เอเฟซัส 4:24 - ลีเทส่อพ๊าอาเซ เร๊อ เห่ขุทวาลู๊

²⁴ เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

Eastern Kayah Shadaw Dialect

²⁴ ꤚꤣꤧ꤬ ꤊꤢꤦ꤭ꤓꤢꤧ꤬ꤞꤢꤧꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤒꤢ꤭ ꤞꤢꤧꤊꤣꤧ꤭ ꤓꤥ꤭ꤟꤣꤧ ꤞꤤ꤭ ꤔꤢꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤔꤢꤧ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ ꤗ꤫ꤢ꤬ꤔꤤꤔꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

เอเฟซัส 4:24 ပူးပေါင်းရင်းမြစ်များ

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

เอเฟซัส 6:11

แซ่เน๊อ เกลอฮู๊ เต๊เห่ กือแซ๊แถ่ อา โจ๊โกโจ๊เบเนอ, กือแซ๊แถ่ ลอ แลแค โจ๊โกโจ๊เบ เด๊อ จอแปแหร่ เด๊อ ซี เออเนอ นี๋. แซ่ฮู๊ ซี เก่ เมตาตือ ฉื่อเบ๊ดื่อ โลเน๊มู๊แหม่รีแจ่ กู่กล๊อ อา อิลออี๊โหล่ แลโฮ เต๊เห่เนอ, กือแซ๊แถ่ แลแค ฮู๊เนอ นี๋.

ꤚꤥꤗꤢꤩ꤬ 6:4

ฮู๊เนอ อาขว่าอาคยา เบ๊อะเป เจเทอ เบ๊อะเนอ, อา แซ่เฮ๊อ เร๊อ เป เซอ เต่อเกอ เฮ๊อ เร๊อ ครี๊ เฮ๊อ, เร๊อ อู โล๊ ตาเต่อเกอ เฮ๊อ เป เร๊อ ครี๊ เด๊อ โลกู เฮ๊อ. เด๊อ เปเพ จอแปแหร่ อา เตเตอเรอดุทู โพร อาขว่าอาคยา, ฮู๊ อา เมเซอเพร กาคยา คยาแซ๊ ครี๊ เด๊อ เตเซอ อากูเนอ, อา เก่ เด๊อะ โอ่เซอเพร เกอ เป เออเต๊เห่ เร๊อ เตเซอเพร อาเซ ปา.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

ꤚꤥꤗꤢꤩ꤬ 13:12

เหมาะคี๊ เตเร จว๊าตาลว๊าแก เฮ๊อ, เหมาะ เตเร บูตีลี๊ ลาเฮ๊อ. ฮู๊เนอเรอ เป เก่ แด่ตาแก ลอ เตเมมู๊แหม่ เด๊อ เป เม เด๊อ เตคี๊เกล เออเนอเต๊เห่ โป๋. เร๊อ เป เก่ กือแซ๊แถ่ แลแค เตลี อาจา ต่อเท๊ เออเต๊เห่ โป๋.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

ꤛꤥ꤭ꤟꤢ꤬ 17:17

เมบูโพ๊ ข่อดื่อ เหย่ซี เร๊อ เนลาเนโหง่ เด๊อ อาจ๊อ เออเนอ นี๋.

ꤊꤢ꤬ꤜꤢ꤬ꤒꤤ 6:15

แกแย ดื๊อตีลี๊พ๊า เต๊เห่ เบ่เบ่, อา ดื๊อตีลี๊ เกออู โต่ เต๊เห่ เบ่เบ่, อา โหล่ดุ เน๊อ เตอเจ๋อโต่. เตเด๊อ อา โหล่ดุเล๊ออู เนอหม่า ทวาแถ่ จอแปแหร่ อาแกแย เออเนอ แพ๊.

ꤊꤢ꤬ꤜꤢ꤬ꤒꤤ 3:27

เมเตเฮ๊เรอ แกแย เด๊อ อา เจเฮ๊อ อาเหน่ เร๊อ เทอ เต๊เห่เนอ, อา ทวาแถ่เฮ๊อ เตเตอเจ๋อโต เร๊อ ครี๊ เฮ๊อ เต๊เห่ เนอหม่า หม่าเฮ๊อ อา กือแถ่แซ๊แถ่เฮ๊อ ครี๊ แซ่เน๊อ อา อากืออาแซ๊ เห่อจา เด๊อ อาเซ เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 15:53

เปเหน่กล่อ เด๊อ อา ซอปย๊าแจ่ เออเนอ, อา เบ่ ถู่แหล่ เต๊เปล่แก เร๊อ เหน่กล่อ เด๊อ อา ซอปย๊าแจ่โต่ เออเนอ ปา. เปเหน่กล่อ เด๊อ อา เซอแจ่ เออเนอ, อา เบ่ ถู่แหล่ เต๊เปล่แก เร๊อ เหน่กล่อ เด๊อ อา เซอแจ่โต่ เออเนอ ปา.

