เอเฟซัส 4:16 - ลีเทส่อพ๊าอาเซ เร๊อ เห่ขุทวาลู๊16 ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา. အခန်းကိုကြည့်ပါ။Eastern Kayah Shadaw Dialect16 ꤋꤚꤤ ꤕ꤫ꤢꤦ꤬ꤗꤢ꤬ ꤥ꤬ꤕꤜꤢꤪꤡꤢꤦ꤭ ꤒ꤫ꤣ꤬ꤜꤢꤪ꤭ ꤢ꤬ꤊꤣꤧ꤬ꤛꤢꤧ꤭ ꤞꤤ꤭ꤒꤣꤧ꤬ꤟꤢꤩ꤬ ꤘꤣ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤚꤝ꤫ꤤ꤬ꤓꤝꤢ꤬ ꤔꤢꤧ ꤢ꤬ꤋꤚꤝꤤꤢ꤬ꤋꤚꤝꤢ ꤘꤣ ꤢ꤬ꤡꤢꤦꤗꤢ꤬ ꤡ꤫ꤢꤩ꤬ꤡꤢꤦ꤭ ꤚꤣꤧꤒ꤫ꤣ꤬ ꤜꤢꤪ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤘꤣ ꤢ꤬ ꤋꤥꤜꤢꤨ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤢꤩ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤒꤣ꤬ꤡꤣ꤬ ꤔꤢꤧ ꤒꤣ꤬ꤡꤣ꤬ ꤊꤢꤩ꤬ ꤗꤢꤩ꤬ꤘꤢꤦ꤬ ꤢ꤬ꤒꤢꤩ꤬ꤗꤢꤩ꤬ ꤘꤣ ꤢ꤬ ꤒꤥ꤭ ꤗꤢꤩ꤬ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤚꤢꤩ꤬ꤜꤢꤪ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ ꤚꤣꤧ꤬ ꤏꤢꤪ꤭ꤓꤢꤧ꤬ ꤔꤢꤧ ꤏꤢꤪ꤭ꤓꤢꤧ꤬ ꤕꤢ꤭꤯ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤔꤣꤧ꤬ꤗꤢ꤬ ꤢ꤬ ꤞꤢꤧ ꤟꤢꤨꤔꤣꤧ꤬ ꤟꤣꤧꤟꤣꤧ꤯ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ꤒꤢꤩ꤬ꤗꤢꤩ꤬ ꤋꤥꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊꤢꤩ꤬ ꤗꤥ꤬ ꤚꤣꤧꤘꤢꤦ꤬ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤊꤢꤩ꤬ ꤗꤢꤩ꤬ ꤚꤣꤧꤘꤢꤦ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤟꤢꤩꤔꤣꤧ꤬ꤗꤢ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ ꤜꤣꤙꤢ꤭ ꤘꤤ꤭ꤒ꤫ꤢꤦ꤬ ꤘꤢꤦ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤛꤢ꤭ ꤕꤢ꤭꤯ အခန်းကိုကြည့်ပါ။ |
กู๊แหน่เรอ แว ซิหยื่อ ราจว๊า เป่ ซี เหล่เอ่ เด๊อ อู โบ่แถ่ เร๊อ เตแหย่โย เนอเต๊เห่ อาหรี่อาแก. ซี เฮ๊ เร๊อ เตแหย่โย เต๊เห่ เนอหม่า อา เตโพรเตเตอเรอ ฉว่าชอ เด๊อ อา เหล่เมเป่ เป เนอ อาโอ่ โต่ เนอ เป ซิเง, ซี เฮ๊ ฮู๊เนอ หม่า อาหม่า ว๊า. ซี เตซิเง เออเนอ, อา นอพย๊าแด่โล ซี เน๊อ ซี เหน่ หม่าแน๊เรอ เตโม เนอ อา เมจว่า หม่าแหน่ เจ๊อ อู เจ๊อ.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.
แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.
เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.
เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.
เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.