เอเฟซัส 5:19 - ลีเทส่อพ๊าอาเซ เร๊อ เห่ขุทวาลู๊

¹⁹ ซี เตเพร เร๊อ เตเพร อิโร เกอเร๊อลู เร๊อ จอแปแหร่ อาลีอิโร เต๊เห่ เร๊อ ลีอิโร ถู่เซ๊แถ่ เนอเต๊เห่ นี๋. แด๊ อิโร แลแค เร๊อ อิโร ถู่เซ๊แถ่ แลแค เด๊อ ซี ซิปล่อกู เนอ.

Eastern Kayah Shadaw Dialect

¹⁹ ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤤ꤬ꤚꤥ꤭ ꤚꤣꤧꤘꤢꤦ꤬ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤤ꤬ꤤ꤬ꤚꤥ꤭ ꤒꤣꤧ꤬ꤟꤢꤩ꤬ ꤔꤢꤧ ꤜꤤ꤬ꤤ꤬ꤚꤥ꤭ ꤓꤢꤨ꤬ꤞꤢꤩꤓꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤢꤧ ꤤ꤬ꤚꤥ꤭ ꤜꤢ꤭ꤋꤢꤧ꤭ ꤚꤣꤧ꤬ ꤤ꤬ꤚꤥ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬꤯

เอเฟซัส 5:19 ပူးပေါင်းရင်းမြစ်များ

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

โครินธ์ อาเหร่อเล๊อ ต๊าบ่า 14:26

แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.

เพรโด่แนพู๊ เต๊เห่ 16:25

เบ๊อะเหมาะเนเคเนอ, คูเปาโล เร๊อ คูสิลาส กุยจ๊อเบ เร๊อ อิโร ถู่เซ๊แถ่ จอแปแหร่ อาเค, แกแย โอ่ เด๊อ ทอกู เต๊เห่ หนิดา แลแค เหย่ซี เตกุยจ๊อเบ เต๊เห่ เร๊อ เหย่ซี เตอิโร เต๊เห่.

ꤡꤛꤢꤩ꤭ꤗꤢ꤬ꤎꤣ꤬ 5:13

เด๊อ ซีเกล เนอ, แกแย เบ่แป่เบ่เช โอ่ เตเพรเพร แอ? อา เก่ โอ่ เฮ๊เรอ, อา โตเบ่ กุยจ๊อเบ เต. อา ซิครือซิลอ โอ่ เตเพรเพร แอ? อา เก่ โอ่ เฮ๊เรอ, อา โตเบ่ อิโร ถู่เซ๊แถ่ จอแปแหร่.

มัทธิว 26:30

โทเรอ เหย่ซี อิโร ถู่เซ๊แถ่ จอแปแหร่ เร๊อ อา เถ่จว๊าแถ่ แลแค เด๊อ โต๊โฉ่ โฉ่ขุ.

มัทธิว 15:8

‘แกแย เออเต๊เห่ เบ่หยื่อ เบ่แหน่ แลแค แว เน๊อ อากู๊อู่แพ๊, หม่าแน๊เรอ อาซิปล่อ เนอหม่า อา โอ่ตาพายา เร๊อ แว แพ๊.

โครินธ์ อาเหร่อเล๊อ ต๊าบ่า 14:15

เก่ เฮ๊ฮู๊เนอเร๊อ, แว เก่เบ่ เม ฮู๊เต? แว เก่ กุยจ๊อเบ ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ กุยจ๊อเบ ดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊. เบ๊อะแว อิโร เบ๊อะเนอ, แว เก่ อิโร ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ อิโรดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊.

เตเด๊อะโลแถ่ 5:9

เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.