ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.
เอเฟซัส 5:3 - ลีเทส่อพ๊าอาเซ เร๊อ เห่ขุทวาลู๊3 ซี ทวาเฮ๊อ จอแปแหร่ อาแกแย บูโพ๊ เต๊เห่ อาขว่าอาคยา, เตจว๊าซื๊อ เพรเหมาะเพรคู, เตเม ซิเตเร เกอเร๊อเหน่ เร๊อ สุ่ยเทอพ๊าหย่า อา เตซิหยื่อ มู๊แหม่รีแจ่ ปว๊าเต๊อเจอะ, โต่หม่าแน๊ เตกู๊หว่ากู๊เว เอ่ เกอเร๊อ ดื่อเง เต๊เห่เนอ, อา โตเบ่ โอ่หนิ เด๊อ ซีเกล ตีกี๋ โต่. အခန်းကိုကြည့်ပါ။Eastern Kayah Shadaw Dialect3 ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤒꤢꤩ꤬ꤗꤢꤩ꤬ ꤞꤤꤒꤣꤧ꤬ꤚꤢꤩ꤭ ꤚꤣꤧꤘꤢꤦ꤬ꤔ꤫ꤢꤩ꤬ ꤔꤢꤧ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤝꤢ꤭꤮ ꤒꤣ꤬ꤡꤣ꤬, ꤒꤥ꤬ꤗꤢ꤬ꤔꤢꤧ ꤒꤢꤩ꤬ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤚꤣꤧꤘꤢꤦ꤬ ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤊꤤ꤬꤮ ꤒꤥ꤬꤯ အခန်းကိုကြည့်ပါ။ |
เอเฟซัส 5:3
58 ပူးပေါင်းရင်းမြစ်များ
ซี ซิเง ตาเตเฮ๊อ เร๊อ แกแย เด๊อ อา จว๊าซื๊อ เพรเหมาะเพรคู, แกแย เด๊อ อา เมเตเร หนิเกอเร๊อ อาเหน่ เร๊อ สุ่ยเทอพ๊าหย่า อา เตซิหยื่อ มู๊แหม่รีแจ่ เต๊เห่, เร๊อ เตกู๊หว่ากู๊เว เอ่ หนิเร๊อดื่อเง เต๊เห่เนอ, อา พย๊าหนิแจ่ เกออู อู่เจเต๊เหย่ เด๊อ ครี๊ เร๊อ จอแปแหร่ อาเทออาเก่ เนอ เตเพร่ว โต่. แกแย เด๊อ อา กู๊หว่ากู๊เว เอ่ หนิเร๊อดื่อเง เต๊เห่ เนอหม่า อาแซ่เน๊อ จ๊อเบแถ่ เพรแหย่โยแหย่กี เนอเฮ๊อ.
“เหล่เอ่ หม่า ฮ๊อกู อาเง, ฮ๊อกู หม่า เหล่เอ่ อาเง,” แกแย เต๊เห่เห่ เก่ เฮ๊ ฮู๊เนอ. หม่าแหน่ว๊า, หม่าแน๊เรอ เออเนอเจ่อเนอ จอแปแหร่ เก่ เมปย๊าแก ลอ ปา. เหน่กล่อ เออ. หม่า เหล่นอเอ่ เร๊อ เตปาต๊าเปอเตอ อาเง หม่าโต่. หม่าดื่อ เหล่นอเอ่ เร๊อ แบ่เจ่ อา เตซิหยื่อ นอเม เป เต๊เห่ อาเง แพ๊. เด๊อ แบ่เจ่ เออ อาขว่าอาคยาเร๊อ, ช๋า ช๊าโหน่ปา อา เก่ เม ก๊อถ่อกาคยา คยาแซ๊ เป เหน่กล่อ เออเนอ ปา.
หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”
“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.
ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.
เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.
ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.