เอเฟซัส 2:15

แกแยยิวพู๊ เต๊เห่ อา เตซว๊าเตแส่ อาเกลเนอหม่า, อา เตซว๊าเตแส่ อาพู๊แพปีชีจว๊า เต๊เห่ อา โอ่ เอ๊แหน่เจ๊อ ตื๊อดื่อเรอ เด๊อ ครี๊ เซอ อาขว่าอาคยา อา เม ตื๊อดื่อ โทแก ปลื๊อลอเฮ๊อ เหย่ซี เต เนอเต๊เห่ เฮ๊อ. อา เตเตเนหนื่ออื่อ หม่า หม่าเฮ๊อ, แซ่ฮู๊ แกแย เออเนอหมู่ เก่ ทวาแถ่ดื่อ แกแย อาเซ ตู๊หมู่จือ เด๊อ ครี๊ อากู เรอ, อา เม เต๊เปล่ เร๊อดื่อ เร๊อ อาเหน่ เฮ๊อ. ฮู๊เนอเรอ อา เมเปเมดวา กาคยา คยาแซ๊ เหย่ซี เฮ๊อ.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

ꤟꤤꤙꤚꤢꤨ 1:8

หม่าแน๊เรอ, เบ๊อะอา เฮ๊ลาติ อาพู๊คู อาหรี่อาแก เบ๊อะเนอ, “เก๋อ จอแปแหร่ เนเทอเนเก่ เนอ, อา เก่ โอ่งยาดื่อ ตูจูเพร แตแลเคร๊ ป๋า. เน เก่ เป๊อตี๊หรี่ เร๊อดื่อ เน แกแย เต๊เห่ เร๊อ เตจ๊อเตเต ป๋า.

เห่ขุทวาลู่ 5:1

ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก. เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.

ꤚꤥꤗꤢꤩ꤬ 7:6

หม่าแน๊เรอ กู๊แหน่ เออเนอ, จอแปแหร่ เมแลเปล๊ เฮ๊อ เป เร๊อ เตซว๊าเตแส่ เฮ๊อ, เมเตเฮ๊เรอ เป ย๋อ เซอ เต่อเฮ๊อเร๊อ ครี๊ อาขว่าอาคยา, เตซว๊าเตแส่ เออ จอกลอหม่า แซ่เกอ เป ฮู๊ เด๊อ เนอเคเนอ อา หนิปาโต่ เฮ๊อ. จอแปแหร่ เมแลเปล๊กา เฮ๊อ เป เร๊อ เตซว๊าเตแส่ เออ, เร๊อ แหย่โยบูโพ๊ แบ่เจ่ เมจว่าเฮ๊อ เป เร๊อ แกล๊ อาเซ เออโตโบ เฮ๊อ อาขว่าอาคยา, เป เมเฮ๊อ อาเตเม เออเฮ๊อ. เป เม จอแปแหร่ อา เตเอ่เตแร เร๊อ เด๊อ เป หนิดา ครวาเมเกอ เตซว๊าเตแส่ อาแกล๊ เลอ เออโตโบ อาขว่าอาคยาเร๊อ หม่า ปาโต่เฮ๊อ.

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

เปโตร เนอบ่า ต๊าบ่า 1:4

เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยา, อา เด๊อะแล โทเฮ๊อ เป อา เตอ๊อแล เด๊อ อางูดุ เร๊อ อาดุอาแย แหน่เจ๊อ เออเต๊เห่ เฮ๊อ. เด๊อ อา เด๊อะแล เตเออเต๊เห่ อาขว่าอาคยา, ซี เก่ แลเปล๊เถ่แก เร๊อ เหล่เตเน ปาต๊า มู๊แหม่รีแจ่ เด๊อ อา เมปย๊า ซี เด๊อ เห่ขุ เออเนอเต๊เห่ ปา. โท๊โต่ ซี เก่ ทวาแถ่ แซ่เกอดื่อ ฮู๊ จอแปแหร่ อาเหล่โกล เนอ ปา.