เอเฟซัส 6:12 - ลีเทส่อพ๊าอาเซ เร๊อ เห่ขุทวาลู๊

¹² เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

Eastern Kayah Shadaw Dialect

¹² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤖꤢꤢ꤬ꤛꤢ꤬ ꤢ꤬ꤞꤝꤤ꤬ꤢ꤬ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤒꤢꤩ꤬ ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤘꤣ ꤢ꤬ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤔꤢꤧ ꤜꤥ꤭ꤔꤢꤩ ꤏꤝꤢ꤬ꤏꤢꤪ꤭ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

เอเฟซัส 6:12 ပူးပေါင်းရင်းမြစ်များ

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

โคโลสี 2:15

เบ๊อะเหย่ซู่ อาเซอ เด๊อ อี๊ถื่อดีเต่ลู เบ๊อะเนอ, ล๋อ โลเน๊โลหน่า เด๊อ อา โอ่ เน๊อ อา เตอเรอฉว่าชอ เต๊เห่เนอ, จอแปแหร่ ปื่อเผ่แก ลอปลี เฮ๊อ เหย่ซี อาเตเตอเรอฉว่าชอ เนอเต๊เห่ เร๊อ อา เด๊อะโล โล๊ลี เป่ เฮ๊อ แกแย ปว๋า เตเพร เน๊อ อา เมเป่แก เฮ๊อ เหย่ซี เฮ๊อ.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

เอเฟซัส 1:21

ล๋อ เพรเป๊อเต เด๊อ ม๊อขุ เต๊เห่, ล๋อ ม๊อขุ อา เตอเรอฉว่าชอ เต๊เห่, ล๋อ ม๊อขุ อา เตโพรเตอเรอ เต๊เห่ เร๊อ ม๊อเล อาแบ่เจ่ เออเต๊เห่ ล๋อ ปลี อาขุเนอ, ครี๊ ทวาดุเล๊อ ล๋อ ปลี เด๊อ เหย่ซีขุ เฮ๊อ. มีลาดุมีลาทู เออเนอ, มุย เด๊อ อู เก่ โป๊แถ่ อา เออตือทือ เนอเบ่เบ่, เด๊อคยาตือทือ ปา เนอเบ่เบ่, แถ่โล เล๊อ เจ๊อเฮ๊อ เร๊อ มุย เด๊อ อู เป๊อแถ่ อา เนอเต๊เห่ เจ๊อ เฮ๊อ.

ꤚꤥꤗꤢꤩ꤬ 8:38

เตเซอ เบ่เบ่, เตเซอเพร เบ่เบ่, ม๊อขุเตเน่วพู๊ เบ่เบ่, โลเน๊มู๊แหม่รีแจ่ เบ่เบ่, เตเมทวาแถ่ อาเหน่ กู๊แหน่เออ เต๊เห่ เบ่เบ่, ช๋า เนอปา เต๊เห่ เบ่เบ่, เตโพรเตเตอเรอ เต๊เห่ เบ่เบ่, แว หยื่อเอ่ ตาเต เร๊อ อา ท๊อเปแกแจ่ เป เร๊อ จอแปแหร่ อาเตโม โต่.

เอเฟซัส 3:10

กู๊แหน่เรอ แซ่ฮู๊ เพรเป๊อเต เด๊อ ม๊อขุ เร๊อ ม๊อขุ อา เตอเรอฉว่าชอ เต๊เห่ เก่ แม๊เถอะ ซิเง จอแปแหร่ โอ่เร๊อ อา เตแจ่เตลีแม บ๋า เต, เร๊อ อา เด๊อะโล เป่ เหย่ซี เร๊อ อา เมทวา จิจือ โต่เฮ๊อ แกแยยิวพู๊ เด๊อ อา ทวา ครี๊พู๊ เต๊เห่ เร๊อ แกแยยิวพู๊ หม่าโต่ เร๊อ อา ทวา ครี๊พู๊ เต๊เห่เนอ อา เมทวาเฮ๊อ ลู ตู๊หมู่แพ๊ ฮู๊ อา เพรหยื่อเอ่ตู๊หมู่ตอกล๊อ ตู๊หมู่จือลู เนอเฮ๊อ.

เอเฟซัส 1:3

เป่ เก่ ถู่เซ๊แถ่ โหร่ลู เป่ แบ่เจ่ เหย่ซู่ครี๊ อาเพ จอแปแหร่ เออเตเพร โป๋. อา เด๊อะตาเฮ๊อ เป่ เตเด๊อะบุ๊ยเด๊อะเตอเรอ ปว๋า เต๊อเจ่อ เด๊อ อาโอ่ เด๊อ ม๊อขุ แฮเออ, เร๊อ อา เก่ เมจว่า เป่ เด๊อ แหย่โย ตากยา อาเตโหล่ เนอเต๊เห่ ปา. เบ๊อะเป เออเต๊เห่ เร๊อ ครี๊ ทวาแถ่ เฮ๊อ ลู เตอเจ๋อโต เบ๊อะเนอ, อา เด๊อะตา ลอเฮ๊อ เป เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 15:50

