เอเฟซัส 4:25 - ลีเทส่อพ๊าอาเซ เร๊อ เห่ขุทวาลู๊

²⁵ ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.

Eastern Kayah Shadaw Dialect

²⁵ ꤟꤢꤨꤔꤣꤧ꤬ꤚꤣꤧ꤬ ꤜꤣꤧ꤬ꤟꤥ꤭ ꤕꤢ꤬ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤟꤢꤩꤙꤢꤩ꤬ꤡꤢꤪꤟꤢꤩꤙꤢꤩ꤬ꤒꤢꤩ꤬ ꤜꤢ꤭ꤋꤢꤧ꤭ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤜꤢꤨ꤭, ꤗꤢ꤬ꤔꤢꤧꤚꤣꤧ꤬ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤋꤥꤜꤢꤨ꤭ ꤟꤢꤨꤔꤣꤧ꤬ꤖꤢꤧ꤯

เอเฟซัส 4:25 ပူးပေါင်းရင်းမြစ်များ

โคโลสี 3:9

เฮ๊เบ่ แลโฮแลแห่ ปา แต่ ลู เตเพร เร๊อ เตเพร่ว แต่เหม่, เมเตเฮ๊เรอ ซี วีแกเฮ๊อ ซี เตโอ่เซอเพร อาเลอ เด๊อ ซี เหล่โกล เมเนอ เต๊เห่เฮ๊อ.

ꤚꤥꤗꤢꤩ꤬ 12:5

ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.

เอเฟซัส 4:15

หม่าแน๊เรอ, เป โต เฮ๊เบ่แหน่ เด๊อ อาจ๊ออาเต เร๊อ เตโม เออเต๊เห่. โทเรอ เด๊อ เป เม เตปว๋า เต๊อเจ่อ อากูเนอ, เป เบ่ ทวาแถ่ แซ่เกอดื่อ เร๊อ เป แบ่เจ่ ครี๊ เด๊อ อา ทวา เป่ กู่กล๊อ เออเนอ เตเพร เฮ๊อ.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ทิโมธี อาเหร่อเล๊อ ต๊าบ่า 4:2

เตอิซว๊าอี๊แส่ เออเต๊เห่ เนอหม่า อา แฮ เด๊อ แกแย แลโฮแลแห่ เต๊เห่ อา โอ่. เบ๊อะเหย่ซี เมซื๊อเจ๊อเต เบ๊อะเนอ, อา เตเน เร๊อ อา เมซื๊อเต ตีกี๋ โต่.

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.

ทิโมธี อาเหร่อเล๊อ ต๊าบ่า 1:10

เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.

โครินธ์ เนอบ่า ต๊าบ่า 7:14

เบ๊อะ คูติตัส จว๊า แต่ล๋าย เด๊อ ซี โอ่ โต่ เนอ, แว ถู่เซ๊ เกอเร๊อ ซี เด๊อ คูติตัส อาเป๊เส่เง เจ๊อ เม. ซี เม หม่าแหน่ เจ๊อ เฮ๊อ ฮู๊ แว ถู่เซ๊ เกอเร๊อ ซี เนอ เฮ๊อ. ซี เมเตเรน๊อ แว โตโพ๋ โต่. ฮู๊ แว เฮ๊เบ่จ๊อเฮ๊เบ่เต ซี ปว๋า โตโพ๊ เนอ, เป เฮ๊ เป่ คูติตัส เร๊อ ซีหรี่ซีแก เนอหม่า เป เฮ๊เบ่จ๊อเฮ๊เบ่เต แพ๊แพ๊.

ꤒꤤꤒꤢꤨ 1:12

เหย่ซี แกแยกลื๊อขุ เพรโพร เร๊อดื่อ เด๊ออาเกล เตเพรเนอ อา เฮ๊ เน๊อ, “แกแยครีต กลื๊อขุ เต๊เห่หม่า แกแยแลโฮ ปว๋า โตโพ๊, เหย่ซี หม่า อาแซ่เน๊อ เตมีเตแหม่ เด๊อ อา ฮามู๊แหม่ เต๊เห่ โทเรอ เหย่ซี หม่า แกแย เจเกลพู๊ เด๊อ อา เอ่ตาลว๊า โอตาแก เต๊เห่.”

โครินธ์ อาเหร่อเล๊อ ต๊าบ่า 10:17

เป เอ่จือโอจือ โหร่ ลอปลี ลู ค๊อมู ต๊อกล่อโต. ฮู๊เนอเรอ เป โอ่โหร่โอ่เอ๊ หม่าแน๊เรอ เป หม่า เหน่กล่อ เตเพรเพร่ว ลู แพ๊.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

เอเฟซัส 5:30

เป่ หม่า อาเหน่กล่อ ครือขรว่า เต๊เห่ อาขว่าอาคยา, อา แม๊ตู่ แล เกอเร๊อ เป.

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

เอเฟซัส 4:31

วี๊แก แก เตซิปล่อเช, เตซิปล่อดุ, เตกย๊า เอ๊โทเอ๊โม ลู, เตแด๊เหมอะเทอโย, เตซิค๊า มู๊แหม่รีแจ่ อู ปว๊าเต๊อเจอะ เออเต๊เห่ นี๋.

โคโลสี 3:8

หม่าแน๊เรอ กู๊แหน่เออ วีแก แก เตซิปล่อดุ, เตซิปล่อแถ่, เตซิโตโค, เตเฮ๊ปย๊า อูมุย, โทเรอ เตเฮ๊เบ่ มู๊แหม่ เด๊อ อา โต เฮ๊โต่ เนอเต๊เห่.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.