เอเฟซัส 5:2 - ลีเทส่อพ๊าอาเซ เร๊อ เห่ขุทวาลู๊2 ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ. အခန်းကိုကြည့်ပါ။Eastern Kayah Shadaw Dialect2 ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤢꤨ꤭ꤚꤥ꤬ ꤕꤝꤢ꤭꤮ ꤒꤣ꤬ꤔꤣꤧ꤭ ꤞꤢꤧꤔꤢꤧ ꤋꤚꤤ ꤗꤥ꤬ ꤚꤣꤧꤘꤢꤦ꤬ ꤕꤢꤩ꤬ ꤚꤣꤧ꤬ ꤢ꤬ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤔꤣꤧ꤬ ꤔꤤ꤮꤯ ꤓꤥ꤭ꤒꤥ꤬ ꤋꤚꤤ ꤜꤢꤨ꤭ꤓꤢꤧ꤬ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤞꤢꤧꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤘꤣ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
เอเฟซัส 5:2
54 ပူးပေါင်းရင်းမြစ်များ
เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.
เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.
เบ๊อ จอแปแหร่ ตูจูเพร โนหวิเบ่ เตหลู่แตแถ่ อาเตโนมื๊อโนชือ อาโข่เออ เบ๊อะเนอ, เร๊อ โมโส่โมเซ๊ แหน่เจ๊อ ลูซิปล่อ, เร๊อ อา แด่แลเฮ๊อ อาซิปล่อ เร๊อ อา เฮ๊ เน๊อ, “เด๊อโหน่ เด๊อคยาคย๋า หม่า แว ซิเง เจ๊อ เน๊อ แกแยเห่ขุพู๊ เต๊เห่ เตเน เจ๊อ เตมู๊แหม่รีแจ่ ่ เต๊เห่ เด๊อ อาเป๊เจ่เค ปาเจ๊อ เบ่เบ่, เด๊อ เหย่ซี เตซื๊อ อาขว่าอาคยา, แว อิชอฮา ปา เห่ขุ โต่ เฮ๊อ. ฮู๊ แว เม โทเฮ๊อ กู๊แหน่เออ, เด๊อโหน่เด๊อคยาคย๋า หม่า แว เมเซอเมเหม่ ปา ล๋อ เตเบ่แบ๊ เด๊อ อาซิปล่อเซอเพร โอ่ เออเต๊เห่ โต่ เฮ๊อ.
ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.
เก่ ครี๊ โหล่โน โตโมโม เกอ ฮู๊เนอ เก่เฮ๊เรอ, อา โตเบ่ ข่าเซอ โตโมโม เกอ อาซิปล่อ เด๊อ เห่ขุ ทวาแถ่ลู่ เบ๊อะเนอ ปา เจ๊อ กอกอ. อา โหล่ ข่าเซอ ฮู๊เนอโต่. กู๊แหน่เออ เบ๊อะเห่ขุ เตเร พื๋อ ตื๊อดื่อเฮ๊อ เบ๊อะเนอ, อา แฮ ข่าเซอ แพ๊ โตโพ๊ เร๊อ อา โทปลื๊อ ลาเฮ๊อ. เด๊อ อา หลู่แตแถ่ อาเหน่กล่อ เร๊อ อาเหน่เออ อาขว่าอาคยา, อา พย๊าจว๊า ตาพาแก ลอ แกแย เต๊เห่ อาเตซื๊อ เต๊เห่ เฮ๊อ.
ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.
เหล่สื่อดุ บูโพ๊เออ เร๊อ ตาหมื่อตาเต เด๊อ อู นอเอ่ อา เร๊อ เตจ๊อบู่จ๊อเบ อาเง เต๊เห่เนอ, อู เม แบ๊บือเกอ ม๊อขุเออ อา ตาหมื่อตาเต เต๊เห่ แพ๊. ตาหมื่อตาเต โอ่เด๊อ อากู ปว๋า เต๊อเจ่อ เนอ อู เบ่ เม โพ๊เมแปล่ ลอ อา เร๊อ เตมีเตดอ อาสุ่ย ฮู๊เนอ. หม่าแน๊เรอ ม๊อขุ อาตาเต หม่าแหน่ เต๊เห่เนอ, อู เก่ เม โพ๊อาแปละ อา เร๊อ เตหลู่แถ่ เด๊อ อาแร๊เล๊อ เล๊อปา เจ๊อ เร๊อ เตมีเตดอ อาสุ่ยเออ เนอ เจ๊อ.
เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.
แซ่ฮู๊ ซี เก่ โพ๊อาแปละ หล่าตี๊กลิ ลอ อาเงเนอ, ซี เบ่ พย๊าเถ่แก โฮหมื่อ เลอ อาเตซื๊อ เออเนอ, ตื๊อเรอ ซี ทวาแถ่ แซ่เน๊อ ค๊อมู เซ เด๊อ โฮหมื่อกลุยโต๊โผ่ โอ่เต่อโต่ เออเนอ ปา. แว ซิเง ตาเต เจ๊อ เร๊อ ซี หม่า แกแย อาโพ๊อาแปละ โทเฮ๊อ เต๊เห่, เมเตเฮ๊เรอ ครี๊ หม่า เป เตจว๊าตาลว๊าป่วย อาซิหมิ เด๊อ อา ข่าเซอ โท เป่ เฮ๊อ เด๊อ เปเง เร๊อ อา ปลวาแก เป เตซื๊อ เตเพร.
จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.
หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.
ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.
ကြော်ငြာတွေ