เอเฟซัส 4:27 - ลีเทส่อพ๊าอาเซ เร๊อ เห่ขุทวาลู๊

²⁷ แซ่ฮู๊ โลเน๊มู๊แหม่ กู่กล๊อ เก่ จุ่ยโนหนิ ซี เด๊อ เตซื๊อ อากู แต่เหม่เนอ, ปลวาโมเป่ แต่ อาแกล๊ แต่เหม่ นี๋. ฮู๊เนอเรอ ซิปล่อดุ ตื๊อดื่อ แต่ แลแค แต่เหม่.

Eastern Kayah Shadaw Dialect

²⁷ ꤞꤢꤧꤟꤢꤨ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤊ꤫ꤢꤦ꤬ ꤡꤝꤤ꤬ꤔꤥ꤭ꤔ꤫ꤤ꤬ ꤒ꤫ꤢꤧ꤬ ꤞꤤ꤭ ꤘꤣ ꤒꤢꤩ꤬ꤞꤢꤦ ꤢ꤬ꤊꤢꤨ꤭ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤕꤜꤝꤢ꤭ꤗꤥ꤭ꤕ꤫ꤢꤩ꤬ ꤒ꤫ꤢꤧ꤬ ꤢ꤬ꤊꤜꤢꤧ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤟꤢꤨꤔꤣꤧ꤬ꤚꤣꤧ꤬ ꤞꤤꤕꤜꤢꤪ꤬ꤘꤢꤨ꤬ ꤒꤣꤧ꤬ꤘꤢꤦ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬꤯

เอเฟซัส 4:27 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 4:7

ฮู๊เนอเรอ แด่หยว่า แลแค ซี ซิปล่อ เด๊อ จอแปแหร่ อาเล, เร๊อ ช๊าฉื่อ โลเน๊มู๊แหม่รีแจ่ กู่กล๊อ เนอ ตื๊อหม่า โลเน๊มู๊แหม่รีแจ่ กู่กล๊อ เก่ แกล่ จว๊า ตาพาแก เด๊อ ซีโอ่ ปา.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เอเฟซัส 6:16

โท๊โต่, อาแซ่เน๊อ ซี ปื่อหม่าปื่อกลอ เร๊อ เหล่โด่แด ตาตือฉื่อ เออเนอ, ตูรู๊ ปื่อหม่าปื่อกลอ หนิ แร๊ แลแค ซี เตหยื่อเตแหน่ เด๊อ อา เก่ เมปี ฉื่อแก โลเน๊ อาเปล่ หมิอือ เด๊อ อา เค๊ แฮโต ซี เนอเต๊เห่ นี๋.

เอเฟซัส 6:11

แซ่เน๊อ เกลอฮู๊ เต๊เห่ กือแซ๊แถ่ อา โจ๊โกโจ๊เบเนอ, กือแซ๊แถ่ ลอ แลแค โจ๊โกโจ๊เบ เด๊อ จอแปแหร่ เด๊อ ซี เออเนอ นี๋. แซ่ฮู๊ ซี เก่ เมตาตือ ฉื่อเบ๊ดื่อ โลเน๊มู๊แหม่รีแจ่ กู่กล๊อ อา อิลออี๊โหล่ แลโฮ เต๊เห่เนอ, กือแซ๊แถ่ แลแค ฮู๊เนอ นี๋.

เพรโด่แนพู๊ เต๊เห่ 5:3

เร๊อ คูเปโตร เฮ๊ ลู เน๊อ, “เพอานาเนี๋ย เน จว๊า นอเป๊อเต่อ เนเหน่ เร๊อ โลเน๊ มู๊แหม่ กู่กล๊อ เมเต? เน แลโฮแกเฮ๊อ แหย่โยบูโพ๊ แบ่เจ่ เฮ๊อ. เน จว๊า เบ่ดว๊า โอ๊แก โต่ เห่ขุ งู เด๊อ เน อิเช หนิ เออ เนอเต๊เห่ เมเต?

ꤚꤥꤗꤢꤩ꤬ 12:19

โคแบ๊ซว๊า ซี, อู เก่ เมเช ซี เฮ๊เรอ, เมเลอ กาคยาฉื่อ แต่ อู แต่เหม่ นี๋. นอ เมจากาคยา ดื่อ อา เร๊อ จอแปแหร่ ปา, เมเตเฮ๊เรอ ลีเทส่อพ๊ากู เฮ๊ เน๊อ, “เพร เด๊อ อา เมเลอฉื่อ กาคยา แกแย เด๊อ อา เม เตมู๊แหม่ เนอเต๊เห่ หม่า แว แพ๊. แว เมเลอ กาคยาฉื่อดื่อ เร๊อ แวเหน่ ปา,” แบ่เจ่ เฮ๊ ฮู๊เนอ.