เอเฟซัส 5:8 - ลีเทส่อพ๊าอาเซ เร๊อ เห่ขุทวาลู๊

⁸ ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.

Eastern Kayah Shadaw Dialect

⁸ ꤞꤤ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤡꤣꤧ ꤚꤣꤧ꤬ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤓꤥ꤭ꤟꤣꤧ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤜꤢꤩ꤭ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤓꤝꤢ꤭ꤟꤣꤧ ꤙꤢꤧ꤬ꤡꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤚꤣꤧ꤬ ꤞꤤ꤭ ꤥ꤬ꤟꤣꤧ ꤘꤣ ꤒꤢꤩ꤬ꤜꤤ꤭ ꤢ꤬ꤊꤢꤨ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧꤊꤣꤧ꤭ ꤜꤢ꤭ꤋꤢꤧ꤭ ꤟꤢꤨ ꤒꤢꤩ꤬ꤜꤤ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤤ꤮꤯

เอเฟซัส 5:8 ပူးပေါင်းရင်းမြစ်များ

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:7

หม่าแน๊เรอ เป เก่ โอ่เซอเพร เด๊อ เตลี อากู ฮู๊ จอแปแหร่ โอ่ เด๊อ เตลี อากู เฮ๊เนอหม่า, เป โอ่ เร๊อ เตแบ๊ซว๊าแบ๊โค แคลู เตเพร เร๊อ เตเพร, โทเรอ จอแปแหร่ อาพู๊คู เหย่ซู่ครี๊ อาสุ่ยเนอ อา เก่ ซู๊ปลีแก ลอ เฮ๊อ เป เตซื๊อเตปล๊า เต๊เห่.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

ꤛꤥ꤭ꤟꤢ꤬ 12:46

แซ่ฮู๊ ล๋อ แกแย เด๊อ อา หยื่อเอ่ แว เต๊เห่ เก่ โอ่ปา แต่ เด๊อ เตคี๊เกล แต่เหม่ เนอ แว แฮ ลีเตเคแถ่ ฮู๊ เตลี เตเม เด๊อ เห่ขุ เออเนอเฮ๊อ.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

ꤛꤥ꤭ꤟꤢ꤬ 12:36

แซ่ฮู๊ ซี เก่ ทวาแถ่ เตลีพู๊ เต๊เห่เนอ, เบ๊อะเตลี โอ่เกอปา เร๊อ ซี อาเคเออ, หยื่อเอ่ แลแค อา นี๋.” อา เฮ๊เบ่ โท ฮู๊เนอ เร๊อ อา เถ่จว๊า ตาพา โอ่โค๊แก เร๊อ เหย่ซี.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

ꤜꤢꤨꤊꤢ꤬ 16:8

“เพรแม๊ตู่ ตาหมื่อตาเต เด๊อ อาจ๊ออาเต โต่ เออเตเพรเนอ, อาแบ่เจ่ ถู่เซ๊ เกอเร๊อ แหน่เจ๊อ ลู, เมเตเฮ๊เรอ อา เมลีแม เต. แกแยเห่ขุพู๊ เออเต๊เห่เนอ อา ลีแม แลโฮแลแห่ เกอเร๊อ คยาดื่อ ลู, เร๊อ อา แจ่เล๊อเล๊อ ปา เจ๊อ เร๊อ แกแย โอ่ เด๊อ เตอาลีกู เนอเต๊เห่ เจ๊อ.”

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

ꤜꤢꤨꤊꤢ꤬ 1:79

เร๊อ ต๊อเหมาะเออ อา แถ่ เด๊อ ม๊อเล เร๊อ อา เก่ ลีเตเคตา เป่ แกแย โอ่ เด๊อ เตคี๊เต่ลอ, เตเซอ อาแหย่โย อาโอ่อากู เนอเต๊เห่ ล๋อ ปลี ปา, เร๊อ อา เก่ ยูแกล๊ยูโกล จว๊า หนิเป่ดื่อ เป เตโอ่เซอเพร เด๊อ เตตู๊จุเตอเจ๊อ อาแกล๊กู ปา.”

