เอเฟซัส 4:7 - ลีเทส่อพ๊าอาเซ เร๊อ เห่ขุทวาลู๊

⁷ หม่าแน๊เรอ ครี๊ เด๊อะตา โค๊ลู เป เตแจ่เตลีแม เตเพร เร๊อ เตเพร เด๊อ เป เก่ เมโค๊ลู อา เตเอ่เตแร เต๊เห่. ครี๊เบตา เป่เป เตแจ่เตลีแม เออเนอ, อา ซิโล หนิเกอเร๊อ โต่.

Eastern Kayah Shadaw Dialect

⁷ ꤗꤢ꤬ꤔꤢꤧꤚꤣꤧ꤬ ꤋꤚꤤ ꤘꤣꤧꤒꤢ꤭ ꤋꤥꤜꤢꤨ꤭ ꤕꤢꤩ꤬ ꤒꤢꤩ꤬ꤡ꤫ꤢꤧ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤋꤥꤜꤢꤨ꤭ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬꤯ ꤋꤚꤤ ꤙꤢꤩ꤭ꤒꤢ꤭ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤡ꤫ꤢꤧ꤬ ꤣꤧ꤭ꤔꤣꤧ꤬, ꤢ꤬ ꤞꤤꤜꤥ꤭ ꤚꤣꤧꤘꤢꤦ꤬ ꤒꤥ꤬꤯

เอเฟซัส 4:7 ပူးပေါင်းရင်းမြစ်များ

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

เอเฟซัส 3:2

จอแปแหร่ อาบุ๊ยอาเตอเรอ อาขว่าอาคยาเร๊อ, อา เด๊อะแล แว เตเม เด๊อ แว เก่ เมจว่า เป่ ซี เออเนอหมา, แว หยื่อเอ่ เร๊อ ซี หนิโฮ โทดื่อเฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

มัทธิว 25:15

เตเพร เร๊อ อา เด๊อะแก ลู เท เบ่แงโจ่ย, เตเพร โป่เรอ เร๊อ เนอโจ่ย, เด๊อ อาโรเตเพร เกอลาติ เรอ โต๊โจ่ย, ฮู๊ เหย่ซี โอ่เร๊อ อา เตแจ่เตลีแมเนอ, เร๊อ อา เบ เป่ เหย่ซี โทเรอ อา เถ่จว๊าแก แกล๊.

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤟꤤꤙꤚꤢꤨ 2:4

จอแปแหร่ เฮ๊โฉ่โปล เป่เกอโป่ อู เน๊อ เด๊อ เตเมแลเปล๊กา เตหรี่เตแก เออเนอหมา อาโต หม่าแหน่ เจ๊อ. เด๊อ เตเมม๊าเมแด, อาเตเม โค๊ตีกลี๊ เต๊เห่ เร๊อ อาเตเม ตาปาคย๊ายื๊อ เต๊เห่ อาขว่าอาคยา, อา เด๊อะโลโปล เป่เฮ๊อ อู เร๊อ เตเมแลเปล๊กา เตหรี่เตแก เออเนอหมา อา โตเฮ๊อ. โท๊โต่, จู๋ ดื่อ อาโต จอแปแหร่ อาซิปล่อ เร๊อ อา เด๊อะตา ครา เป่ อู เตแจ่เตลีแม เชหยู่ เต๊เห่. เร๊อ อา เด๊อะตา แฮเง เร๊อ แหย่โยบูโพ๊ แบ่เจ่. เด๊อ แหย่โยบูโพ๊ แบ่เจ่ เชหยู่เออ เต๊เห่ อาขว่าอาคยา, จอแปแหร่ เด๊อะโลโปล เป่เฮ๊ออู เร๊อ เตหรี่เตแก เออเนอหมา อา โตเฮ๊อ.