:5 ပူးပေါင်းရင်းမြစ်များ

เอเฟซัส 5:22

เมซี๋, ฮู๊ ซี จูเอ่ แบ่เจ่ อาโหง่ เนอ, จูเอ่ เกอ ซี เวเต๊เห่ อาโหง่ นี๋.

เปโตร อาเหร่อเล๊อ ต๊าบ่า 3:2

เด๊อ เหย่ซี แม๊เถอะ ซี เตโอ่เซอเพร จ๊อจื้อ เต๊เห่ เร๊อ ซี เตแด่หยื่อแด่แหน่ จอแปแหร่ เต๊เห่ อาขว่าอาคยาเร๊อ, อา เก่ กาทวา เกอดื่อ เพรหยื่อเอ่ เออปา.

ฟีเลโมน 1:16

เร๊อ เน พย๊าหนิ กาคยา คยาแซ๊ คูโอเนสิมัส เออเนอหมา อา หม่าปา ฮู๊ หลู่เล๊ เตเพร โต่, อาแร๊ เล๊อ เจ๊อ เร๊อ หลู่เล๊, อา ทวา เจ๊อ เฮ๊อ ฮู๋ ครี๊อาขว่าอาคยา, เร๊อโป่แหว่ ลู เตเพร เนอเจ๊อ เฮ๊อ. อา หม่า อาแซ่เน๊อ โป่แหว่ เด๊อ แว โมหนิเร๊อ ลู ตื๊อดื่อเรอ เน เก่ โมเล๊อ เจ๊อ ลู เร๊อ แว ปา, เมเตเฮ๊เรอ เน พย๊าหนิ กาคยา คยาแซ๊ อา ฮู๊ หลู่เล๊ เตเพร เร๊อ เด๊อ ครี๊อาขว่าอาคยา, เร๊อ โป่แหว่ ลู เนอเจ่อ ลอเฮ๊อ.

ฟีลิปปี 2:12

ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

มัทธิว 8:9

หม่าเมเตเร๊อ แว เฮ๊ ฮู๊เออ เฮ๊เนอเรอ แว แหน่แบ่เจ่ แว เบ่ หนิดา แกแย เด๊อ อาดุเล๊อ เน๊อ แว เต๊เห่ อาโหง่. ฮู๊เนอ เกลอฮู๊ เด๊อ อาโอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพร เพร เน๊อ, ‘จว๊ามอ,’ เฮ๊เนอหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮมอ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่ เน๊อ, ‘เมมอเออ,’ เฮ๊เนอหม่า อา เบ่ เม แพ๊.”

มัทธิว 6:24

“อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

เห่ขุทวาลู่ 16:9

เร๊อ จอแปแหร่ ตูจูเพร อาเตเน่วม๊อขุพู๊ เฮ๊ กาคยาฉื่อ ลู เน๊อ, “กาคยา ทวา คยาแซ๊ มอ ลูหลู่ เนอ.”

เอเฟซัส 6:24

จอแปแหร่ เก่ เด๊อะโล เป่ดื่อ อาบุ๊ยอาเตอเรอ เร๊อ แกแย เด๊อ อา โม แบ่เจ่ เหย่ซู่ครี๊ เนอเต๊เห่ เร๊อ อาเตโม เด๊อ อาตื๊อดื่อ แจ่โต่ เออเนอ นี๋.

โครินธ์ เนอบ่า ต๊าบ่า 7:15

ฮู๊เนอเรอ, เบ๊อะอา ซิเหน่แถ่ โต่เบ่ คยาแซ๊ ซี โอ่ ตี๊หรี่แตแร หนื่ออื่อ ซีเหน่ เร๊อ ซี หนิดา อา เตอิซว๊าอี๊แส่ โท๊โต่ ซี เอ๊โมฉื่อ ลู เร๊อ เตซิอิเช, แตแนตากยา เจ๊อ เบ๊อะเนอ, อา ลื๋อ โมแฮ ฉว่าเล๊อ โป่ เจ๊อ ซี เจ๊อ.

โครินธ์ อาเหร่อเล๊อ ต๊าบ่า 2:3

เบ๊อะแว แฮ เกอ เด๊อ ซี โอ่ เบ๊อะเนอ โตโพ๊ เบ๊อะเนอ, แว ซิเง เกอเร๊อ แว เตอ๊าเจ่เหร่เจ่ เร๊อ แว ซิอิเช แตแนตากยา เจ๊อ.

เพรโด่แนพู๊ เต๊เห่ 2:46

เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู.

มัทธิว 6:22

“เป๊เส่ปล่อ อาแซ่เน๊อ หมิเคว๊กอ เตเม เด๊อ อาเหน่กล่อ อาเงเฮ๊อ, ซี เป๊เส่ปล่อ เก่ ลี เช๊อแร๊ เฮ๊เรอ, ซี เหน่กล่อ ชีเพร ลอ เก่ โล ลีโพ๊ แร๊เล๊อ ปา.

ꤚꤥꤗꤢꤩ꤬ 9:3

เมเตเฮ๊เรอ, เด๊อ แว โป่แหว่ แกแยยิวพู๊, หม่าเฮ๊อ แวเมวเจอะ เร๊อดื่อ, แวสุ่ยแวเทอ เร๊อดื่อ เออเต๊เห่ อาเงเนอ, จอแปแหร่ เก่ อิชอ ฮามู๊แหม่แก เด๊อ แวเออ หม่า อาหนิ แพ๊. โท๊โต่ จอแปแหร่ เก่ ปาตือ แว เร๊อ ครี๊ เร๊อ เหย่ซี เก่ หนิ เตเมแลเปล๊กา ปา เก่เฮ๊เรอ อา ปาตือแก แว หม่า อาหนิ แพ๊. แว ซิหยื่อ ข่าเป่ แหน่เจ๊อ เด๊อ เหย่ซีเง เจ๊อ.