เอเฟซัส 4:22 - ลีเทส่อพ๊าอาเซ เร๊อ เห่ขุทวาลู๊

²² อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

Eastern Kayah Shadaw Dialect

²² ꤢꤨ꤭ ꤤ꤬ꤞꤝꤢꤟꤣꤧ ꤞꤤ꤭ ꤔꤢꤧ ꤞꤤ꤭ ꤒꤥ꤭ꤙꤢꤩ꤬ ꤕꤜꤥꤒꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤒꤣꤧ꤬ꤟꤢꤩ꤬꤯ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤊꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤢꤩꤜꤢ꤬ꤕꤛꤢꤢꤩꤜꤢ꤬ꤜ꤫ꤢꤨ꤬ ꤞꤤ꤭ ꤚꤣꤧ꤬ ꤢ꤬ ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤜꤢꤪ꤭ ꤞꤤ꤭ ꤞꤤꤕꤜꤢꤪ꤬꤯

เอเฟซัส 4:22 ပူးပေါင်းရင်းမြစ်များ

ꤚꤥꤗꤢꤩ꤬ 6:6

เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

ꤟꤤꤙꤚꤢꤨ 3:13

โทโต่, กู๊แหน่เออ เตเมแลเปล๊กา เด๊อ จอแปแหร่ เด๊อะ เป เออ แซ่ฮู๊ เตซื๊อ เก่ อิลอแลโฮ แต่ ซี เตเพร๊ แต่เหม่, แซ่ฮู๊ ซี เก่ กู่กล๊อเพรอ แต่ แลแค เตเพร๊ แต่เหม่ อาเงเนอ, ปวาเนอเน๋อ เด๊อะอ๊าเด๊อะเหร่ เมจว่า คยาลู เตเพร เร๊อ เตเพร นี๋.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

เอเฟซัส 4:25

ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.

เปโตร อาเหร่อเล๊อ ต๊าบ่า 4:3

เด๊อ เหร่อเคเนอ, ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ เมลอแกเด ม๊อเนอม๊อเซ เนอ ซี เม ลอแกเด โป่ เกอลอ โทเฮ๊อ ฮู๊เนอเฮ๊อ. ซี โอ่เซอเพร แกเด ลอ อาม๊อเนอม๊อเซ แคร๋, เร๊อ อิเต เฮ๊เนอหม่า, ซี เตโอ่ แซแรซิบี แร๊โต่, ซี ซิปล่อ ปาต๊าเปอเตอ, ซี เตเอ่มือโอแพร๊, ซี เมป่วยเมลา เด๊อ อา โอ่เร๊อ เตเอ่ตาลว๊าโอตาแก เต๊เห่, ซี เตจ๊อเบ เตแหย่โยแหย่กี เด๊อ เหล่ซิหย่อซิบี หนิ อา เต๊เห่เนอ เฮ๊อ.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

เปโตร เนอบ่า ต๊าบ่า 2:13

เด๊อ เหย่ซี เมจาเมจือ อู อาขว่าอาคยา, จอแปแหร่ เก่ เมเลอ กาคยา ฉื่อคยา เหย่ซี ฮู๊เนอ ปา. เหมาะเชเกล เจ๊อ เบ่เบ่ เหย่ซี ซิครือซิลอ จว๊าเมโม ตาปา เจ๊อ แลแค อาสุ่ยเทอพ๊าหย่า อา เตซิหยื่อ ปาต๊ามู๊แหม่ เนอเต๊เห่ เจ๊อ. เบ๊อะซี เมป่วยเมลา เบ๊อะเนอ, เหย่ซี แฮ เอ่เต่อโอเต่อ โข่เกอบย่า เร๊อ ซี เนอ, เหย่ซี เม แฮเง ตื๊อดื่อ ปา เจ๊อ แลแค เตซื๊อ เด๊อ อู ซิหย่อซิบี เนอเต๊เห่, อา เก่ แลโฮหนิ ซี เฮ๊เนอ อาโมตาปา เจ๊อ เหย่ซี เจ๊อ. ฮู๊เนอเรอ อาเมหมิปี เทอซิลอ ซี มีลาแร๊ เต๊เห่, โท๊โต่ อา เมเตเร ลอ ซี.

