เอเฟซัส 6:10 - ลีเทส่อพ๊าอาเซ เร๊อ เห่ขุทวาลู๊

¹⁰ เด๊อคยา ตื๊อดื่อเนอ, แว ซิหยื่อ เฮ๊ ซี ฮู๊เออ, แซ่ฮู๊ ซี เก่ฉว่าเก่ชอแถ่ เนอ, พย๊า แลแค แบ่เจ่ อา เตโพรเตเตอเรอ ฉว่าชอ เออเต๊เห่ นี๋. อา เตโพรเตเตอเรอ ฉว่าชอ เออเต๊เห่ เนอหม่า อาฉว่าอาชอ แหน่เจ๊อ.

Eastern Kayah Shadaw Dialect

¹⁰ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤞꤤ꤭ ꤟꤢꤨꤣꤧ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ꤏꤝꤢ꤬ꤊ꤫ꤢꤦ꤬ꤏꤢꤪ꤭ꤓꤢꤧ꤬ ꤔꤣꤧ꤬, ꤖꤛꤢ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤔꤢꤧ꤬ꤡꤣꤧ꤯

เอเฟซัส 6:10 ပူးပေါင်းရင်းမြစ်များ

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

โครินธ์ อาเหร่อเล๊อ ต๊าบ่า 16:13

แว โป่แหว่ ซี๋, โอ่ส่าเซ แลแค ซีเหน่ ปว๋า โตโพ๊ นี๋, ก๊อถ่อ แตแนหม่า แลแค เด๊อ ซี เตหยื่อเอ่ ครี๊ เออ อากูเนอ นี๋, แด่ บื่อ เกอ แลแค ซี ซิปล่อ นี๋, แด่ฉว่าแด่ชอ แลแค ซี ซิปล่อ เด๊อ เตหยื่อ อากูเนอ นี๋.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

โคโลสี 1:11

แซ่ฮู๊ ซี เก่ ซิครือซิลอ ข่าจาข่าจือเบ๊ แด่ทูซิปล่อเบ๊ เตแป่เตเช เออเนอ เร๊อ, เป กุยจ๊อเบ เร๊อ ล๋อ จอแปแหร่ อา เตโพรเตเตอเรอ ฉว่าชอ เต๊เห่ เก่ เด๊อะอ๊าเด๊อะเหร่ ลอ ดื่อ ซี ซิปล่อ.

เอเฟซัส 1:19

โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

เอเฟซัส 3:16

จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

ทิโมธี เนอบ่า ต๊าบ่า 2:1

ฮู๊เนอ อาขว่าอาคยา, แวพู๊คู๋, แด่ฉว่าแด่ชอ เน ซิปล่อ เน๊อ เตบุ๊ยเตเตอเรอ เด๊อ อา โอ่ เด๊อ เหย่ซู่ครี๊ อากูเออ เนอ นี๋.

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

เปโตร อาเหร่อเล๊อ ต๊าบ่า 3:8

แว ซิหยื่อ เฮ๊ โป่ ซี เด๊อคยาเล๊อ เนอ, ซี ปว๋า เตเพร โตเบ่ โอ่ลู เร๊อ เหล่เตเน เต๊อเจ่อโต, เตแด่ซิปล่อสู่เทอ เตอเจ๋อโต นี๋. โม เกอเร๊อ เกอลู เตเพร เร๊อ เตเพร ฮู๊ โป่แหว่ เนอ นี๋. ซิยอ เกอเร๊อ ลู เตเพร เร๊อ เตเพร เร๊อ แด่หยว่า แลแค ซี ซิปล่อ เตเพร เร๊อ เตเพร นี๋.

ฟีลิปปี 3:1

แว โป่แหว่ ซี, เด๊อคยาเล๊อเนอ, แว ซิหยื่อ เฮ๊ ซี เนอ, เด๊อ ซี ทวาแถ่ เฮ๊อ เตเตอเจ๋อโต เร๊อ แบ่เจ่ ครี๊ เฮ๊อ เออเนอ, ซิครือซิลอ แลแค นี๋. แว ราจว๊า เป่ คยาแซ๊ ซี ลี เด๊อ อา แซ่เน๊อ อาเหร่อเค เต๊เห่เนอ แพ๊ หม่าแน๊เร๊อ อา ดู๊ดี๊ดู๊แด เร๊อ แว เตอเจ๋อ โต่. แว รา เออเต๊เห่ เนอหม่า แซ่ฮู๊ อา ตอกอเตเก บี๊ หนิเป่ ซีเงแพ๊.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

เพซี๋, แว รา เป่เฮ๊อ ซี ลีเออ, เมเตเฮ๊เรอ แกแย เด๊อ อา โอ่ หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แต่ล๋ายโต่ เบ๊อะเนอ เตเพร เนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, แว รา เป่เฮ๊อ ซี ลีเออ, เมเตเฮ๊เรอ จอแปแหร่ อาลาอาโหง่ โอ่เซอเพร เฮ๊อ เด๊อ ซีเหน่ลู เร๊อ ซี ซิปล่อฉว่า ซิปล่อชอ เร๊อ ซี เมเป่แก เฮ๊อ โลเน๊มู๊แหม่รีแจ่ กู่กล๊อ เนอโตโด เฮ๊อ.