เอเฟซัส 6:17 - ลีเทส่อพ๊าอาเซ เร๊อ เห่ขุทวาลู๊

¹⁷ ซิเง ตาเต แลแค เตเมแลเปล๊กา อาหรี่อาแก เด๊อ จอแปแหร่ เม เป่ โทเฮ๊อ ซี เด๊อ อาแซ่เน๊อ ซี โก่แถ่ กู๊โก่ต่อเท๊ เด๊อ อา เก่ เตเก ตาตือฉื่อ เป่ ซี เออเนอ. โท๊โต่ ปื่อหม่า แหย่โยบูโพ๊แบ่เจ่ อาเน๊ เด๊อ อา หม่าดื่อ จอแปแหร่ อาลาอาโหง่ เออเนอ นี๋.

Eastern Kayah Shadaw Dialect

¹⁷ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤞꤤ꤭ ꤘꤣ ꤢ꤬ꤞꤢꤧꤔꤢꤧ ꤞꤤ꤭ ꤊ꤫ꤥ꤬ꤓꤢꤧ꤬ ꤊꤢꤨꤊ꤫ꤥ꤬ꤒ꤫ꤢꤪ꤬ꤓꤢꤩ ꤘꤣ ꤢ꤬ ꤊ꤫ꤢꤦ꤬ ꤒꤣꤧ꤬ꤊꤢꤩ꤬ ꤒꤢ꤭ꤒꤢꤦ꤭ꤚꤣꤧ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬, ꤓꤥ꤭ꤒꤥ꤬ ꤕ꤫ꤢꤦ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤔꤢꤩ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤔꤣꤧ꤬ ꤔꤤ꤮꤯

เอเฟซัส 6:17 ပူးပေါင်းရင်းမြစ်များ

ꤟꤤꤙꤚꤢꤨ 4:12

จอแปแหร่ อาลาอาโหง่ เนอ, อา เซอเพร เร๊อ อา เมแจ่ เต. อา แท เล๊อปา เจ๊อ เน๊อ เน๊ เด๊อ อา แทลอ เนอโค๊เนอกยา เต๊เบ่. อา โน เบ่เพ๊ โต่ เจ๊อ เด๊อ ซิปล่อเซอเพร เน๊อ ซิปล่อ เหล่โอ่ เต่อลู อาเหล่โอ่ เนอ, โทเรอ อา โน เบ่เพ๊ โต่เด๊อ ถว่า เน๊อ ครุ๊ยกิกู เหล่โอ่ เนอโต๊โผะ เจ๊อ. อา เด๊อะเถ่โล เป่ แกแย ซิปล่อ อา เตเตเน เต๊เห่ เร๊อ อา เตซิหยื่อ เด๊อ อาแร๊ เร๊อ อา มู๊แหม่ เต๊เห่.

เตเด๊อะโลแถ่ 19:15

เน๊ อา แทแร๊ เด๊อ อา เก่ เมเป่แก ลอ เทอเก่ เต๊เห่ เต๊เบ่เนอ อา โอ่ เด๊อ ลู แกกู เถ่. เร๊อ อา เก่ เป๊อ เหย่ซี เร๊อ อิปอ ต่อเท๊ ปา. เร๊อ จอแปแหร่ เด๊อ อา แจ่เตลอ ซิเงเตปลี เออเตเพร เก่ เด๊อะโล อา เตซิปล่อดุ เร๊อ อา เก่ เมจากาคยา เหย่ซี แซ๊เน๊อ อู วีเถ่ แท๊ทือเส่เทอ เนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:8

หม่าแน๊เรอ เป หม่า เหมาะเชเกลพู๊ เต๊เห่ อาขว่าอาคยา, เป เบ่ เป๊อตี๊หรี่ เกอเร๊อดื่อ เปเหน่. เป โตเบ่ หยื่อเอ่ แฮเงลา เหย่ซู่ เร๊อ เป โตเบ่ โม แฮเง ลาเร๊อ อู. เป เก่ เมฮู๊เนอ เฮ๊เรอ อาแซ่เน๊อ เปกือแซ๊แถ่ หนิ เฮ๊อ เป จาต่อเท๊ เด๊อ อา เตเกบี๊เกอเร๊อ เปเหน่. เออเนอเฮ๊อ, โทเรอ เป เตแม๊ชือ เด๊อ จอแปแหร่ เก่ เมแลเปล๊กา เป เออเนอหมา อาแซ่เน๊อ เป โก่แถ่ กู๊โก่ ต่อเท๊ เด๊อ อา เตเกบี๊ เกอเร๊อ เป กู่กล๊อ เออเนอเฮ๊อ.

เตเด๊อะโลแถ่ 2:16

กู๊แหน่เรอ วีแกมอ เน เตซื๊อเตปล๊า เนอ. เน เก่ วีแก โต่ เฮ๊หม่า แว เก่ แฮเล๊ แพร เด๊อ เน โอ่ ปา เร๊อ แว เก่ แฮช๊า แกแย เนอเต๊เห่ เร๊อ เน๊ เด๊อ อา เถ่ เด๊อ แว แกกู เออเนอ เต๊เบ่ ปา.

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.

เตเด๊อะโลแถ่ 1:16

อากู๊ขุ จ๊อทว๊า ตากยาเนอ อา ปื่อหม่าหนิ เฉ่ โซซว๊าเตเม. โทเรอ เน๊ เด๊อ อา แท เนอโค๊เนอกยา โต่เบ่ โอ่เด๊อ อาแกกู เถ่. อา เป๊เส่เนอ อา ตาเข่อเตเค แซ่เจ๊อเร๊อ ต๊อเหมาะ ช๊าเตเคตา เบ๊อะเหมาะโถ่เค เนอ เจ๊อ.

มัทธิว 4:4

หม่าแน๊เรอ เหย่ซู่ เฮ๊ ลู เน๊อ, “ลีเทส่อพ๊า เฮ๊ฮู๊เออ, ‘แกแยเห่ขุพู๊ เซอเพร ตื๊อแพ๊ เน๊อ เหล่เอ่เหล่โอ เนอ หม่าโต่. แซ่ฮู๊ แกแยเห่ขุพู๊ เก่ เซอเพร อาเงเนอ, ล๋อ จอแปแหร่ เฮ๊เบ่โหง่ เนอเต๊เห่ หม่า อา โหล่ เกอ ดื่อดื่อ.’”

มัทธิว 4:7

เหย่ซู่ เฮ๊ฉื่อ ลู เน๊อ, “ลีเทส่อพ๊า เฮ๊โป่ เน๊อ, ‘เน เบ่ ทื๊อแม๊หนิ เน แบ่เจ่ จอแปแหร่ โต่.’”

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

ꤟꤤꤙꤚꤢꤨ 6:5

จอแปแหร่ อาลาอาโหง่ เนอ, อาแร๊ แหน่เจ๊อ เนอหม่า เหย่ซี ซิเงแฮ โทเฮ๊อ. เหย่ซี แม๊เถอะแฮเบ่ น๊อเกอ โทเฮ๊อ จอแปแหร่ อา เตโพรเตเตอเรอ ฉว่าชอ เด๊อ อา เก่ โอ่โลแถ่ เป่ อู ช๋า เนอปา ตือทือ เนอเต๊เห่ เฮ๊อ.