เอเฟซัส 5:9 - ลีเทส่อพ๊าอาเซ เร๊อ เห่ขุทวาลู๊

⁹ เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

Eastern Kayah Shadaw Dialect

⁹ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤜꤤ꤭ ꤢ꤬ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ ꤡꤢꤪꤡꤢꤦ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯

เอเฟซัส 5:9 ပူးပေါင်းရင်းမြစ်များ

ยอห์น โซบ่า ต๊าบ่า 1:11

แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.

ꤚꤥꤗꤢꤩ꤬ 15:14

โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.

เอเฟซัส 6:14

ฮู๊เนอ อาขว่าอาคยา, ก๊อถ่อ แตแน ฉื่อแร๊ แลแค ซีเหน่. แหร่แถ่หม่า จอแปแหร่ อา เตหมะเตจ๊อ เออ เด๊อ อาแซ่เน๊อ ซี แหร่แถ่หม่าเฮ๊อท๊อ เด๊อ ซี แหง่ตา อากูเนอ นี๋. กือแซ๊แถ่ อาจ๊ออาเต เออ ฮู๊ ซี กือแซ๊แถ่ จาต่อเท๊ เด๊อ อา เก่ เตเกบี๊เกอเร๊อ ซีเหน่ เออเนอ นี๋.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:29

ซี ซิเง เร๊อ ครี๊ หม่า แกแยจ๊อแกแยเต เตเพร. ฮู๊เนอเรอ ซี โตเบ่ ซิเง เร๊อ แกแย เด๊อ อา เมโตเตเต๊เห่ เนอหม่า, หม่าเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤟꤤꤙꤚꤢꤨ 11:33

เด๊อ เตหยื่อ อาขว่าอาคยาเร๊อ, เหย่ซี เออเต๊เห่เนอ, อา ช๊าเป่ เทอเก่ เต๊เห่. เหย่ซี เป๊อเต จ๊อจ๊อเตเต เร๊อ อา พย๊าหนิ เต เด๊อ จอแปแหร่ อ๊อแล เหย่ซี เนอเต๊เห่. อา เมเป่ แลแค แอ๊ซี เร๊อ แอ๊ซี เต๊เห่เนอ อา อ่า เหย่ซี โต่.

เอเฟซัส 4:15

หม่าแน๊เรอ, เป โต เฮ๊เบ่แหน่ เด๊อ อาจ๊ออาเต เร๊อ เตโม เออเต๊เห่. โทเรอ เด๊อ เป เม เตปว๋า เต๊อเจ่อ อากูเนอ, เป เบ่ ทวาแถ่ แซ่เกอดื่อ เร๊อ เป แบ่เจ่ ครี๊ เด๊อ อา ทวา เป่ กู่กล๊อ เออเนอ เตเพร เฮ๊อ.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

ꤟꤤꤙꤚꤢꤨ 1:8

หม่าแน๊เรอ, เบ๊อะอา เฮ๊ลาติ อาพู๊คู อาหรี่อาแก เบ๊อะเนอ, “เก๋อ จอแปแหร่ เนเทอเนเก่ เนอ, อา เก่ โอ่งยาดื่อ ตูจูเพร แตแลเคร๊ ป๋า. เน เก่ เป๊อตี๊หรี่ เร๊อดื่อ เน แกแย เต๊เห่ เร๊อ เตจ๊อเตเต ป๋า.

เอเฟซัส 4:25

ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.

ꤛꤥ꤭ꤟꤢ꤬ 1:47

เบ๊อะเหย่ซู่ แม๊เถอะ คูนาธานาเอล แฮ เด๊อ ลูโอ่ เบ๊อะเนอ, อา เฮ๊ คูนาธานาเอล อาหรี่อาแก เน๊อ, “อา หม่า อิสราเอลพู๊ หม่าแหน่ เตเพร. อา แลโฮแลแห่ เกออู แตแค๋โต่.”

มัทธิว 3:8

ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

โคโลสี 3:18

เมซี๋ จูเอ่ ซีเว อาโหง่, เมเตเฮ๊เรอ ซี หม่า เพรหยื่อเอ่ เออ เต๊เห่ อาขว่าอาคยา, ซี โต เม แลแค ฮู๊เนอ.