เป โต รา เป่ เหย่ซี ลี, เร๊อ เป โต เฮ๊เต๊เปล๋ เหย่ซี เน๊อ เหล่เอ่ เด๊อ อู หลู่แตแถ่ อา เร๊อ แหย่โย เต๊เห่เนอ, อาโพ๊อาแปละโต่ อาขว่าอาคยา, เป โตเบ่ นอเอ่ เหย่ซี โต่. เป โตเบ่ นอจว๊าซื๊อหนิ เหย่ซี เร๊อ เพรเหมาะเพรคู โต่, โทเร๊อ เป โตเบ่ นอเอ่หนิ เหย่ซี เร๊อ เตมีเตดอ เด๊อ อู จี่เซอ อา เนอเต๊เห่ โต่. โทเร๊อ สุ่ย อิเตเต๋ เบ่เบ่เนอ, เป โตเบ่ นอเอ่หนิ เหย่ซี โต่.
เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.
ล๋อ แกแย เด๊อ อา ครวาเมเกอ ฮู๊ เหย่ซี ซิปล่อ อา เตซิหยื่อ ปาต๊า มู๊แหม่ อาคยา เร๊อ อา เม จู๊แก่ฉื่อ จอแปแหร่ อา เตอเรอฉว่าชอ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. แกแย ฮู๊เนอเต๊เห่ หม่า แกแย ฮา, แกแย พย๊าแถ่ม๊อแถ่โผ่ อาเหน่ เต๊เห่. ม๊อขุพู๊ เด๊อ อู แด่ดุแด่ทู เกอเร๊อ เจ๊อ ลู เต๊เห่เจ๊อ เนอ, เหย่ซี เป๊อเจ่ออิแช๊ แลแค, อา ซิอิเช เกอ เจ๊ออู ตีกี๋ โต่.
ซี เด๊อ อา ทวา เพรหยื่อเอ่ตู๊หมู่ตอกล๊อ กู่กล๊อดุกู๊ฉู่ทู เด๊อ อาแซ่เน๊อ เพรเกซิหมิ ซี เต๊เห่เนอ, แม๊ตู่หนิ แลแค จอแปแหร่ อาซิหมิหมู่ เด๊อ อา เด๊อะ ซี เออเนอตู๊หมู่, เร๊อ โอ่ป่อแม๊แร๊ แลแค เพรหยื่อเอ่ เออ เนอเต๊เห่. เร๊อ ซิปล่อ โอ่ แม๊แร๊ แลแค เหย่ซี ฮู๊ จอแปแหร่ ซิหยื่อ นอแม๊ ซี เนอ นี๋. เม แต่ ฮู๊ อู นอตือดื๊อ ซี เร๊อ ซี เมแพ๊เนอ แต่เหม่นี๋. แม๊ดุ แลแค คว๊าเก่ เร๊อ เม แลแค แต่เหม่ นี๋. หม่าแน๊เรอ, ซี เก่ ทวา โค๊ดื่อ แกแย เด๊อ อา ซิปล่อฉว่า เม จอแปแหร่ อา เตเอ่เตแร เต๊เห่ นี๋.
เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.
อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.
ช๋า อา แฮเต่อเกอ ซี ปา เร๊อ เอ๊โมฉื่อ อา ฮู๊ เพรหยื่อเอ่แหน่เอ่ แบ่เจ่ เหย่ซู่ เด๊อ อาแซ่เน๊อ ซี เออเนอ นี๋. เอ๊โมฉื่อ อา ฮู๊ จอแปแหร่ อาแกแย บูโพ๊ เต๊เห่ โตเบ่ แม๊ตู่หนิ อู เนอ นี๋. อา โหล่เกอ ซี อิเตเต๋ เบ่เบ่เนอ เมจว่า เป่เกอ อา นี๋. เมเตเฮ๊เรอ แว เบ่เบ่, อูโร เต๊เห่ เบ่เบ่, อา พย๊าจว่า เมจว่า เอ๊ลาเฮ๊อ อู เฮ๊อ.
เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.
ကြော်ငြာတွေ