เอเฟซัส 4:31 - ลีเทส่อพ๊าอาเซ เร๊อ เห่ขุทวาลู๊

³¹ วี๊แก แก เตซิปล่อเช, เตซิปล่อดุ, เตกย๊า เอ๊โทเอ๊โม ลู, เตแด๊เหมอะเทอโย, เตซิค๊า มู๊แหม่รีแจ่ อู ปว๊าเต๊อเจอะ เออเต๊เห่ นี๋.

Eastern Kayah Shadaw Dialect

³¹ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤏꤢꤩ꤭, ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬, ꤒꤢꤩ꤬ꤊꤛꤢ ꤢꤩꤓꤥ꤭ꤢꤩꤗꤥ꤬ ꤜꤢꤨ꤭, ꤒꤢꤩ꤬ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬, ꤒꤢꤩ꤬ꤞꤤꤋꤢ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢꤨ꤭ ꤕꤝꤢ꤭ꤒꤣ꤬ꤡꤣ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯

เอเฟซัส 4:31 ပူးပေါင်းရင်းမြစ်များ

โคโลสี 3:8

หม่าแน๊เรอ กู๊แหน่เออ วีแก แก เตซิปล่อดุ, เตซิปล่อแถ่, เตซิโตโค, เตเฮ๊ปย๊า อูมุย, โทเรอ เตเฮ๊เบ่ มู๊แหม่ เด๊อ อา โต เฮ๊โต่ เนอเต๊เห่.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

ꤡꤛꤢꤩ꤭ꤗꤢ꤬ꤎꤣ꤬ 1:19

แว โป่แหว่ เด๊อ แว โมเร๊อ ซี๋, โต หนิ แลแค โหง่ เออตือมือ นี๋. แกแย ปว๋า เตเพร โตเบ่ หนิดา ตาเต, อา โตเบ่ เตเนเฮ๊เบ่ แลแค เร๊อ อา โตเบ่ ซิปล่อดุแถ่ แพร หนิ โต่.

โคโลสี 3:19

เวซี๋ โมหนิเร๊อ แลแค ซีเม เร๊อ ซิพรวาซิลี, เมหน่าเมจา แต่ เหย่ซี แต่เหม่.

ꤡꤛꤢꤩ꤭ꤗꤢ꤬ꤎꤣ꤬ 3:14

หม่าแน๊เรอ เด๊อ ซี ซิปล่อกูเนอ, ซี เก่ ซิค๊าซิเถ่ แหน่เจ๊อ ลู, ซี โมแล เกอเร๊อ ซีเหน่ เร๊อ ซี แม๊ดุแล เกอเร๊อ ซีเหน่ เออเต๊เห่ เก่ โอ่ เฮ๊เนอ, เฮ๊เบ่ ถู่เซ๊ เกอเร๊อ แต่ ซีเหน่ เร๊อ ซี โอ่ เร๊อ เตเตเนแจ่ ฮู๊เนอ แต่เหม่. เร๊อ เมเต๊แก่ฉื่อ แต่ เตหมะเตจ๊อ เออเนอ แต่เหม่.

เอเฟซัส 4:26

ซี เก่ ซิปล่อดุ เร๊อ เมซื๊อ เต แต่เหม่ นี๋. เหมาะตา แต่ล๋ายโต่ เนอ, ซี เบ่ ซิปล่อ ชุ๊ยเหล่ คยาแซ๊ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

ꤡꤛꤢꤩ꤭ꤗꤢ꤬ꤎꤣ꤬ 4:11

แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.

ꤒꤤꤒꤢꤨ 1:7

เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.

ทิโมธี อาเหร่อเล๊อ ต๊าบ่า 3:11

เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

ทิโมธี อาเหร่อเล๊อ ต๊าบ่า 5:13

โท๊โต่ เหย่ซี ทวาแถ่ แกแย เตเกลแลแบ๊, เมลอ ค๊าขี่, เร๊อ จว๊าเล แถ่หี่ เตเม โท เตเม. ตื๊อ อา เตเกล เออเนอ หม่าโต่, เหย่ซี โอ่โก แด๊อูแหย่โย, โป๊อูมุย, โนเมซู๊ซ๊า ดู๊แด เต่อเกอ เด๊อ อูโร เตหรี่เตแก อากู เน๊อ เฮ๊เบ่ โหง่ เด๊อ อา โต เฮ๊โต่ เต๊เห่.

