เอเฟซัส 4:4 - ลีเทส่อพ๊าอาเซ เร๊อ เห่ขุทวาลู๊

⁴ เป เออเต๊เห่ หม่า เปเหน่กล่อ โอ่จือเต่อลู เตเพรเพร่ว แพ๊. เป พย๊าหนิ จือโหร่ลู แหย่โยบูโพ๊แบ่เจ่ เตเพรเพร่ว แพ๊. ฮู๊เนอเฮ๊อ, เบ๊อะจอแปแหร่ เอ๊ เป เบ๊อะเนอ, อา อ๊อแล เร๊อ อา เก่ เด๊อะเนอ เป เตแร๊ เออ เด๊อคยา ปา. ฮู๊เนอเรอ เป ล๋อ ปลี แม๊ชือ โหร่ลอ ลู อาเตเออ เตอเจ๋อ แพ๊.

Eastern Kayah Shadaw Dialect

⁴ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤥ꤬ꤡꤢꤦ꤭ꤒ꤫ꤣ꤬ꤜꤢꤨ꤭ ꤒꤣ꤬ꤖꤚꤢꤩ꤬ꤡꤢꤦ꤭ ꤖꤢꤧ, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤡꤢꤦ꤭ꤚ꤫ꤥ꤬ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤖꤢꤧ꤯ ꤟꤢꤨꤔꤣꤧ꤬ꤟꤣꤧ, ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤪꤜꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤔꤥ꤬ ꤕꤢꤩ꤬ ꤒꤢꤩ꤬ꤚꤢꤧ ꤣꤧ꤭ ꤘꤣꤋꤛꤢ꤭ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤜꤢꤪ꤭꤮ ꤕꤜꤤ꤭ ꤗꤢꤧꤏꤢꤦ꤭ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤒꤢꤩ꤬ꤣꤧ꤭ ꤒꤣ꤬ꤡꤣ꤬ꤡꤢꤦ꤭ ꤖꤢꤧ꤯

เอเฟซัส 4:4 ပူးပေါင်းရင်းမြစ်များ

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

เอเฟซัส 1:18

แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.

โครินธ์ อาเหร่อเล๊อ ต๊าบ่า 12:20

ฮู๊เนอ อาขว่าอาคยา, เหน่กล่อ ครือขรว่า โอ่เอ๊ หม่าแน๊เรอ เหน่ โอ่จือ แพ๊ ลู เตเพรเพร่ว แพ๊.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

เอเฟซัส 5:30

เป่ หม่า อาเหน่กล่อ ครือขรว่า เต๊เห่ อาขว่าอาคยา, อา แม๊ตู่ แล เกอเร๊อ เป.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

โคโลสี 3:15

ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.

เอเฟซัส 2:22

เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.

เอเฟซัส 2:16

อา ข่าเซอ อาซิปล่อ เด๊อ อี๊ถื่อดีเต่ลู อาขว่าอาคยา, แกแย เออเนอหมู่เนอ อา เมจิจือ กาคยา คยาแซ๊ลู ตู๊หมู่จือ เฮ๊อ, เร๊อ อา เมโครเมเกล กาคยา คยาแซ๊ เหย่ซี เร๊อ จอแปแหร่ เฮ๊อ. ฮู๊เนอเรอ เหย่ซี เตเพร เร๊อ เตเพร ซิเถ่ซิฮา ปา ลู โต่ เฮ๊อ.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

ทิโมธี อาเหร่อเล๊อ ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ เด๊อ อา เมแลเปล๊กา เป เออเตเพร เน๊อ เหย่ซู่ครี๊ เด๊อ เป เตแม๊ชือ ซิเล เกอเร๊อ อา เออเตเพรเนอ, เหย่ซี เฮ๊ตา โทเฮ๊อ อาโหง่ เน๊อ อา นอทวาแถ่เฮ๊อ แว เน๊อ เหย่ซู่ครี๊ อา เพรโด่แนพู๊ เต๊เห่ เตเพร.

โครินธ์ อาเหร่อเล๊อ ต๊าบ่า 10:17

เป เอ่จือโอจือ โหร่ ลอปลี ลู ค๊อมู ต๊อกล่อโต. ฮู๊เนอเรอ เป โอ่โหร่โอ่เอ๊ หม่าแน๊เรอ เป หม่า เหน่กล่อ เตเพรเพร่ว ลู แพ๊.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

เพรโด่แนพู๊ เต๊เห่ 15:11

จว๊าเม แลแคเตฮู๊เนอ แต่เหม่, เด๊อ แบ่เจ่ เหย่ซู่ อาบุ๊ยอาเตอเรอ อาขว่าอาคยา, เป พย๊าหนิ เตเมแลเปล๊กา แพ๊ เป หยื่อเอ่ ฮู๊เนอ. เหย่ซี๋ หม่า อา พย๊าหนิ แซ่เกอดื่อ เตเมแลเปล๊กา ฮู๊ เป พย๊าหนิ เนอเนอ แพ๊,” คูเปโตร เฮ๊ เหย่ซี ฮู๊เนอ.

ꤚꤥꤗꤢꤩ꤬ 11:29

เมเตเฮ๊เรอ จอแปแหร่ เด๊อะตาครา โทเฮ๊อ เชหยู่ เออเนอ เร๊อ แกแย เด๊อ อา นว๊าแถ่ เฮ๊อ ลู เออเต๊เห่เนอ, อา เฮ๊เบ่ ฉิกย๊า กาคยา ปา อาโหง่ ตีกี๋โต่ เฮ๊อ.