เอเฟซัส 4:21 - ลีเทส่อพ๊าอาเซ เร๊อ เห่ขุทวาลู๊

²¹ ซี เด๊อ อา ทวาแถ่ เตอเจ๋อโต เร๊อ ครี๊ เฮ๊อ เต๊เห่เนอ, แว หยื่อเอ่ เร๊อ ซี หนิโฮ ตาเต โทเฮ๊อ ครี๊ อาหรี่อาแก เฮ๊อ. โทเรอ อู อิซว๊า โท เป่เฮ๊อ ซี เตอิซว๊า เด๊อ อาจ๊ออาเต เด๊อ เหย่ซู่ อิซว๊า โทเฮ๊อ เนอเต๊เห่ เฮ๊อ.

Eastern Kayah Shadaw Dialect

²¹ ꤞꤤ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤔꤢꤧ ꤞꤤ꤭ ꤔ꤫ꤤ꤬ꤟꤥ꤭ ꤒꤢ꤭ꤒꤢꤩ꤬ ꤓꤥ꤭ꤟꤣꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ꤯ ꤓꤥ꤭ꤚꤣꤧ꤬ ꤢꤨ꤭ ꤤ꤬ꤞꤝꤢ ꤓꤥ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤒꤢꤩ꤬ꤤ꤬ꤞꤝꤢ ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤘꤣ ꤛꤢꤩ꤬ꤏꤛꤢꤨ ꤤ꤬ꤞꤝꤢ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เอเฟซัส 4:21 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

ꤛꤥ꤭ꤟꤢ꤬ 14:17

อา หม่า หม่าเฮ๊อ แหย่โยบูโพ๊แบ่เจ่ เฮ๊อ. อา เก่ อิซว๊าอี๊แส่ ยูแกล๊ยูโกล ซี เน๊อ เตหม่า เตจ๊อ เออเนอ ปา. แกแย เห่ขุพู๊ เต๊เห่ แม๊เถอะน๊อ ลู โต่โต่, ซิเงน๊อ ลู โต่โต่ อาขว่าอาคยา, อา เอ๊ฉื่อ ลู โต่ ปา. หม่าแน๊เรอ ซี ซิเงเฮ๊อ ลู, เมเตเฮ๊เรอ อา โอ่เซอเพร เต่อเกอ เร๊อ ซี เร๊อ อา เก่ แฮโอ่ เด๊อ ซี ซิปล่อกู ปา.

โครินธ์ เนอบ่า ต๊าบ่า 11:10

แว เฮ๊เบ่ถู่เซ๊ เกอเร๊อ เพรหยื่อเอ่เต ตู๊หมู่ตอกล๊อ เด๊อ อาโร เด๊อ อา โอ่ เกอ เบ๊อะอาคายาเก่กู เออเต๊เห่ อาหรี่อาแก เออเนอ, แว ถู่เซ๊ วี๊เนโต่. เมเตเฮ๊เรอ ครี๊ อา เตหมะเตจ๊อ โอ่ เด๊อ แวกู อาขว่าอาคยา, แว เฮ๊ เป่ ซี กู๊แหน่ เออเต๊เห่เนอ, ซี เกล๊ ซิเงตาเต เบ๊แหน่ แพ๊.

โครินธ์ เนอบ่า ต๊าบ่า 1:20

แบ่เจ่ เหย่ซู่ เมเล๊อเมบา เป่ ลอ เฮ๊อ ล๋อ จอแปแหร่ อา เตอ๊อแล เนอเต๊เห่ เฮ๊อ. อา เมเล๊อเมบา เป่ จอแปแหร่ อา เตอ๊อแล เออเนอหมา, เป ซิปล่อโต เกอ แพ๊ เร๊อ เป เก่ เฮ๊ เน๊อ, “อาเมน” อาโหง่แลช๊า หม่า “อา หม่าแหน่ เจ๊อ” เร๊อ เป เก่ ถู่เซ๊แถ่ จอแปแหร่ ฮู๊เนอ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 10:27

แว ซิหมิ เต๊เห่ เนอหม่า อา หนิดา แวโหง่. แว ซิเง เหย่ซี, เร๊อ เหย่ซี ครวา แวคยา.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

ꤚꤥꤗꤢꤩ꤬ 10:14

เก่ เมฮู๊เนอเรอ, เหย่ซี เตหยื่อ เก่ โอ่โต่ เฮ๊เรอ อา จว๊า กุยแถ่แจ่ เตเมจว่า เด๊อ แบ่เจ่ เหย่ซู่ อา โอ่ ฮู๊เต? เก่ เหย่ซี หนิโฮน๊อ โต่ เฮ๊เรอ อา จว๊า หยื่อเอ่แจ่ แบ่เจ่ เหย่ซู่ ฮู๊เต? เพรโด่แนพู๊ เต๊เห่แด๊โฉ่ เป่ เหย่ซี เก่ โอ่โต่ เฮ๊เรอ เหย่ซี จว๊าหนิโฮแจ่ ฮู๊เต?

เอเฟซัส 2:17

ฮู๊เนอเรอ แกแยยิวพู๊ หม่าโต่ เด๊อ อา โอ่ ตาพายา เร๊อ จอแปแหร่ เต๊เห่ เบ่เบ่, แกแยยิวพู๊ เด๊อ อา โอ่ผื่อ เร๊อ จอแปแหร่ เต๊เห่ เบ่เบ่, ครี๊ แฮแล โด่แนแด๊โฉ่ เป่เฮ๊อ เหย่ซี เร๊อ เตเปเตดวา อา เตซิครือมีลา เฮ๊อ.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.