เปโตร อาเหร่อเล๊อ ต๊าบ่า 1:18

เมเตเฮ๊เรอ ซี ซิเงเฮ๊อ เร๊อ จอแปแหร่ พรีกา เฮ๊อ ซี เร๊อ รือเท เด๊อ อาปย๊าอาหลู่ แจ่ เนอเต๊เห่ หม่าโต่. แซ่ฮู๊ ซี เก่ แลเปล๊ เถ่แกเบ๊ เร๊อ ซีโหมะซีเพ เพอโพ เด๋อ หนู่เค เต๊เห่ เด๊อะตาแก ซี เตโอ่เซอเพร เด๊อ อาบุ๊ยอาเตอเรอ โอ่เกออู โต่ เนอเต๊เห่ อาเงเนอเรอ, อา พรีกา เฮ๊อ ซี เฮ๊อ.

โคโลสี 2:11

ซี โอ่ เด๊อ ครี๊ อากู อาขว่าอาคยา, อา แซ่เฮ๊อ เน๊อ ซี ดื๊อตีลี๊พ๊า เฮ๊อ. เตดื๊อตีลี๊พ๊า เออเนอ แกแย ดื๊อ ซี หม่าโต่. เบ๊อะครี๊ พย๊าเถ่แก เฮ๊อ ซี ซิปล่อ อา เตซิหยื่อซิลอ มู๊แหม่รีแจ่ เต๊เห่ เบ๊อะเนออาเค, อา ดื๊อตีลี๊ ซีพ๊า เฮ๊อ.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

เปโตร เนอบ่า ต๊าบ่า 2:7

อา เด๊อะ แลเปล๊แก แกแย จ๊อเต เตเพร เด๊อ อามุย เร๊อ เพโลท. เด๊อ แกแยจา เออเต๊เห่ ลือ อาสุ่ยเทอพ๊าหย่า อา เตซิหยื่อซิลอ มู๊แหม่รีแจ่ เต๊เห่ อาขว่าอาคยา, เพโลท ซิปล่อโม ตีกี๋โต่.

ꤊꤢ꤬ꤜꤢ꤬ꤒꤤ 1:13

เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ.

ꤚꤥꤗꤢꤩ꤬ 7:11

เมเตเฮ๊เรอ, เตซื๊อ แม๊เถอะหนิ อา เหล่โอ่แร๊ เด๊อ อา เก่ ตาเต แถ่หนิ โหง่เฮ๊แก เออ อาขว่าอาคยา, อา อี๊ลอแลโฮ แพ๊ แว. โทเรอ อา นอเอ่ โหง่เฮ๊แก เออ เร๊อ อา เมเซอแก แว แพ๊.

ꤡꤛꤢꤩ꤭ꤗꤢ꤬ꤎꤣ꤬ 1:26

แกแย เตเพรเพร เด๊อ อา เตเนโต่ เกอเร๊อ อาเหน่ เร๊อ อา หม่า แกแย จ๊อบู่จ๊อเบ แร๊ แหน่เจ๊อ เต เตเพร หม่าแน๊เรอ อา เก่ รอ เกอเร๊อ อา เตเฮ๊เบ่ โต่ เฮ๊เนอ, อา จ๊อบู่จ๊อเบ แร๊ เต เออเนอ, อาหนิบุ๊ยหนิเตอเรอ ปา เตอเจ๋อ โต่. เร๊อ อา ทวา แพ๊ แกแย เด๊อ อา แลโฮแลแห่ แล เกอเร๊อ อาเหน่ เตเพรแพ๊.

โครินธ์ เนอบ่า ต๊าบ่า 11:3

ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.

เอเฟซัส 4:31

วี๊แก แก เตซิปล่อเช, เตซิปล่อดุ, เตกย๊า เอ๊โทเอ๊โม ลู, เตแด๊เหมอะเทอโย, เตซิค๊า มู๊แหม่รีแจ่ อู ปว๊าเต๊อเจอะ เออเต๊เห่ นี๋.