เอเฟซัส 6:18 - ลีเทส่อพ๊าอาเซ เร๊อ เห่ขุทวาลู๊

¹⁸ กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

Eastern Kayah Shadaw Dialect

¹⁸ ꤊꤝꤤ꤭ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤊꤝꤤ꤭ꤞꤤꤛꤢꤪ꤬ ꤚꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤔꤤ꤮꤯ ꤊꤝꤤ꤭ꤡꤢꤪꤙꤢꤩ꤭ ꤜꤢ꤭ꤋꤢꤧ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤞꤤ꤭ ꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯ ꤚꤣꤧ꤬ ꤙꤣꤧ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ ꤟꤢꤨꤔꤣꤧ꤬ ꤢ꤬ꤋꤢꤩ꤭, ꤥ꤬ꤞꤢ꤬ꤞꤢꤩ꤭ ꤚꤣꤧ꤬ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤊꤝꤤ꤭ꤡꤢꤪꤙꤢꤩ꤭ ꤔ꤫ꤤ꤬ꤕ꤫ꤢꤩ꤬ꤜꤢꤪ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯

เอเฟซัส 6:18 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:17

กุยจ๊อเบ แลแค ปว๋า โตโพ๊ นี๋.

โคโลสี 4:2

กุยจ๊อเบ ฉาเผร่ แลแค จอแปแหร่ เร๊อ ซิเหน่ กุยจ๊อเบแถ่ ครือครือ อา นี๋. โอ่ส่าเซ แลแค, เร๊อ โอ่ แลแค เน๊อ เตเฮ๊บุ๊ยเฮ๊เตอเรอ แถ่ อา นี๋.

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

ทิโมธี อาเหร่อเล๊อ ต๊าบ่า 2:1

เด๊อ เตล๋อ ปลี อาเกลเนอ เตเด๊อ อา โหล่ดุเล๊อ เด๊อ แว ซิหยื่อ เด๊อะอ๊าเด๊อะเหร่ ซี เนอหม่า หม่าเฮ๊อ ซี เก่ กุยจ๊อเบ เป่ เด๊อ อูเง ปว๋า เตเพร. เร๊อ กุยหนิ เป่ เกอ อูโร อาเตโหล่ เต๊เห่, โทเรอ เฮ๊บุ๊ยเฮ๊เตอเรอแถ่ เป่ จอแปแหร่ เด๊อ แกแย ล๋อ ปลี อาเง.

ꤛꤢꤨꤘꤢ꤬ 1:20

หม่าแน๊เรอ แว โคแบ๊ซว๊า ซี๋, ซี เบ่ ช๊อแถ่ แฮเงโป่ แลแค ซี เตโอ่เซอเพร เออเนอ เด๊อ ซี เตหยื่อเตแหน่ บูโพ๊ เด๊อ อาชออาแตแนแร๊ เออเนอ อาลู. เร๊อ เบ๊อะซี กุยจ๊อเบ เบ๊อะเนอ, ซิเลเกอเร๊อ แลแค แหย่โยบูโพ๊ แบ่เจ่ ยูแกล๊ยูโกล หนิ ซี เนอเต๊เห่ นี๋.

ꤗꤢ꤬ꤊꤢꤨ 14:38

อา เฮ๊ แลแค เหย่ซี เน๊อ, “แซ่ฮู๊ ซี เก่ จว๊าโน เต่อเกอ แต่ เด๊อ เตอิลออี๊โหล่ อากู แต่เหม่เนอ, ส่าเซ เร๊อ กุยจ๊อเบ แลแค นี๋. ซี ซิปล่อฉว่าชอ แหน่เจ๊อ เตเด๊อ อาโต หม่าแน๊เรอ ซี เหน่กล่อ เออเนอ อา อ๊าอาเหร่ เจ่ แหน่เจ๊อ.”

ꤜꤢꤨꤊꤢ꤬ 21:36

แซ่ฮู๊ ซี เก่ แลเปล๊ แร๊แร๊แจ่ เน๊อ เต เตเร ทวาแถ่ เออเต๊เห่ ปา. โท๊โต่ แซ่ฮู๊ ซี เก่ ก๊อถ่อ เด๊อ แกแยพู๊คู หม่าเฮ๊อ แวเออ เป๊เส่เง ปา เนอเรอ, ส่าเซ เร๊อ กุยจ๊อเบ แลแค ปว๋า โตโพ นี๋.”

