เอเฟซัส 4:15 - ลีเทส่อพ๊าอาเซ เร๊อ เห่ขุทวาลู๊

¹⁵ หม่าแน๊เรอ, เป โต เฮ๊เบ่แหน่ เด๊อ อาจ๊ออาเต เร๊อ เตโม เออเต๊เห่. โทเรอ เด๊อ เป เม เตปว๋า เต๊อเจ่อ อากูเนอ, เป เบ่ ทวาแถ่ แซ่เกอดื่อ เร๊อ เป แบ่เจ่ ครี๊ เด๊อ อา ทวา เป่ กู่กล๊อ เออเนอ เตเพร เฮ๊อ.

Eastern Kayah Shadaw Dialect

¹⁵ ꤗ꤫ꤢ꤬ꤟꤢꤩꤗꤢ꤬, ꤕꤢꤩ꤬ ꤒꤥ꤭ ꤟꤢꤩꤙꤢꤩ꤬ꤜꤣ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤔꤢꤧ ꤒꤢꤩ꤬ꤗꤥ꤬ ꤣꤧ꤭ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤘꤣ ꤕꤢꤩ꤬ ꤗꤢꤩ꤬ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤊꤢꤨ꤭ꤔꤣꤧ꤬ ꤕꤢꤩ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ꤘꤢꤦ꤬ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤋꤚꤤ ꤘꤣ ꤢ꤬ ꤓꤝꤢ꤭ ꤕꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

เอเฟซัส 4:15 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:18

แวพู๊แวเลอ ซี๋, เป เตโม เออเนอ นอพราเถ่ แต่ ตื๊อแพ๊ เด๊อ ซี กู๊อู่กู๊เผ่ลู เนอ แต่เหม่ นี๋. ซี โตเบ่ เมจว่า หม่าแหน่ อู ฮู๊ จอแปแหร่ โม หม่าแหน่ เป เนอ.

เอเฟซัส 4:25

ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

เอเฟซัส 2:21

แบ่เจ่ หม่า เพร เด๊อ อา ปื่อหม่าจุ่ยหม่า เต่อปล๊อหนิ ลอ หี่ครือหี่คร่อ เออเตเม เร๊อ อา เมดุแถ่ เร๊อ ดุแถ่ หนิ หี่ เออเตเม เร๊อ เด๊อคยาตื๊อดื่อเนอ, อา ทวาแถ่ เตหลู่แตโฮ บูโพ๊ เด๊อ แบ่เจ่ เหล่โอ่เกอเร๊อ อาเง เตเม เฮ๊อ.

เอเฟซัส 1:22

จอแปแหร่ นอโอ่ ลอเฮ๊อ เตปว๋า เต๊อเจ่อ เด๊อ ครี๊ อา เตเป๊ออาเล เฮ๊อ. จอแปแหร่ นว๊าเถ่ เฮ๊อ ลู เด๊อ อา เก่ ทวาลอ เตปว๋า เต๊อเจ่อ อากู่กล๊อ เด๊อ เพรหยื่อเอ่ตู๊หมู่ตอกล๊อ อาเง เฮ๊อ.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

ꤚꤥꤗꤢꤩ꤬ 12:9

โมค๊าโมโข่ แต่ อู แต่เหม่ นี๋. ซิหย่อแก เตมู๊แหม่รีแจ่ นี๋. ดี๊กลา หม่าหนิแร๊ แลแค เตแร๊ นี๋.

ꤛꤥ꤭ꤟꤢ꤬ 1:47

เบ๊อะเหย่ซู่ แม๊เถอะ คูนาธานาเอล แฮ เด๊อ ลูโอ่ เบ๊อะเนอ, อา เฮ๊ คูนาธานาเอล อาหรี่อาแก เน๊อ, “อา หม่า อิสราเอลพู๊ หม่าแหน่ เตเพร. อา แลโฮแลแห่ เกออู แตแค๋โต่.”

เอเฟซัส 5:23

เมเตเฮ๊เรอ, ฮู๊ ครี๊ หม่าดื่อ เพรหยื่อเอ่ตู๊หมู่ตอกล๊อ อากู่กล๊อ เนอ, เว หม่า อา หม่า ดื่อเฮ๊อ เม อากู่กล๊อ. เพรหยื่อเอ่ตู๊หมู่ตอกล๊อ หม่า ครี๊ อาเหน่กล่อ เฮ๊อ. เพร เด๊อ อา อี๊ถ่ากา อา เพรหยื่อเอ่ตู๊หมู่ตอกล๊อ เออเนอหมา อาเนอเฮ๊อ.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

โครินธ์ เนอบ่า ต๊าบ่า 8:8

แว เฮ๊ ฮู๊เออ เร๊อ แว นอฉว่า ซี ฮู๊เนอ หม่าโต่. แซ่ฮู๊ ซี เก่ ครวาแม๊บือ เกอ แกแย เด๊อ อาโรเต๊เห่ ซิปล่อฉว่า เมจว่า อู เนอเรอ, แว ซิหยื่อ เด๊อซิเง เป่ เกอ ซี ฮู๊เนอ แพ๊. เด๊อ แว เด๊อะโล ซี ฮู๊เออ อาขว่าอาคยาเร๊อ ซี โม หม่าแหน่ อู แอ? ซี โม หม่าโต่ แอ? เนอ, แว เก่ ซิเงแฮ ปา ฮู๊เนอ แพ๊.

โครินธ์ อาเหร่อเล๊อ ต๊าบ่า 11:3

หม่าแน๊เรอ แว ซิหยื่อ นอ ซิเงโปล แร๊ เกอ โป่ ซี เร๊อ ครี๊ หม่า เพรคู เต๊เห่ อากู่กล๊อ. เร๊อ เว หม่า อา ทวา เม อากู่กล๊อ, เร๊อ จอแปแหร่ หม่า อา ทวา ครี๊ อากู่กล๊อ.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.