โครินธ์ เนอบ่า ต๊าบ่า 6:14

โป่แหว่ ซี, ฮู๊ ปู่ ก่า อิเอ๊ เนอ, ก่าจือ เต่อ แต่ อิเอ๊ เร๊อ แกแย เด๊อ อา หยื่อเอ่เกอ เป แบ่เจ่ เหย่ซู่ โต่ เนอเต๊เห่ แต่เหม่ นี๋. เมเตเฮ๊เรอ อาจ๊อ เร๊อ อาตากา เนอ อา แด๊งาหม่า จิจือแจ่ ลู โต่. อา ลี เร๊อ อา คี๊ เนอ เบ่เบ่, อา โอ่เต่อแจ่ ลู โต่โต่.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤚꤥꤗꤢꤩ꤬ 2:19

เน เตเน เกอเร๊อ เนเหน่ เร๊อ เน หม่า แกแย เตเพร เด๊อ อา ยูเป่ แกแยยิวพู๊ หม่าโต่ เด๊อ อาแซ่เน๊อ แกแย เป๊เส่คี๊ เต๊เห่ อาแกล๊. เน เตเน เกอเร๊อ เนเหน่ เร๊อ เน ลีแถ่ เป่ แกแย โอ่ เด๊อ เตคี๊เตลอ เออเต๊เห่ อาเง.

ꤛꤥ꤭ꤟꤢ꤬ 1:9

เตลี หม่าแหน่ เออเนอ, อา เตเร แฮโน เฮ๊อ เด๊อ เห่ขุเออ เฮ๊อ, เร๊อ อา เก่ ลีเตเค แถ่โล เป่ อู ปว๋า เตเพร.

มัทธิว 4:16

แกแย เด๊อ อา โอ่ เด๊อ เตซื๊อ อา เตคี๊ ลอ อาเล ซี๋, ซี แม๊เถอะเฮ๊อ เตลีเตเค ดุ เฮ๊อ. แกแย เด๊อ อา โอ่ เด๊อ เตเซอเตเหม่ อาคี๊เล ซี, เตลี ช๊าเตเค ตาเฮ๊อ ซี เฮ๊อ.”

ꤊꤢ꤬ꤜꤢ꤬ꤒꤤ 5:25

เป โอ่เซอเพร เฮ๊อ เร๊อ แหย่โยบูโพ๊ แบ่เจ่ อาขว่าอาคยา, เป เบ่ ครวาเม ฮู๊ แหย่โยบูโพ๊ แบ่เจ่ ยูแกล๊ยูโกล เป เนอ.

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

มัทธิว 3:8

ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

ꤛꤥ꤭ꤟꤢ꤬ 12:35

เออโตโพ๊เรอ แบ่เจ่ เหย่ซู่ เฮ๊แก เกอเร๊อ อาเหน่ เน๊อ, “เตลี เออเนอ อา โอ่โก๊โป่ เร๊อ ซี เตอเปลอฮู๊ ปาแพ๊. เบ๊อะเตลี โอ่เกอปา เร๊อ ซี เบ๊อะเนอ, ตูรู๊ จว๊าเป่แฮ แลแค. เตคี๊ เก่ แฮโต่ คยา ซี ปา. แกแย จว๊า เด๊อ เตคี๊เกล เตเพรเนอ, อา จว๊าโต เบ๊อะเตเนอ, อา ซิเง เกอเร๊อ อาเหน่ โต่.

ꤚꤥꤗꤢꤩ꤬ 13:12

เหมาะคี๊ เตเร จว๊าตาลว๊าแก เฮ๊อ, เหมาะ เตเร บูตีลี๊ ลาเฮ๊อ. ฮู๊เนอเรอ เป เก่ แด่ตาแก ลอ เตเมมู๊แหม่ เด๊อ เป เม เด๊อ เตคี๊เกล เออเนอเต๊เห่ โป๋. เร๊อ เป เก่ กือแซ๊แถ่ แลแค เตลี อาจา ต่อเท๊ เออเต๊เห่ โป๋.

โคโลสี 1:12

ซี เก่ เฮ๊บุ๊ยเฮ๊เตอเรอ ดื่อ เพ จอแปแหร่ เด๊อ อา เด๊อะ ทวา โทเฮ๊อ ซี เร๊อ อาแกแย, เร๊อ ซี เก่ พย๊าหนิ เต่อเกอดื่อ อา อู่เจเต๊เหย่ เออเต๊เห่เนอ, เร๊อ อาแกแย บูโพ๊ เต๊เห่ เด๊อ อาเทออาเก่ เด๊อ อา ลีเตเค อากู เออเนอดื่อ ปา นี๋.