มัทธิว 26:41

แซ่ฮู๊ ซี เก่ จว๊าโน เต่อเกอ แต่ เด๊อ อิลออี๊โหล่ อากู แต่เหม่เนอ, ส่าเซ เร๊อ กุยจ๊อเบ แลแค นี๋. ซี ซิหยื่อ เมเกอแหน่ เจ๊อ ตื๊อดื่อเรอ ซี เหน่กล่อ เออเนอ อา อ๊าเจ่เหร่เจ่ แหน่เจ๊อ.”

เอเฟซัส 1:16

แว เฮ๊บุ๊ยเฮ๊เตอเรอ จอแปแหร่ เด๊อ ซิเงเนอ, อา แลตือเป่ปา เจ๊อ โตโพ๊ โต่. แว กุยจ๊อเบ บ๊อเกเต๊ เบ่เบ่เนอ, แว ซิเงแถ่เบ่ โต่ ซี.

ꤚꤥꤗꤢꤩ꤬ 12:12

ซี เตแม๊ชือ เด๊อ จอแปแหร่ ตี๊หรี่แตแร เป่ ซีเง เออเต๊เห่เนอ, ซิครือซิลอ แลแค นี๋. เบ๊อะเตแป่เตเช แฮเบ่ ซี เบ๊อะเนอ, แด่ทูซิปล่อ แลแค, กุยจ๊อเบ แลแค ปว๋า โพ๊ นี๋.

ꤗꤢ꤬ꤊꤢꤨ 13:33

โอ่เต๊หรี่แตแร แลแค ซีเหน่, รอหนิ แลแค ซีเหน่ นี๋, เมเตเฮ๊เรอ อา เก่ ทวาแถ่ เนอปา บ๊อเกเต๊ เนอ ซี ซิเง โต่.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เพรโด่แนพู๊ เต๊เห่ 1:14

เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

ꤜꤢꤨꤊꤢ꤬ 22:46

เหย่ซู่ เฮ๊ เหย่ซี เน๊อ, “ซี โอ่เมอ ตาปา ลอ แลแค ฮู๊เต? แซ่ฮู๊ ซี เก่ จว๊า ตาโน แต่ เด๊อ เตอิลออี๊โหล่ อากู แต่เหม่ เร๊อ ก๊อถ่อกุยจ๊อเบ ลอ มอ แลแค.”

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ทิโมธี เนอบ่า ต๊าบ่า 1:3

แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

ฟีลิปปี 1:4

แว กุยจ๊อเบ เป่ เด๊อ ซีเง เบ๊อะเคเต๋ เบ่เบ่ เนอ, แว ซิครือซิลอ ปว๊า โตโพ๊ เจ๊อ.

เอเฟซัส 6:19

แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.

เพรโด่แนพู๊ เต๊เห่ 12:5

ฮู๊เนอเรอ อู ด๊อโอ่ ตื๊อดื่อ ปา คูเปโตร เด๊อ ทอกู. หม่าแน๊เรอ เพรหยื่อเอ่ ตู๊หมู่ตอกล๊อ เต๊เห่ ซิปล่อฉว่า กุยจ๊อเบ เป่ แหน่เจ๊อ เด๊อ ลูเง.

ฟีเลโมน 1:5

เมเตเฮ๊เรอ, แว หนิโฮ เด๊อ เน หยื่อเอ่ หม่าแหน่ เฮ๊อ แบ่เจ่ เหย่ซู่ โทเรอ เน โมหนิเร๊อ ลอปลี แกแย หยื่อเอ่ หม่าแหน่ จอแปแหร่ เนอเต๊เห่ อาขว่าอาคยา, แว เฮ๊บุ๊ยเฮ๊เตอเรอ แว จอแปแหร่.