ꤊꤢ꤬ꤜꤢ꤬ꤒꤤ 5:20

อา จ๊อเบ แลแค เพรแหย่โยแหย่กี, อา เม แลแค โลเน๊มู๊แหม่รีแจ่ เตเม เต๊เห่, อา ซิเถ่ซิฮา เกอเร๊อ ลู, อา เคร๊แขะ คยาลู, ซิเคว๊ คยาลู, ซิปล่อดุครือ ลู, ซิหยื่อ มุย โลเทอโลเก่, ซิปล่อ โนกู ลู โต่, ซิโตโคแก ครี๊พู๊ ตู๊หมู่ตอกล๊อ เด๊อ อาโร เต๊เห่.

โครินธ์ อาเหร่อเล๊อ ต๊าบ่า 5:8

ฮู๊เนอเรอ เป เอ่โอ โหร่ลู เตจว๊าตาลว๊าป่วย เออเนอ โป๋. ค๊อมู เด๊อ อา โอ่ซีแล๊ เต่อ เร๊อ โฮหมื่อกลุยโต๊โผ่ เออเนอ, เป โตเบ่ เอ่ อา โต่. โฮหมื่อโชโดกลุยโต๊โผ่ เออเนอ, อา เม ดุแถ่ เอ๊แถ่ เตซื๊อ เร๊อ เตมู๊แหม่รีแจ่ เต๊เห่ แพ๊. เป เก่ เอ่โอ โหร่ลู ค๊อมู เด๊อ โฮหมื่อกลุยโต๊โผ่ โอ่เต่อซีแล๊ โต่ เออเนอ, เร๊อ ค๊อมู เด๊อ อาโพ๊อาแปละ เออเนอ เร๊อ เตหมะเตจ๊อ เออเนอ เต๊เห่ โป๋!

ꤚꤥꤗꤢꤩ꤬ 3:14

เหย่ซี อาเตเฮ๊เบ่เฮ๊โช เต๊เห่เนอ, อา เล๊อบา เจ๊อ เร๊อ เตอิชออี๊บ่า. เหย่ซี เฮ๊เบ่ โชชื่อ โหง่ เด๊อ เตเกล หนิโฮ เหย่ซีเนอ เต๊เห่ เจ๊อ.

เห่ขุทวาลู่ 37:4

เบ๊อะ อาแหม่ ซีเต๊เห่ แม๊เถอะ เน๊อ อาเพ โมเร๊อแหน่ คูโยเซฟ เน๊อ เหย่ซี เบ๊อะเนอ, เหย่ซี ซิเถ่ซิโตโค เร๊อ ลู เร๊อ เหย่ซี เฮ๊เบ่โมเฮ๊เบ่แร๊ ปา แลแค ลู โต่.

เห่ขุทวาลู่ 27:41

เออโต๊โพ๊ เร๊อ อาเพ เด๊อะแก โทเฮ๊อ อาโป่ คูยาโคบ เตบุ๊ยเตเตอเรอ เฮ๊อ อาขว่าอาคยา, อา ซิเถ่ โอ่แต่แกเฮ๊อ อาโป่ เร๊อ อา เฮ๊ เกอเร๊อ อาเหน่ เน๊อ, “งยาแต่โต่ ปาหม่า แวเพ เซอ เฮ๊อ, เร๊อ เป่ เก่ โหง่ เกอเร๊อ ลู ปา. ช๋า เตโหง่เตเห่ ตาลว๊า โทเฮ๊อ ปา เนอ, แว เก่ เมเซอแก แวโป่ คูยาโคบ ปา.”

เห่ขุทวาลู่ 4:8

เตอเนอเค คูคาอิน เฮ๊ เกอเร๊อ อาโป่ คูอาแบล เน๊อ, “เป เถ่จว๊า เด๊อ เพร๊ขุ โป๋,” เบ๊อะ เหย่ซี โอ่ เด๊อ เพร๊ขุ เบ๊อะเนอ, อา ซิปล่อดุ อาโป่ คูอาแบล เร๊อ อา เมเซอ แก ลู.

