เอเฟซัส 4:14 - ลีเทส่อพ๊าอาเซ เร๊อ เห่ขุทวาลู๊14 ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ. အခန်းကိုကြည့်ပါ။Eastern Kayah Shadaw Dialect14 ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤢ꤬ ꤤ꤬ꤔꤢꤨꤕꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ꤯ ꤊꤣꤧ꤬ꤛꤢꤧ꤭ꤊꤢ꤬ ꤘꤣ ꤢ꤬ ꤤ꤬ꤞꤝꤢꤜꤣꤧ꤬ꤟꤥ꤭ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤡ꤫ꤢꤧ꤬ ꤕꤢ꤬ ꤕꤢꤩ꤬ ꤒꤥ꤬, ꤚꤣꤧ꤬ ꤕꤢꤩ꤬ ꤛ꤫ꤢꤦ꤬ꤢꤩ꤬ꤞꤢꤦ ꤡ꤫ꤢꤧ꤬ꤊꤣꤧ꤭ ꤕꤢ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤥ꤬ ꤟꤣꤧ꤯ ꤕꤢꤩ꤬ ꤞꤢꤧꤕꤢ꤬ ꤔꤢꤧ ꤞꤢꤪ꤬ꤊꤜꤣꤧ꤭ ꤘꤣ ꤊ꤫ꤢꤩ꤬ꤜꤣꤧ꤬ꤞꤢꤩꤘꤢꤨ꤬ ꤚꤣꤧ꤬ ꤢ꤬ ꤕꤜ꤫ꤢꤧ꤬ ꤜꤢꤨ꤬ꤓꤥ꤭ꤜꤢꤨ꤬ꤜꤢꤧ꤬ ꤢ꤬ ꤒꤣ꤬ꤙꤢꤩ꤬ꤔꤣꤧ꤬ ꤗ꤫ꤢ꤬ ꤕꤢ꤬ꤒꤥ꤬ꤟꤣꤧ꤯ အခန်းကိုကြည့်ပါ။ |
เอเฟซัส 4:14
44 ပူးပေါင်းရင်းမြစ်များ
หม่าแน๊เรอ จว๊าหนิดา เต เหย่ซีโหง่ แต่เหม่ นี๋, เมเตเฮ๊เรอ แกแย เตเร โอ่ป่อ เมเซอโห่ อาเนอ อา โอ่ เจ๊อ แกแย ลุยเชอ เล๊อเจ๊อ. เหย่ซี แบโทเฮ๊อ ลูโหง่ เตเพร เร๊อ เตเพร เน๊อ, เหย่ซี เก่ เมเซอหนิ แล๋ คูเปาโล โต่ เฮ๊เนอ, เหย่ซี เอ่โอ เต เตอเจ๋อ โต่, อา เฮ๊ แลแค ฮู๊เน๋อ. กู๊แหน่เออ เหย่ซี โอ่ ตี๊หรี่แตแร หนื่ออื่อ ลอเฮ๊อ อาเหน่ เร๊อ อา เก่ เม แลแค ฮู๊เออ อาขว่าอาคยา, เหย่ซี โอ่ป่อ หนิดา แพ๊ เน เตเฮ๊ กาคยาฉื่อ ฮู๊เต เนอแพ๊.”
แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.
แกแย เห่ขุพู๊ เต๊เห่ เตเน เร๊อ เออ หม่า เตลีแมลีเพ๊ เฮ๊อ เต๊เห่เนอ, เด๊อ จอแปแหร่ อาเง เนอหม่า อา หม่า แพ๊ เตโอ่เล๊อโอ่กลอ แพ๊. ลีเทส่อพ๊ากู เฮ๊ เน๊อ, “เพรลีแมลีเพ๊ เต๊เห่ เตเน เกอเร๊อ แลแค อาเหน่ เน๊อ เป แจ่ ลา เฮ๊อ หม่าแน๊เรอ จอแปแหร่ ปื่อหนิแก เฮ๊อ เหย่ซี เร๊อ เหย่ซี อาเตแจ่แหน่ เออเนอเฮ๊อ. เหย่ซี อาเตเมแจ่เมแหน่ เต๊เห่ เนอหม่า หม่าแพ๊ แด๊ปา แพ๊.”
แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.
เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.
นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.
เก่หม่าโต่เรอ เตเนแม๊ แลแค ส่อเกลอดุ เต๊เบ่ อาหรี่อาแก เนอ. ส่อเกลอดุ เออ อาดุ แหน่เจ๊อ เร๊อ เก่แลเซ๊ดุ พอลูจว๊า เจ๊อ ลู หม่าแน๊เรอ เต เด๊อ อา ย๊อ ตีรี๊จว๊าเบ๊ ลู เนอหม่า ส่อเกลอ เหล่ย๊อวื๊อจว๊า ปีติ้วฮู๊ เต๊เบ่ แพ๊. เร๊อ เพรเหว่ ส่อเกลอดุ เออเตเพร ซิหยื่อ จว๊าเบ๊อะโต๊โผ่เนอ, ส่อเกลอ เหล่ย๊อวื๊อจว๊า เออเนอ ซูจว๊า ลู แพ๊.
เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.
เหย่ซี เถ่จว๊าแก เด๊อ เปเกล เฮ๊อ. เหย่ซี เออเต๊เห่ เนอหม่า อา โอ่เต่อ แม๊เกอ หม่าแหน่ เร๊อ เป เตแบ๊ซว๊าแบ๊โค ลู เออเนอ หม่าโต่. เหย่ซี เก่ โอ่ป่าเต่อ หม่าเกอ หม่าแหน่ เร๊อ เป เฮ๊เนอหม่า, เหย่ซี แกล๊ โอ่เต่อเกอ แหน่ เร๊อ เป แพ๊. หม่าแน๊เรอ เหย่ซี เถ่จว๊าแก เด๊อ เปเกล เร๊อ เหย่ซี อาเตเถ่จว๊าแก เออเนอ อา เด๊อะโล หล่าลีแก เจ๊อ เฮ๊อ เร๊อ เหย่ซี โอ่เต่อเกอ หม่าแหน่ ปา เร๊อ เป เตเพร่ว โต่ เฮ๊อ.
แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.
เบ๊อะซี แบ๊ซว๊าแบ๊โค โอ่ปล๊อโอ่ปลูโร๊ลู เหล่เอ่ เบ๊อะเนอ, แกแย เออเต๊เห่ แฮโนเม โตโพร๊ตาผร่า เกอ เร๊อ ซี. เหย่ซี เออเต๊เห่ เนอหม่า อาแซ่แพ๊ เร๊อ เพรเกซิหมิ เต๊เห่ เด๊อ อา แม๊ดุ แพ๊ตื๊อ อา เหล่เอ่น๊อ โอแด๊ อาเงแพ๊, เร๊อ อา เหล่ซิเตเร เนอ อา โอ่ เกอ แลแค อู เตอเจ๋อ โต่. เหย่ซี เนอหม่า อาแซ่เน๊อ อ๊อโหล่ เต๊เห่ เด๊อ อา โก จว๊าแก เร๊อ อา จือตา เป่ อู โต่ เนอเต๊เห่ แพ๊. เหย่ซี เออเต๊เห่เนอ อาแซ่เน๊อ ส่อเหมาะ เด๊อ อาเส่อาโพ เถ่ เกออู เร๊อ อาโตอาเบ่ โต่ เต๊เห่, เร๊อ อู ท๊อเถ่ เตเทหรุ่ยแก เฮ๊อ เหย่ซี เร๊อ อา เซอแก ลอ เฮ๊อ.
อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
ကြော်ငြာတွေ