เพรโด่แนพู๊ เต๊เห่ 10:2

อา หม่า แกแยยิวพู๊ หม่า โต่, เร๊อ อา หม่า แกแย เด๊อ อา โมหนิเกอ เร๊อ จอแปแหร่ เตเพร. โท๊โต่ อา เร๊อ ล๋อ อา ตี๊หี่แตแพ เต๊เห่เนอ อา แด่ดุหยื่อแหน่ แหน่เจ๊อ จอแปแหร่. อา เมจว่า เอ๊แหน่เจ๊อ แกแยยิวพู๊ เด๊อ อา โซพ๊าโซแร เต๊เห่. เร๊อ เบ๊อะค๊าขิ ดาโต กุยจ๊อเบ เฮ๊อ เฮ๊เนอ, อา กุยจ๊อเบ ปว๋า โตโพ๊ เจ๊อ.

เพรโด่แนพู๊ เต๊เห่ 6:4

เป เออเต๊เห่ เกอลาติ เร๊อ เป โตเบ่ เมบาม๊อเนอม๊อเซ เด๊อ เตกุยจ๊อเบ เร๊อ เหล่แด๊โฉ่โด่แน เป่ อู เร๊อ จอแปแหร่ อาลาอาโหง่ ตากยา.”

เอเฟซัส 3:18

โทเรอ ครี๊ โม เจ๊อ ซี บ๋า เตเนอ, แว กุยจ๊อเบ เด๊อ ซี เร๊อ จอแปแหร่ อาแกแย บูโพ๊ เต๊เห่ เก่ ซิเงแฮ ตาเต เบ๊ลอ ปา. อาเตโม เป เออเนอ อาดุอาแย แหน่เจ๊อ, โท๊โต่ อา ตื๊อดื่อแจ่ ปา เจ๊อ โต่.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

เอเฟซัส 2:22

เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.

ꤜꤢꤨꤊꤢ꤬ 3:37

คูลาเมค อาเพหม่า คูเมธูเสลาห์, คูเมธูเสลาห์ อาเพหม่า คูเอโนค, คูเอโนค อาเพหม่า คูยาเรค, คูยาเรค อาเพหม่า คูมาหะลาเลเอล, คูมาหะลาเลเอล อาเพหม่า คูไคนาน,

โคโลสี 1:4

เมเตเรอ เป เฮ๊บุ๊ยเฮ๊เตอเรอ เฮ๊เนอหม่า, ซี หยื่อเอ่หนิ เหย่ซู่ครี๊ เร๊อ ซี โม หนิเกอเร๊อ จอแปแหร่ อาแกแย บูโพ๊ ล๋อ ปลี เต๊เห่เนอหม่า, เป หนิโฮ โทลอเฮ๊อ.

ꤊꤢ꤬ꤜꤢ꤬ꤒꤤ 4:6

ซี ย๋อ ทวาเฮ๊อ จอแปแหร่ อาพู๊อาเลอ เต๊เห่ อาขว่าอาคยา, เด๊อ เป ซิปล่อกู เออเนอ, จอแปแหร่ ฉู่โนเฮ๊อ อาพู๊คู อา แหย่โยบูโพ๊ เด๊อ อา เอ๊โทแถ่ เน๊อ, “อับบา, เพ” ฮู๊เนอ หม่า อา หนิ เฮ๊อ เออเนอเฮ๊อ.

ꤜꤢꤨꤊꤢ꤬ 3:26

คูนักกาย อาเพหม่า คูมาอาท, คูมาอาท อาเพหม่า คูมัทธาธีอัส, คูมัทธาธีอัส อาเพหม่า คูเสเมอิน, คูเสเมอิน อาเพหม่า คูโยเสค, คูโยเสค อาเพหม่า คูโยดา,

โคโลสี 1:3

เบ๊อะเป กุยจ๊อเบ เต เด๊อ ซีเง เบ๊อะเนออาเค, เป เฮ๊บุ๊ยเฮ๊เตอเรอ เป แบ่เจ่ เหย่ซู่ครี๊ อาเพ จอแปแหร่ ปว๋า โตโพ๊ เจ๊อ.

มัทธิว 17:21

(หม่าแน๊เรอ, ซี เก่ โด่เอ่เฉ่ กุยจ๊อเบ โต่ เฮ๊เนอ, โลเน๊ เออเตอเมว เถ่จว๊าแก แจ่ โต่.)”