เอเฟซัส 5:20 - ลีเทส่อพ๊าอาเซ เร๊อ เห่ขุทวาลู๊

²⁰ อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

Eastern Kayah Shadaw Dialect

²⁰ ꤤ꤭ꤒꤢꤩ꤭ꤒꤢꤩ꤭꤮ ꤢ꤬ꤑꤢꤩ꤭ ꤙꤢꤩ꤬ꤙꤢꤩ꤬, ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗꤝꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤣꤧ꤬ꤚꤢꤨ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤕꤢꤩ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯

เอเฟซัส 5:20 ပူးပေါင်းရင်းမြစ်များ

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

ꤟꤤꤙꤚꤢꤨ 13:15

ฮู๊เนอเรอ, เด๊อ เป แบ่เจ่ เหย่ซู่ครี๊ อา เตเมจว่า เป อาขว่าอาคยา, เป เก่ หลู่แถ่ เป เตถู่เซ๊แถ่ อา เตหลู่แตเออ เด๊อ จอแปแหร่ อา โอ่ ปว๋า โตโพ๊ เด๊อ อา หม่าเฮ๊อ เหย่ซู่ หม่า เป แบ่เจ่, เป อ๊อแล ฮู๊เออ เนอ โป๋.

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

เอเฟซัส 5:4

เตเฮ๊เบ่ เด๊อ อู ซิรอซิเร, เตเฮ๊เบ่ เด๊อ อาโหง่แลช๊า โอ่โต่ เต๊เห่, เตเฮ๊เบ่ ปาต๊าเปอเตอ เต๊เห่เนอ, อาโตอาเบ่ โต่ อาขว่าอาคยา, เฮ๊เบ่ แลแค แต่เหม่ นี๋. พื๋อ เร๊อ ซี เตเร เฮ๊เบ่เต ฮู๊เนอ เต๊เห่เนอ เฮ๊บุ๊ยเฮ๊เตอเรอ แถ่เหร่อ เด๊อ จอแปแหร่ เนอ.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

เธสะโลนิกา เนอบ่า ต๊าบ่า 2:13

โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

โครินธ์ อาเหร่อเล๊อ ต๊าบ่า 1:4

เด๊อ เหย่ซู่ครี๊ อาขว่าอาคยาเร๊อ, จอแปแหร่ เด๊อะตาเฮ๊อ ซี อาบุ๊ยอาเตอเรอ เฮ๊อ. เด๊อ อา เด๊อะ ซี ฮู๊เออ อาขว่าอาคยา, แว เฮ๊บุ๊ยเฮ๊เตอเรอ เป่ ซี จอแปแหร่ ปว๋า โตโพ๊ เจ๊อ.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

ฟีลิปปี 1:3

แว ซิเหน่แถ่เบ่ โต่ ซี เบ๊อะเคเต๋ เบ่เบ่ เนอ, แว เฮ๊บุ๊ยเฮ๊เตอเรอ แว จอแปแหร่.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

เด๊อ ซี ขว่าคยาเรอ, เป เฮ๊บุ๊ยเฮ๊เตอเรอ แหน่เจ๊อ เป จอแปแหร่ เร๊อ เป ซิครือซิลอ หม่าแหน่ เจ๊อ เด๊อ อา เป๊เส่เง เจ๊อ. เร๊อ เป ซิครือซิลอ เฮ๊บุ๊ยเฮ๊เตอเรอ จอแปแหร่ เออเนอ, อา ก๊อ เป่ ปา เจ๊อ โต่.

ꤚꤥꤗꤢꤩ꤬ 1:8

เด๊อ เหย่ซู่ครี๊ อาขว่าอาคยาเรอ, แว เฮ๊บุ๊ยเฮ๊เตอเรอ เหร่อเล๊อ เฮ๊อ แว จอแปแหร่ เด๊อ ซี ล๋อ ปลี อาเง เฮ๊อ, เมเตเฮ๊เรอ ซี เตหยื่อเตแหน่ เออเนอ, อู หนิโฮ ลอเฮ๊อ เห่ขุ ต๊าบ่า เฮ๊อ.

โครินธ์ อาเหร่อเล๊อ ต๊าบ่า 15:24

โทปาเรอ, เห่ขุ เก่ ตื๊อดื่อแก ปา. เบ๊อะเนอเค ปา, ครี๊ เก่ เมเป่แก ลอ ล๋อ เพรเป๊อเต เต๊เห่, เตโพร เต๊เห่ เร๊อ เตเตอเรอฉว่าชอ เนอเต๊เห่ ปา. เร๊อ อา เก่ เด๊อะตาแก เทอเก่เออ เด๊อ เพ จอแปแหร่ อา กู๊ยากู ปา.