เอเฟซัส 5:32 - ลีเทส่อพ๊าอาเซ เร๊อ เห่ขุทวาลู๊

³² โหง่ เออเนอหมา อาจ่ออาแย เด๊อ อู ซิเงทว๊า โต่, ตื๊อดื่อเรอ โหง่ เออเนอหมา อา ซิหยื่อ เฮ๊ดื่อ ครี๊ เร๊อ อา เพรหยื่อเอ่ เออ ตู๊หมู่ตอกล๊อ เต๊เห่ แพ๊.

Eastern Kayah Shadaw Dialect

³² ꤍ꤫ꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤓꤝꤢ ꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤍ꤫ꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤤꤛ꤫ꤢꤦ꤬ ꤟꤢꤩꤘꤢꤦ꤬ ꤋꤚꤤ ꤔꤢꤧ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤖꤢꤧ꤯

เอเฟซัส 5:32 ပူးပေါင်းရင်းမြစ်များ

เตเด๊อะโลแถ่ 21:2

แว แม๊เถอะ วีบูโพ๊ หม่าดื่อเฮ๊อ เยรูซาเล็ม วีเซ เออตีวีเนอ, เร๊อ อา โอ่ เด๊อ ม๊อขุ เด๊อ จอแปแหร่ อา โอ่ เร๊อ อา แฮแล. อู ตี๊หรี่แตแร กือแซ๊ หนื่ออื่อ เป่ ลู ฮู๊ เพรกาฉู่แด่ เพรเหมาะ เตเพร เด๊อ อา โอ่ป่อฉื่อ อาเว เนอ.

โครินธ์ เนอบ่า ต๊าบ่า 11:2

เมเตเฮ๊เรอ แว ซิปล่อฉว่า แหน่เจ๊อ เด๊อ ซี เก่ ซิปล่อจ๊อ ตื๊อดื่อ เร๊อ ครี๊. ซี เต๊เห่เนอ อา แซ่เจ๊อเร๊อ เพรเหมาะพู๊เส่ เด๊อ อาซิปล่อ อาโพ๊อาแปละ เตเพร เด๊อ แว อ๊อแล โทเฮ๊อ แวโหง่ เร๊อ แว เก่ เด๊อะม๊า เป่ เร๊อ เพรคู ปา เตเพร เด๊อ อา หม่าเฮ๊อ ตื๊อ ครี๊ เออ ปาเนอ เตเพร เฮ๊อ.

โคโลสี 2:2

แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤛꤥ꤭ꤟꤢ꤬ 3:29

แว หม่า อาแซ่เน๊อ เพรครวาเกอ กาฉู่แด่ เพรคู เตเพรเนอ. กาฉู่แด่ เพรเหมาะ หม่า กาฉู่แด่ เพรคู อาเต. หม่าแน๊เรอ เพรครวาเกอ เนอเตเพร ก๊อถ่อ หนิดา กาฉู่แด่ เพรคู เฮ๊เบ่. อา หนิโฮ ลูโหง่ อาขว่าอาคยา, อา ซิครือซิลอ แหน่เจ๊อ. ฮู๊เนอเฮ๊อ แว เตซิครือ เออเนอ อา เล๊อแถ่บาแถ่ เฮ๊อ.

เอเฟซัส 6:19

แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.

ทิโมธี อาเหร่อเล๊อ ต๊าบ่า 3:8

แซ่ฮู๊เนอเฮ๊อ แกแย ทวา ทวาดุทวาเต เด๊อ อา เมจว่า เพรหยื่อเอ่ตู๊หมู่ตอกล๊อ เต๊เห่เนอ, อู ปว๋า เตเพร โตเบ่ แด่ดุ เหย่ซี, เร๊อ เหย่ซี โตเบ่ เฮ๊เบ่จ๊อ โหง่, เหย่ซี โตเบ่ โอ ตาลว๊าตาแกหนิ แท๊ทือเส่เทอแย โต่, โทเรอ อา โตเบ่ แลโฮ กู๊หว่ากู๊เว เอ่หนิ รือ เด๊อ อูขุ โต่.

เอเฟซัส 5:31

ลีเทส่อพ๊ากู เฮ๊ เน๊อ, “เด๊อ เตหรี่เตแก เออ อาขว่าอาคยาเร๊อ, เพรคู เก่ จว๊า ตาพาแก เร๊อ อาโหมะอาเพ เร๊อ อา เก่ จว๊าโอ่เต่อ เร๊อ อาเม. เร๊อ เหย่ซี ซิเนอ เออเนอ อา เก่ ทวาแถ่ เฮ๊อ ลู เตเพรเพร่ว แพ๊ เฮ๊อ.”

เอเฟซัส 5:33

หม่าแน๊เรอ, ซี เบ่เบ่, ซี เบ่ โมแล เกอเร๊อ ซีเม ฮู๊ ซี โมแล เกอเร๊อ ซีเหน่เนอ ปว๋า เตเพร. โทเรอ เม เบ่เบ่, อา เบ่ เบ่หยื่อเบแหน่ หนิ อาเว ปว๋าเตเพร.