โคแบ๊ซว๊า ซี๋, กู๊แหน่เออ แว ซิหยื่อ เฮ๊ เป่ ซี เร๊อ เปเหน่กล่อ พ๊าหย่า เด๊อ อา โอ่ เร๊อ สุ่ย เร๊อ เทอ เออเนอ อา จว๊าโน โอ่เซอเพรแจ่ เด๊อ จอแปแหร่ อาเทออาเก่ โต่. เมเตเฮ๊เรอ เปเหน่กล่อ เด๊อ อาซออาปย๊าแก แจ่ ตูจูเพร เออเนอ, อา โอ่เซอเพร ข่า งยาเบ๊ ตูจูเพร โต่.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

ꤛꤥ꤭ꤟꤢ꤬ 14:30

แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

ꤛꤥ꤭ꤟꤢ꤬ 16:11

จอแปแหร่ เมจากกาคยาเฮ๊อ โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ เห่ขุ เออโตโด เฮ๊อ อาขว่าอาคยา, อา เด๊อ ซิเงโปล เป่เฮ๊อ แกแย เห่ขุพู๊ เต๊เห่ เร๊อ จอแปแหร่ เก่ เมจากาคยา เหย่ซี ปา เฮ๊อ.

ꤜꤢꤨꤊꤢ꤬ 22:53

แว โอ่เกอ เร๊อ ซี เด๊อเตหลู่แตโฮกู เนอ ปว๊า เตอเนอ เจ๊อ เร๊อ ซี ปื่อ แว โต่โต่, หม่าแน๊เรอ เบ๊อะโลเน๊ กู่กล๊อ อา เตอเรอฉว่าชอ เป๊อเต อาเคเออ, เบ๊อะเบ่เฮ๊อ เด๊อ ซี เบ่ เมแหน่ เฮ๊อ ฮู๊เออ เฮ๊อ.”

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

ทิโมธี เนอบ่า ต๊าบ่า 2:5

แกแย เด๊อ อา ดี๊เจ เต เตเพรเนอ, เก่ อา หนิดา เมครวาเกอ เตดี๊เจ อา เตซว๊าเตแส่ โต่ เฮ๊เนอหม่า, อา พย๊าหนิแจ่ เกออู เตดี๊เจ อาคว๊าอาเก่ โต่.

มัทธิว 16:17

เร๊อ แบ่เจ่ เหย่ซู่ เฮ๊ฉื่อ ลู เน๊อ, “เพโยนาห์ อาพู๊, คูซีโมน, จอแปแหร่ เด๊อะบุ๊ยเด๊อะเตอเรอ เฮ๊อ เน, เมเตเฮ๊เรอ เออ หม่า แกแยเห่ขุพู๊ เด๊อะซิเง แถ่โล เน หม่าโต่, หม่าดื่อ เพ จอแปแหร่ เด๊อ ม๊อขุ เตเพร เด๊อะซิเง แถ่โล เน แพ๊.

ꤟꤤꤙꤚꤢꤨ 12:4

ซี ช๊าฉื่อ เน๊อ เตซื๊อเตปล๊า เออเต๊เห่ หม่าแน๊เรอ ซี ข่าเบ่ เตจาเตจือ โต่ เจ๊อ เด๊อ อู เบ่เมเซอ ซีเนอ, อา โอ่ แต่ล๋าย เตเพร่ว โต่.

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

ꤗꤢ꤬ꤊꤢꤨ 4:19

เหย่ซี ย๋อ เบ่กู่เบ่แก เกอเร๊อ เนอ อา เตโอ่เซอเพร. โทเรอ อา ย๋อ ซิหยื่อ ดุแหย่แถ่เซ แลแค อาคยา, เหย่ซี อาเตซิหยื่อ เออเนอ อา แลโฮ หนิเร๊อเฮ๊อ เหย่ซี เฮ๊อ. เหย่ซี ซิหยื่อ เตเต๊อเจ่อ โท เต๊อเจ่อ. เร๊อ อา เตซิหยื่อ เออเนอเต๊เห่ อา แค๊ปลื่อแถ่บี๊แก ลอเฮ๊อ ลู. เร๊อ อาเส่อาโพ เถ่เบ๊ ปาโต่เฮ๊อ.

โครินธ์ เนอบ่า ต๊าบ่า 11:14

เหย่ซี เมฮู๊เนอ เร๊อ แว คย๊ายื๊อ เน๊อ เตอเจ๋อ โต่ โลเน๊มู๊แหม่รีแจ่ กู่กล๊อ กลว่าแลโฮ เจ๊อ อาเหน่ ฮู๊ ม๊อขุเตเน่วพู๊ เด๊อ อา เตเค เต๊เห่เนอ หม๋า อา เมแจ่ แพ๊.