เตเด๊อะโลแถ่ 12:10

โทเรอ แว หนิโฮ โหง่พราแถ่ฉว่า เด๊อ ม๊อขุ เร๊อ อา เฮ๊ เนอ, “กู๊แหน่เออ จอแปแหร่ อา เมแลเปล๊กา แฮโต่เฮ๊อ. กู๊แหน่เออ จอแปแหร่ เด๊อะโล แถ่เฮ๊อ อา เตโพรฉว่าชอเฮ๊อ. กู๊แหน่เออ จอแปแหร่ เป๊อตี๊หรี่ เห่ขุ ฮู๊ คุ๊ย เตเพร เนอเฮ๊อ กู๊แหน่เออ อาพู๊คู เหย่ซู่ครี๊ เป๊อแถ่ เป๊อตี๊หรี่ เตเฮ๊อ. เมเตเฮ๊เรอ แกแย เด๊อ อา ก๊อถ่อ โอ่ เด๊อ เป จอแปแหร่ อา เป๊เส่เง เร๊อ อา แด่ แกแย เด๊อ อา หยื่อเอ่แหน่เอ่เต เออเต๊เห่ อา เตซื๊อ เหมาะคี๊คี๊, เหมาะเชเกลเกล เตเพรเนอ, กู๊แหน่เรอ อู วีตาแก ลู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:15

อูเปเป๋ เบ่เบ่ อา เก่ ซิเถ่ แกแย หยื่อเอ่ ครี๊ เด๊อ อาโร เตเพรเพร เฮ๊เนอหม่า, อา เมเซอ แกแย เฮ๊อ. เร๊อ ซี ซิเง เร๊อ แกแย เด๊อ อา เมเซอ แกแย เตเพรเพร เนอ, อา พย๊าหนิ เกออู ซิปล่อเซอเพร ตูจูเพร แตแลเคร๊ โต่.

ꤒꤤꤒꤢꤨ 2:3

ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.

ทิโมธี เนอบ่า ต๊าบ่า 2:23

จว๊า ตาพาแก เน๊อ เตเคร๊แขระ แกเด เด๊อ อาโหง่แลช๊า โอ่โต่ เนอเต๊เห่ นี๋. เน ซิเง เน๊อ เต เออเต๊เห่เนอ เด๊อคยา ตื๊อดื่อ ปาหม่า อา เด๊อะโอ่ ทวาแถ่ เตกย๊าตางา คยาลู แพ๊.

ทิโมธี อาเหร่อเล๊อ ต๊าบ่า 3:3

โทเรอ อา เบ่ เอ่มือโอแพร๊ หนิ โต่, อา เบ่ ซิปล่อโผ่ หนิ โต่, โท๊โต่ อา เบ่ แม๊ แกแย เด๊อ อา ซิโดซิ งา, แกแย เด๊อ อาเคร๊อาแขระ เกออู โต่, อา เบ่โมหนิ รือเท โต่.

เพรโด่แนพู๊ เต๊เห่ 21:30

เร๊อ อา ซู๊ซ๊าแถ่ ลอปลี เจ๊อ ตีวี เจ๊อ. เร๊อ แกแย เบ๊หมู่ เต๊เห่ แกล่แฮ ปลูลอ เด๊อ คูเปาโล โอ่ เร๊อ อา แฮปื่อ ลู เร๊อ อา จุ่ยเถ่ ลู เด๊อ เตหลู่แตโฮกลอ, เร๊อ โตโพ๊โต อู เมบี๊แก เตหลู่แตโฮ กู่ดาดุ เต๊เห่.

เห่ขุทวาลู่ 37:21

หม่าแน๊เรอ เบ๊อะ คูรูเบน หนิโฮ เฮ๊อ เหย่ซี เฮ๊ ฮู๊เนอ เบ๊อะเนอ, อา เมแลเปล๊ แก คูโยเซฟ เด๊อ เหย่ซี กู๊ยากู เร๊อ อา เฮ๊ เน๊อ, “เป เมเซอ ลู โต่ โป๊!”

ทิโมธี เนอบ่า ต๊าบ่า 3:3

เหย่ซี หม่า แกแย เด๊อ อา โมหนิเร๊อ เกออู โต่, อา ปลวาแก เกออู เตซื๊อ โต่, เฮ๊ปย๊า อูมีลา, เป๊อแจ่ เกอเร๊อดื่อ อาเหน่โต่, แกแยฮาแกแยเฮ, เหย่ซี หม่า แกแย เด๊อ อา ซิเถ่ เตแร๊ เต๊เห่ ปา.

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

เอเฟซัส 4:25

ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.